Bruk raong jarko mek mật di angaok Cao nguyên patau Đồng Văn

Ia darko Bạc hà lac pandap di bhum Cao nguyên patau Đồng Văn. Chất lượng darko ini pahe bingi siam ka pren yava, ba mai yaom kinh te glaong ka urang raong, ngan saong yaom pablei di darak pasal meng 400 tal 600 rabau  đồng/sa lít. Min piah patagok bruk raong darka mek mật, dom pakat uy, karja palei njauk sangka quy hoach, patagok bhum pala bingu, raong darko; maong bruk raong darko lac bruk praong dalam patagok kinh te, patruh eik patrun kathaot ka bhapbini puk palei.

Urak ini, dalam tỉnh hu 27.862 tapon darko, rilo jang labaih 8.000 tapon duk saong thun 2011 (19.318 đàn), tui nan tagok hu labaih 44% saong rilo jang labaih 6.800 tapol duk saong bruk patagok tapol darko dalam tukvak  2011 - 2015 di tỉnh. Sản lượng ia darko hu jaik 140 tấn. Dalam nan, patagok, raong darko rilo meng pataom tame 4 huyện di bhum Cao nguyên patau Đồng Văn, kayua ini lac labik hu phun bạc hà tamuh khang. Angan ia darko Bạc hà Cao nguyên patau Đồng Văn hu urang blei saong tuai du lich thau tal, takre blei saong hu Cục Sở hữu trí tuệ Việt Nam brei harak chứng nhận tut angan tacei pato địa lý meng thun 2013. Dom thun jaik ini, bruk raong darko hu salih bahrau tui jalan siam, meng raong eng sit sot salih tapa raong pataom, praong, hu padang dom doanh nghiệp, HTX ngak, pablei salih ia darko Bạc hà di Cao nguyên patau  Đồng Văn yau ye HTX Tuấn Dũng, HTX Hoàng Điệp, Thành Đô, Công ty TNHH Trường Anh; tapa rilo sarak daong, pachreih ba di pakat ủy, karja huyện, rilo sang khang hatai mersiy jien, peih praong bruk raong meng 50 tal 100 tapon darko; pajaih darko rilo meng lac pajaih dalam palei.

Bruk raong darko mek mật hu ba bruk ngak ka bhapbini tuk lahaiy bruk ngak nong, paglaong jien mek tame bo daok daong ka bruk thụ phấn bingu ka dom janih phun pala, khik caga bruk đa dạng sinh học di dom janih phun pala di bhum Cao nguyên patau Đồng Văn. Min, tui dom urang  chuyên môn mboh lac, raong darko mek mật dak harei dak patagok, min bruk pandar alamu barau tame raong glang di bhapbini jeng daok bair, oh ka hu bruk pambuak gauk di urang raong saong urang alamu saong gah khik ramik, rilo meng daok pagam pambak tame lingik tasik; raong sit sot, oh ka ngak hu sản lượng praong piah pabak ginup ka darak pasal. Điều kiện, pren yava, jien padai di bhapbini daok bair yau nan ye bruk patagok tapon darko daok cầm chừng; dom sarak pachreih patagok bruk raong darko oh ngak jeng pren jhul bruk raong darko mek mật patagok sumu pren khang saong kein lagaih di puk palei. Chất lượng pandap siam, min bruk yaih khan daok bair, labik pablei oh tani tanat. 

Piah jhul bruk raong darko mek mật patagok, khik caga tacei pato địa lý pandap darko Bạc hà, dalam nyaom biai ginum jalan patagok bruk raong darko Bạc hà hu tỉnh peih tabiak di huyện Yên Minh dalam bilan 11.2015, ông Nguyễn Minh Tiến, Ủy viên BTV Tỉnh ủy, Phó akoak uy mban bhapbini tỉnh ndom lac: patagok bruk raong darko mek mật di  4 huyện vùng Cao nguyên patau Quản Bạ, Yên Minh, Đồng Văn, Mèo Vạc hu tỉnh thau lac sa dalam 6 pandap rami ramik veik gah ngak nong di tỉnh dalam tukvak 2011 - 2016; njauk gauk lac 4 huyện tok hu sa pandap darko Bạc hà duy nhất hu brei angan. Yau nan ye, di 4 huyện Cao nguyên patau Đồng Văn njauk kham merat dang tabiak pambuak bruk saong dom gah chuyên môn di tỉnh, peih bruk pato pakai raong darko ka dom sang; padang dom tổ sản xuất, kapul sở thích, doanh nghiệp, HTX raong darko piah ngak cơ sở, labik tacei pato raong glang, ngak labik blei praong,khik caga chat luong pandap ka bhapbini; padang  bhum patagok raong darko pambuak saong ngak nong saong du lich. Abih di nyu nan lac, dom huyện bhum Cao nguyên patau njauk ngak khang jang bruk khik ramik, hu cơ chế panduan ba dom kapul nyom, menuac urang ba tapol darko ngoại tame raong.

Ngan saong dom sở, ngành pambuak tal di tỉnh jeng samal ba tabiak dom jalan padang chuỗi liên kết raong darko, blei veik abih saong yaih khan pandap darko Bạc hà; pasang iek, langyah catang bruk ngak ja, ngak mblah suan chỉ dẫn địa lý di pandap darko Bạc hà; padang quy trình pato alamu pabam pajaih, khik pajaih darko đơn giản tui bruk di yaok puk palei. Meng bruk tacei pato dalam di tỉnh, bruk ba tangin tame khang di pakat ủy, karja dom huyện bhum Cao nguyên patau  Đồng Văn, jia lac bruk raong darko mek mật di tỉnh jeng ye bhum Cao nguyên patau meda patagok samal, khang kajap dalam tuvak tal.