Saai Linh daok di palei Vĩnh Phú, xã Vĩnh Hội Đông  lac sa dalam dom urang rong ikan heo ia taba akaok meti di tỉnh An Giang. Saai brei thau, rong ikan heo ia taba oh kan min brei thau cambaih ka ikan, abih di nyu nan lac brei hu labik ia krong hacih saat nduac khang. Ieu lac ikan heo kayua tuk mek tagok ikan ieu “ éc éc” yau sap pabui preo. Saai palih ruah ikan binai piah rong kayua nyu hu limek bingi. Ikan pajaih meng 220- 250 drei sa kg, yaom 65.000 đồng sa kg. Blei mai, abih dom adit rong bloh meng palao di bè langiu krong, rong labaih 10 bilan ikan trak sa drei meng 1kg tal 1,2 kg lac pablei hu. Yaom ikan 300 ribau đồng sa kg, hu tuk jiak 450 ribau sa kg.

Ikan hu sambo siam, rup hajao jangaih, iku song kakah meriah cam, rilaow pahe bingi. Ngak pandap mbang daok hu takre rilo nan lac am sara meriak atau kho tiêu, mbang hong lisei karak biak bingi. Dahlau daih, ikan heo jang yau ikan ril, ikan kieng lac ikan bình thường. Jiak di ni janih ikan ni jeng đặc sản hu angan di bhum taneran krong Cửu  Long kayua rong hu rilo, pablei nao grauk labik pabak hu bruk lac pandap mbang hu chất lượng glong. Kayua ikan hu sambo siam, rilo urang dok rong piah iek ngak cảnh. Bahrau ni, Tiến sĩ Dương Nhật Long song dom đồng nghiệp di sang bac Đại học Cần Thơ ngak hu bruk sinh sản nhân tạo ikan heo ia taba di rilo tỉnh, ban dalam bhum taneran krong Cửu Long./.