Bao cao su hu ngak tabiak piah pandar sa mbang, nyu kajap, lamin, dui tame tabiak hu, praong sit karei di gauk, hu ia janan saong hu ngak tui jalan biak catang piah khik haci hacih. Piah pandar bao cao su hu siam dalam tuk likei kumei ndih daok haong gauk, bao cao su brei siam, pandar njauk saong pandar sa mbang blaoh klaak.

Meyah pandar gilac veik bao cao su meda ba tal dom bruk jhak yau ini:

-Oh pacang hu ruak njom mbak tapa jaln kumei likei ndih daok haong gauk saong oh pacang hu metian kayua tuk rao tapa, ngak veik meng jru hóa chất, bao cao su nyu cadu takik laman, mbuan hluhk tahak ba tal mbuan njom mbak dom ruak tapa jalan likei kumei ndih daok haong gauk yau HIV, HPV, viêm gan siêu vi B, giang mai, lậu, sùi mào gà, Chlamydia, njaom ruak bimao Candida…saong metian langiu caong khin.

-Urang pandar jeng mbuan katal dị ứng kayua pandar jru ngak hacih oh thau meng halei mai…Tui yaok pataom, yaok bilan khoa ndih iek ruak 3, Sang iek ruak Da Liễu TP.HCM hu taduan saong iek ruak ka labaih 5.000 mbang urang iek ruak njom mbak tapa jalan likei kumei ndih daok haong gauk. Hu harei khoa hu taduan labaih 300 urang ruak njom mbak.

Bác sĩ Bùi Mạnh Hà - phó akok khoa lâm sàng 3, Sang iek ruak Da Liễu TP.HCM - kakei bhap bini tuk halei jeng pandar bao cao su birau ka yaok mbang ndih daok haong gauk, oh pandar gilac veik saong pandar njauk tui tacei pato di labik ngak tabiak. Yaok mbang ndih daok haong gauk juai pandar sa tuk dua mbao. Njauk pilih ruah bao cao su mbiah haong drei.

Khik piah di labik thu saong lahei, oh caik bao cao su di labik pandiak ia harei atau jru ngak jhak tal mbao, juai buh tame kadung mbuan ngak tahak mbao.

Pasang iek cambaih laih ao papaok saong tukvak pandar dahlau di tuk cuk tame saong mboh tantu lac nyu oh tahak. Njauk caik hatai tuk hak ao papaok piah plaik ngak tahak, nan oh nyu mbuan ba tal metian saong njom dom janih ruak xã hội. 

Meyah mboh katal hadei di tuk pandar bao cao su, katal labik melau di kumei, barah, having akaok, kan suak yawa…juai pandar mbao veik saong brei samar iew phone ka bac sĩ piah hu tacei pato./.

Urang lang: Aí Nghiêm  1/10/2020