Pathau mik va urang nong: Tui Chi cục kaya ikan tỉnh Bình Thuận, thun ni langik kan kandah jang, pandiak bhang dui atah, njom mbak tagok glong, kurang ia taba biak rilo. Kayua yau nan ye, urang rong hadang takik palao pajaih, nyaik khat lihik. Dom harei tapa, dom boh sang rong hadang thẻ chân trắng di huyện Tuy Phong, tỉnh Bình Thuận daok khang hatai palao pajaih tuk ia taba daok hu rilo veik. Kadha: “ Urang ngak hamu cong thau” harei ni, daa mik va song tong abih gauk duah thau ka bruk rong hadang thẻ chân trắng di mik va urang nong huyện Tuy Phong , tỉnh Bình Thuận.

Kuhria tal tuk vak ni, Tuy Phong hu palao rong hadang thẻ chân trắng labaih 70% taneh. Boh sang saai Hồ Kỳ Hùng di xã Vĩnh Hảo  palao labaih 30.000 drei pajaih  dalam 3 sào danao hu sa bilan. Saai Hùng brei thau:  langik takik pandiak, hu hajan nan ye hadang praong siam, cong lac vụ ni hu liba“. Jeng tui saai Hùng, urang hu labaih 10 thun rong hadang, dom thun mai ini ruak di angaok hadang thẻ chân trắng mboh rilo. Hu urang ndom lac kayua anek pajaih, hu urang lac kayua langik tasik, min hu tuk kayua ia. Kayua tong abih dom boh sang rong hadang jeng tathuak ia merak nerak tachuak tabiak tapak tasik, bloh mek ia nan rong vụ hadei yaom lac hu tapa xử lý bloh. Kayua yau nan ye, bruk rong hadang thẻ chân trắng oh dok tagok yau dom thun dahlau kayua mbuan khat lahik. Tỷ lệ rong hu oh dok yau dahlau song yaom kaom nyuk salih jeng trun tagok yaok harei. Min urang rong hadang daok pambak tame, yaom lac biak glaih glar kayua phun jien buh tabiak tuk camereip biak prong.

Hadei di sa tuk vak atah cambu danao song palao rong  cầm chừng, saai Nguyễn Văn Lai di xã   Vĩnh Hảo (Tuy Phong, Bình Thuận)  bahrau cap tame 1 sào hadang hu labaih sa tấn. Saai brei thau “Urak ni hadang yaom  labaih 95.000 - 98.000 đồng/kg (janih100 drei), hadei di tuk kaoh bloh phun jien, daok liba hu labaih 10 triệu đồng. urak ini hadang daok trun yaom duk saong dom bilan dahlau. Meyah hu yaom labaih 100 ribau đồng sa kg, thu hoạch hadang prong, urang rong liba hu rilo jang. Hadei di tuk chap mek, pasiam danao, hulin palao pajaih rong veik vụ bahrau, langik kein siam lagaih cong lac vụ ini hu rilo hadang”      

Hadei di rilo thun duik song  hadang thẻ, urang rong hadang di Tuy Phong, tỉnh Bình Thuận oh daok pandiak hatai mek liba rong thâm canh gam 3 vụ sa thun bo thau iek tui langik tasik, palao rong tui panuac kakei di jabat chức năng piah nyaik khat lihik./.