Kem pacang pandiak lac pandap oh kurang hu dalam bilan hè

Mabuk pandiak ngak brei rup pabhap pandiak tagok saong mbuan pandik glo akaok trung ương. Bruk bhian mboh lac rup pandiak tagok mangaok 40 độ C saong patrun chức năng thần kinh di 80% dom urang mebuk pandiak.

Tuk njauk mabuk pandiak, khol drei mboh glaih glar, having akaok..saong daok mbuan ba tal đột quỵ. Mayah oh taong ruak samar mada ba tal dom di chứng glo akaok oh siam viek hu, khut rilo cơ quan saong metai.

Tuk bahrau nao di langik pandiak mai lac vaktu dalam rup pabhap tabiak rilo ia hauk, rup pabhap pandiak glaong, jhui manei chip kayua ngak salih thân nhiệt chip, biak nguy hiểm, mbuan ba tal đột quỵ.

Di bilan langik pandiak, njauk mayum rilo ia, mbang dom janih pandap la-an, njam patam, baoh kraoh hu rilo kali yau ye: njam njek, njam lang, rau má, baoh traong nde… cuh khan aw laneng lahei, mbuan njom ia hauk.

Dom harei pandiak bhang chỉ số tia cực tím tagok glaong, mbuan ba tal pandung kalik, jhuk kalik, sốc nhiệt, saong ung thư kalik biak glaong. Dom bác sĩ kakei brei takik tabiak langiu meng maong 11 tal maong 2, maong 3 bier harei dom harei pandiak bhang. Oh brei caik uranaih atau urang halei daok dalam radaih ô tô tuk padieh saong padam jamriak dalam tuk langik pandiak bhang, yaom lac dalam vaktu katut, kayua nhiệt độ dalam radaih meda tagok jang labaih 11 độ C dalam 10 minit...

Dom bác sĩ kakei lac, piah pacang caga mabuk pandiak, tuk tabiak langiu tuk langik pandiak bhang njauk pacang sir, luk jru pacang pandiak, bhian manyum ia, oh ngak bruk suai lavik ala langik pandiak atau ngak bruk dalam labik pandiak...

Kem pacang pandiak lac pandap oh kurang hu dalam bilan hè. Hu 3 bruk ngak suan mbuan gaok dalam bruk pandar kem pacang pandiak lac: luk biak takik, pilih ruah chỉ số pacang pandiak ka oh lagaih; luk kem pacang pandiak pagam haong dom janih jru karei oh njauk. Tui nan, dom bác sĩ kakei lac njauk pandar kem pacang pandiak meng di tuk hu ia harei page tal tuk melam, oh njauk lac hu ia harei meng luk, njauk luk 2 mbang sa harei, siam di abih lac meng 3 tal 4 mbang sa harei. Mayah nao tasik njauk pilih ruah kem pacang pandiak hu chỉ số pacang pandiak SPF 50 tagok, labik karei pilih ruah chỉ số biar jang. Njauk luk kem pacang pandiak tabak tagok kalik, mayah pandar jru karei ye njauk luk atah di gauk meng 15-20 minit./.

Urang lang: Thu Thảo – 18/06/2020