Urang bangsa Tày 

Labaih pluh thun dahlau, bhap bani bangsa Tày daok di xã An Lạc oh ka thau hagait tal homestay, yaom lac lavik lavik meng hu dom kapul urang negar langiu mai pak ini ndih, daok, mbang huak, ngak bruk haong mikva. Urak ini, bhap bani hu buh jien tabiak ngak duk bilik daok, dịch vụ mbang huak, hu urang ba jalan, peih danak dak daoh tamia duh ka tuai damuai mai rivang ma-in. 

Mboh hu dom pren khang, kein laba meng “gah công nghiệp oh hu thak”, sang sa-ai Vũ Ngọc Huân hu ba akaok nao dahlau pasiam veik sang danaok, bein phun, dom bruk karei piah ngak jeng labik ndih daok, mbang huak ka tuai damuai. Thau lac bruk rivang ma-in njauk hu taong abih bhap bani hu mbaok tame, sa-ai Huân hu jak ba, daong ka dom baoh sang jaik taphia padang ngak cơ sở vật chất, panduan ba labik raong glang nao tabiak atah labik daok piah pabak hatai caong khin di tuai damuai. 

“Hu mbaok tame dom tal pato pathram bruk ngak du lịch di rilo labik yau: Hòa Bình, Hà Giang, Tuyên Quang, Nam Định, Phú Thọ, Sơn La... mboh dom labik nan ngak biak siam, biak jak jeng, dalam tuk pren khang di An Lạc oh lah hagait nan ye thun 2014, dahlak dang tabiak  padang HTX Dịch vụ Rivang ma-in dalam bol bhap rah ra An Lạc ngan haong 7 baoh sang, yaok baoh sang dang tabiak ngak sa tổ dịch vụ hu yaok pluh urang bangsa Tày hu mbaok tame”, sa-ai Huân brei thau yau nan. 

Lac urang dang akaok HTX min yaok harei sa-ai jeng nao kabak  tapa glai haong dom adei sa-ai dalam HTX hu mbaok tame bruk khik iek labik rivang ma-in, pacang khik glai, gaok mai nao paik njam glai, than khar capha nao trun craoh piah mek ikan, ngak lisei aia atau hu mbaok tame bruk daoh tamia pamere tuai damuai. 

Sa-ai Huân brei thau: meng thun 2010, Sở Ilamo, padhih saong rivang ma-in Bắc Giang pambuak bruk haong kapul lingiu rajaei GTV (Italia) peih dom tal pato pathram ilamu ngak bruk rivang ma-in dalam bhap bani ka mikva palei An Lạc, yau: Ngak mbang huak, urang tacei ba, bruk daoh tamia, raong dangko, ngak jru Nam,puh ramik vệ sinh môi trường, y tế duah thau ilamo dunya… Hadei di nan, gah ilamo tỉnh hu daong khik ramik ilamo, pabak brei phui, khan bai lang taneng ndih, ao pa, Tivi, alin brei âm loa đài,  ngak jaman ka dom baoh sang ngak bruk rivang ma-in. Meng nan rilo kapul nyaom, doanh nghiệp meyaih khan  saong ba tuai damuai mai tal Khe Rỗ... tapa nan ba jien tame biak rilo ka bhap bani . 

Tui sa-ai Huân, tuk camereip hu 3 baoh sang ngak Homestay min thei jeng suh sah kayua yaom jien buh tabiak oh takik (jaik 100 triệu đồng). Dom urang ini saneng lac ngak blaoh ye hu tuai damuai mai ndih halei oh? Langiu di nan bhap bani pak ini jaik abih lac urang bangsa takik, bhian randap daok jaik tapen glai, dalam tuk  tuai damuai rivang ma-in lac menuac daok di bal, lac urang negar langiu nan ye bhian caong khin gah dịch vụ biak glaong, abih di nyu lac dalam bruk mbang huak, bruk khik hacih sa-at dalam pandap mbang menyum saong daok hu bruk kan kandah tuk ndom puac haong urang negar langiu...

Oh kadhul likuk, sa-ai Huân pachreih dom adei sa-ai dalam HTX pasiam veik sang danaok ngan haong hatai saneng lac pasiam veik labik diuk rai di drei ka, hadei di nan meng ngak bruk rivang ma-in. Tal urak ini, Nà Ó hu 5 baoh sang ( taong abih jeng lac bangsa Tày) hu cơ sở vật chất mek hu tanut chuẩn saong meda taduan raok kapul nyaom tuai damuai tagok tal labaih 50 urang. Abih di nyu lac, langiu di baoh sang di sang sa-ai daok , thun dahlau hadiuk pasang sa-ai Huân hu padang ngak sa sang tol meng kan angaok mblang taneh prong yaom jaik 1,8 tỷ đồng, blei tame ginup abih pandap duh ka tuai damuai mai mbang ndih padeih padei. Dom thun tapa, sang sa-ai Huân saong dom baoh sang di Nà Ó taduan raok yaok pluh kapul nyaom dalam saong langiu negar, yaok kapul nyaom daok veik 7 - 10 harei. 

Yaom lac pren khang daok rilo, min sa-ai Huân taduan lac bruk ngak rivang ma-in di Khe Rỗ daok rilo cuang kandah, abih di nyu lac hạ tầng, dịch vụ, dalam tuk HTX oh ginup jien padai piah pamedeih tagok abih pren khang. Ngak hagait piah dui pachreih dom urang buh jien padai tame ngak  piah ngak jeng pren khang ka bruk rivang ma-in di labik ini jeng daok lac hatai caong khin biak prong di urang dang akaok HTX ranaih umo meng lavik mai./.

Urang lang: Jasi-2/8