Ong Lê Văn Minh, Phó akaok mban thường trực Ban Tuyên giáo Thành ủy ban raya HCM

Tui PGS,TS Hoàng Phúc Lâm, Phó Giám đốc Học viện Chính trị Quốc gia Hồ Chí Minh, gah pathau khan pato pakai hu jhuk khang bruk pathau khan ngak brei salih bahrau khang dalam akaok sahneng, dalam bruk ngak di urang jakar, urang đảng, bol bhap rahra: “Abih di nyu nan lac urak ini kol drei daok peih bruk pathau khan jak ba salam uan Nyom roya Đảng dom pakat yam tal Nyom roya mbang ka 13 di Đảng ye bruk duah thau hatai sahneng, bruk pathau khan dom bruk ngak hu di yaok tỉnh, ban, yaok jabat, đơn vị…Meng nan rik daong pakhang hatai jia dalam rahra”.

Tapa bruk ngak mboh lac, khin ngak siam bruk pathau khan, yaok urang jakar pathau khan brei daok jaik rahra jang, tame dalam puk palei jang piah samar thau hatai sahneng di yaok urang jakar, urang đảng. Gam haong nan, lac brei hu ilamu ngak bruk lagiah haong yaok bruk ngak piah thau cambaih saong daong panuac ka dom urang pan akaok dom danak dak, bruk ngak saong jalan ngak.

Ong Lê Văn Minh, Phó akaok mban thường trực Ban Tuyên giáo Thành ủy ban raya HCM brei thau, lac 1 dalam dom akaok kapal kinh tế di taneh ia, kadha caik tabiak ka bruk pathau khan pato pakai ngan saong 1 ban praong yau ban raya Hồ Chí Minh lac brei hu rilo janih saong rilo jalan. Kayua yau nan ye, dalam bruk yau urak ini, brei hu bruk pataom veik, gam gam ngak, suai lavik kuhria gam dom bruk hu kuhria mboh dahlau, piah ka yaok urang dalam kapul ngak bruk pathau khan pato pakai hu caga dahlau, thau cambaih hu dom asal kadha njauk peih ngak piah mek hu kein laba glaong di abih: “Dalam vaktu tapa, sa dalam dom kadha praong dalam bruk pathau khan pato pakai di ban raya lac samar thau hatai sahneng di urang jakar, di bol bhap rahra. Pagap yau dom bruk hu pambuak tal kinh tế, ilamu, xã hội, bruk samar thau yau nan hu daong pok panuac ka urang pan akaok ban raya, ka mBan Thường vụ Thành ủy tacei pato dom pakat ủy, sở ngành, cơ quan đơn vị pambuak tal samar hu dom jalan langyah siam dom bruk , dom kadha”.

Daok tui PGS.TS Nguyễn Thị Phương Hoa, akaok Vụ Lý luận chính trị, Ban Tuyên giáo Trung ương, ngak bruk pathau khan pato pakai saman halei jeng kan, min saman ini daok kan kandah jang kayua thông tin rilo gah, rilo janih saong rilo jalan brei thau… Kayua yau nan ye, kadha caik tabiak ka bruk pathau khan pato pakai lac brei ba tabiak jalan brei thau cambaih laih, gam haong nan, lac brei mesruh pacang cakak, tah klaak dom jalan sahneng suan, dom panuac ndom puac oh njauk di kol khamang. Ngak bruk pathau khan pato pakai brei caik ka yaok urang gam patagok hu dân chủ, gam khik hu kỷ cương saong gam duah hu sap ndom haong gauk saong jum pataom dahlau di abih lac dalam Đảng saong dalam xã hội. “Bruk pathau khan pato pakai harei ini njauk salih bahrau, brei tui samu ilamu bahrau, công nghệ bahrau min praong di abih jeng lac anek menuac. Saong bruk pathau khan pato pakai oh njauk lac bruk di gah pathau khan pato pakai bo dahlau di abih lac bruk di pakat ủy, di urang dang akaok, di abih urang Đảng, abih rahra, yaok menuac urang.., ngak hu yau nan, bruk pathau khan pato pakai tuk nan meng pabak hu dom caong khin biak glaong dalam saman ini saong anak bruk bahrau, caong khin bahrau”.

Piah ngak hu siam jang bruk di gah pathau khan, pato pakai, njauk haong angan lac dom urang lin ba akaok nao dahlau gah mặt trận tư tưởng di Đảng, dalam tukvak bahrau, gah pathau khan pato pakai njauk salih bharau, paglaong siam mekre asal kadha saong jalan ngak. Kham merat hu mbaok tame bruk dak padang, pasiam Đảng, abih di nyu lac bruk mesruh pacang caga tham nhũng. Caga mesruh hu siam haong dom âm mưu, bruk "diễn biên hòa bình" di kol khamang di gah tư tưởng, ilamu, pacang cakak saong jhul kadun likuk dom bruk “tự diễn biến", “tự chuyển hóa" dalam nội bộ. Dak padang kapul urang jakar ngak bruk pathau khan pato pakai hu ginup hatai khang, diukrai siam mekre, bac da-a glaong, hu prein yava saong ilamu piah pabak bruk di saman bahrau./.

Urang lang: M. Phương – 01/08