Urang dang akaok Bộ Tư lệnh bộ đội Biên phòng brei thau: bruk pablei salih lậu saong pajeng ba pandap panda suan hukum tapa biên giới Tây Nam daok rah tabiak khang ngan saong rilo jalan ngak dak harei dak kan duah mboh. Yau nan, jalan ngak halei siam lagaih piah pacang caga pablei salih lậu, bleik saleik dalam pablei salih saong pajeng ba pandap panda suan hukum tapa biên giới. Lệ Hằng urang vak di rayo sap ndom VN daok di ban raya HCM hu kadha vak brei thau ka bruk ini:

Dalam 6 bilan tapa, Bộ đội Biên phòng dom tỉnh hu jalan biên giới di Tây Nam bộ hu duah mboh saong mek khik labaih 290 mbang pablei salih lậu xăng menyek, pakao hala, mỹ phẩm, alak, saradang… yaom abih tih jaik 22 tỷ 300 triệu đồng. Dalam nan hu jaik 1 triệu 800 rabau lít xăng menyek saong jaik 300 rabau bao pakao hala. Urak ini dom pandap panda pablei salih lậu rilo abih tapa biên giới lac xăng menyek, pakao hala saong saradang. Abih di nyu nan lac, bruk pablei salih lậu xăng menyek dak harei dak rah tabiak khang di bhum tasik tỉnh Kiên Giang saong biên giới di tỉnh An Giang. Kayua yaom xăng menyek dalam taneh ia glaong jang meng 2 rabau 500 đồng tal 4 rabau đồng /sa lít duk saong dom taneh ia dalam bhum, yau nan ye angaok tasik Kiên Giang, 1 yau kapal taong cap ikan dalam sa bilan meyah blei xăng, menyek lậu meda patak pataom hu meng 45-60 triệu đồng duk saong blei angaok mbaok haluk, gam patak pataom tukvak. Ini lac sa bruk kan kandah dalam pacang caga pablei salih lậu xăng, menyek urak ini. Amuk Lê Minh Phụng, Phó akaok uy mban bhapbini tỉnh Kiên Giang, akaok mban tacei pato 389 di tỉnh brei thau: "Dom libik pablei xăng menyek tok hu labik pablei angaok ar min, oh ka hu kapal ba xăng menyek pablei ka kapal taong cap ikan angaok tasik, ini lac kadha ka dom po kapar blei lậu xăng menyek lingiu tasik.

Tabhia nan, tui rilo gah chức năng pacang caga pablei salih lậu di bhum Tây Nam bộ, urak ini kapul pacang caga pablei salih lậu saong bộ đội biên phòng daok biak takik, radiah, kapal ngak bruk oh ka ginup, ngak tui adat hukum oh ka catang, yau nan ye jeng daok rah tabiak bruk pablei salih angaok tasik. Piah ngak hu siam jang bruk pacang caga pablei salih lậu saong bleik saleik dalam pablei salih, rilo puk palei ndom lac njauk ramik pasiam dom quy dinh oh ka njauk, oh ka lagaih dalam bruk taong phạt hành chính urang pablei salih lậu, patagok quyen xu ly di bộ đội biên phòng, jak ba hu bhapbini tame caga pablei salih lậu. Rilo puk palei jeng caong khin ngak camera di dom libik praong di tuyến giới. Ông Lê Minh Đức, Giám đốc Sở Công thương Long An, Phó mBan tacei pato 389 di tỉnh ini hu panuac lac: Caong khin rajaei hu sarak ka patagok kinh te, xã hội ngak ka urang bhapbini bhum biên hu jalan ngak mbang kinh te, mek jien tame glaong, kinh te tani tanat ye urang oh tame pablei salih lậu. Quy chế pambuak gauk ngak bruk di mban tacei pato 389 tỉnh Long An, Tây Ninh saong ban raya HCM khang kajap lac meda trun takik pablei salih lậu.”

-Anak bruk pablei salih lậu tapa biên giới dak harei dak rah tabiak khang, Bộ Tư lệnh bộ đội Biên phòng meda peih tabiak jalan ngak jaik haong puk palei, brei thau camabih libik rah tabiak ralo bruk pablei salih lậu, pasang iek bhum tasik, kapal gilai, urang ngak ikan tuk tabiak tasik, cửa khẩu jalan mòn, jalan peih saong libik pataom pandap panda jaik biên giới. Bộ tư lệnh jeng tacei tabiak saong quy trách nhiệm ka urang dang akaok dalam bruk dak padang saong peih ngak siam bruk pacang caga pablei salih lậu dalam labik di drei. Trung tướng Hoàng Xuân Chiến, Tư lệnh Bộ đội Biên phòng brei thau:“Pambuak bruk saong dom pakat, dom nganh saong pakat uy, karja puk palei, pataom tame pasang iek taong yaom jalan ngak, kapul nyaom pablei salih lậu piah pacang caga hu siam, abih di nyu nan lac labik biên giới Việt Nam - Camphuchia.”

-Piah ngak hu siam jang bruk pacang caga pablei salih lậu saong bleik saleik dalam pablei salih, ong Trương Hòa Bình - Ủy viên mintri Chính trị, Phó Thủ tướng thường trực rajaei, akaok mban tacei pato 389 negar pandar akaok uy mban bhapbini dom tỉnh hu jalan biên giới di Tây Nam bộ saong mban tacei pato 389 dom tỉnh ini paglaong bruk di urang dang akaok, oh luai caik ka pandap panda pablei salih lậu ba tame jaik biên giới. Bộ đội biên phòng ngak siam bruk tham mưu saong pambuak bruk khang haong puk palei piah ngak hu siam jang bruk pacang caga pablei salih lậu saong bleik saleik dalam pablei salih. Phó Thủ tướng Trương Hòa Bình lac:“Njauk pacang caga tội phạm pak dalam gah chức năng pacang caga pablei salih lậu, bleik saleih dalam pablei salih, pandap ja…oh lac dalam bộ đội biên phòng bo di dom kapul karei. Khik ramik catang nội bộ, njauk drah samal salih bruk ngak karei  dom urang lin hu biểu hiện tiêu cực ba jalan, pacang ka kol pablei salih lậu, patagok bruk pasang iek biên giới, bhum tasik, salih barau bruk pacang caga pablei salih lậu ka nyu siam jang njauk saong bruk di anak meta ...

Piah ka bruk pacang caga pablei salih lậu tapa biên gioi hu siam lagaih, tabhia bruk pato pakai tu tuong chinh tri ka gah ngak công vụ lac njauk hu bruk pambauk gauk di dom gah chức năng. Abih di nyu nan lac dom libik ini njauk hu pabak brei dom pandap pabak siam ka bruk ngak./.

Thúy Linh