Tui BS Nguyễn Thụy Song Hà, Bộ môn Y học thể dục thể thao Sang bac Đại học Y khoa Phạm Ngọc Thạch, bruk pasram the thao njauk, meda hu daong pakhang pasiam baoh hatai saong ngak patrun dom rối loạn nhịp tim. Ngak brei patagok bruk giãn nở dalam cada, daong patagok oxy dalam darah daong ka bruk chuyển hóa, daong ka rup pabhap ranaih veik. Takik ruak loãng xương saong abih di nyu lac gah jalan sahaneng,  daong urang umo taha diuk rai bui sambai, trun biak rilo bruk haduh hatai mboh lac daok sa drei di urang praong thun. Yau nan min, tuk pasram oh lagiah haong umo thun, rup pabhap, njauk ndem tal urang hu ruak dalam rup  ye ngak lahik prein yaw min oh thau.

  Ngan saong urang taha umo, dalam rup pabhap yau talang, tung pruac, labik tabiak ia hauk, kalik oh daok khang kajap, ngak patrun bruk pasram saong ngak kan kandah dalam bruk daok dang nao mai yaok harei. Langiu di nan, urang taha daok dang anak bruk lac trun darah dalam rup kayua baoh hatai takik ngak bruk kayua xơ cứng. Hu biak rilo kan kandah meda rah tabiak tuk urang umo taha ma-in the thao. Ngan saong urang ruak cơ tim kurang darah, bruk pasram the thao meda ngak ka baoh hatai kurang darah trak ba tal nhồi máu atau metai. Langiu di nan, dom môn thể thao yau caoh mbanh, taong võ mbuan ngak jaoh, mbaih talang. 

Kayua Yau nan ye, dahlau di tuk pasram urang taha umo njuak nao pasang iek pren yava, tangi sua bac si, chuyen gia piah hu panuac tacei pato ka bruk pasram rup pabhap ka nyu lagaih di abih ngan saong prein yawa, ruak kik di drei. Daok urang ruak nhồi máu cơ tim, pandik tada, loạn nhịp tim, suy tim cấp oh brei pasram aerobic.

  Ngan saong dom urang ruak talang khớp yau thoát vị đĩa đệm talang kaing, thoái hóa kaing, thoái hóa khớp ka-uk meng njol tal trak juai nao tabak, nduac, ndik takai nyal, dang tagok daok ala trun saong dom môn the thao yau cầu lông, taong mbanh, bo njauk salih jalan pasram karei yau ye juak radaih, caluai ia…

  Ngan saong urang umo thun praong hu patrun chức năng takik atau rilo karei di gauk, bruk pasram rup pabhap tok ngak mbuan mbiah yau salih bruk daok dang nao mai radei radei, nyol mbiah haong gai jre atau nao meng nạng lac siam paje. Langiu di nan, pasram tuk page lac atah klak stress, ngak brei akaok hadah krah, bui sambai tame harei birau./.