Anai gru, cei gru nao tal sang jak ba anek saih bac veik 

Tui yaok pataom camereip di Jabat Pato megru huyen kaoh pulao Phú Qúy, hadei jit hu 51 anek saih klak bac, dalam nan, ta-eng Sang bac Tam Thanh hu 29 adei. Langiu di nan, daok hu dom adei karei jeng mbuan klak bac kayua sang kan kandah kayua jit ruak. Ralo anek saih likei klak bac piah nao tasik, anek saih kumei ye nao ngak pah di kuan ia, cửa hàng piah duah jien daong amaik ame.  

Anai gru, cei gru nao tal sang jak ba ye oh gaok kayua dom adei oh daok di sang, daok amaik ame ye mboh anek nao tasik hu jien ye oh pambuak saong anai gru, cei gru jak ba anek bhik nao bac veik. Sahaneng lac “bac piah thau akhar huroh blaoh nao tasik duah jien” nan nyu njom tame dalam akaok sahaneng di rilo rairah urang nao tasik, oh ka salih hu.

Langiu di bruk kurang sahaneng di amaik ame, sa bruk hu mboh di bhum tasik lac urang nao tasik lavik harei nan ye takik hu tuk vak piah sangka bruk bac da-a di anek bik. Dom adei takre mein, alah bac, lavik harei oh tui sumu kadha bac blaoh alah metah ba tal klak bac nao tasik duah jien.

Sa bruk karei tra nan lac kurang manuac nao tasik. Kayua patagok gilai taong ikan samar yau nan ye rilo po gilai pandar uranaih tame ngak oh lac dom mbang nao chap ikan labik tasik jiak bo daok nao tui dom mbang gilai taong chap ikan tasik atah lavik harei.

Meng hatai Kham merat jak ba dom anek saih mai gilac veik sang bac, dom sang bac hu jhul khang bruk jak ba amaik ame saong anek saih. Anai gru Phạm Thị Thanh Vân, Akok Sang bac THCS Phan Thanh brei thau: dom adei padeih bac harei halei ye lahik kadha bac harei nan, kan yam tapa dom mbang pakacah, dalam tuk daok dom adit tra lac tamat thun bac. Kayua Yau nan ye, bruk jak ba dom adei nao bac veik nan lac bruk njauk ngak. Yaok pagei harei som, dom anai gru, cei gru dang kaok tal bac jeng eiw angan anek saih, meyah adei halei oh hu mbaok ye biar harei nao tal sang piah duah thau saong dom harei patui nan kham merat jak ba dom adei mai bac veik, meyah hadei di 4 harei bo mboh bruk jak ba oh jeng ye duah jalan ngak karei lagaih jang saong raidiuk di yaok adei.

Gah karja palei, hadei di tuk duah thau blaoh, UB bhap bini huyện Phú Qúy hu panuac ieu Ban giam hiệu dom sang bac, dom gah saong kapol nyaom brei patui bruk jak ba anek saih nao bac, brei caik hatai tal dom anek saih biak kan kandah piah samar daong tapuk siphau, khan ao atau jien bac, abih di nyu lac dom sang bac hu anek saih klak bac rilo yau Tam Thanh saong Long Hải. Gam tui nan, Đồn Biên phòng pabah lamnge Phú Quý saong Công an dom xã jeng hu mbaok tame jak ba dom anek saih  klak bac nao tasik atau nao ngak mbang apah di dom tiem, kuan…gilac veik sang bac./.

(Urang lang: Ái Nghiêm - 10/06)