Mai tal xã Đắk Ơ, khaol hulin dahalak biak tauah drei dang anak dom bruk mboh di mata di palei barau ini. Dom jalan tame palei ngak meng bê tông, tuh manyek tapak tape, hai dua jalan hu rom bingu dang yaih kayua tangin urang bhap bini ieik glang. Ông Điểu Ma Giang, Akaok bruk di Mặt trận palei 3, xã Đắk Ơ bui sambai brei thau lac: ralo urang di palei ieu lac urang bangsa takik, raidiuk hrei hrei mada daok kan kandah min hu bruk jak ba gauk padang palei ngak nong barau NTM, mikwa mboh njauk hatai. Mikwa palei oh jamen daong brei taneh, rik jien padang jalan nao mai, baoh sang ilamu haong dom dom bruk ngak rahra kein raba karei. Ralo baoh sang daong brei yaok ribau mét vuông đất di drei piah ngak jalan.

Bui sambai oh cang jalan hu ngak praong ngak siam, bruk ngak brei siam makre ka mikwa bhap bini di palei hu tagok, rahra di dalam xã daok mboh hu ralo bruk siam makre dom janih kadha Mattran Nagar ba ngak. Ông Phạm Văn Đạo (83 tuổi) daok di palei Bù Xia, xã Đắk Ơ biak njauk hatai tuk di palei padang Tổ ieik glang eng di labik dhua di drei. Meng di tuk hu tổ caga ieik taeng, mikwa sanang hatai nao ngak mbang, malam ndih bingi bak tahanak bak mata .

Tui ông Trần Trung Kiên, Akaok Chi bộ, Akaok Po palei Bù Xia, Tổ caga taeng padang di thun 2021 gam haong 15 urang dalam palei ba hatai tui ngak, dalam nan jeng hu urang mada nao chung jalan meng dalau. Dom urang dalam kapul salih gauk ieik glang malam harei, pacang caga bleik salih khik hu saron mbon selamat di palai .

Ông Trần Mạnh Toàn, Akaok Ủy ban MTNagar VN xã Đắk Ơ pok sap lac: Bruk ngak pacah gauk padang NTM daok hu taong urang di dalam xã bui sambai tame ngak. Dalam nan, tuk palei daok brei pasiam jalan, peih praong siam jalan nao mai jeng ye ngak siam dom bruk karei, urang dalam palei kah brei daong 76.000m2 taneh, yaok ribau phun pala, pataom hu labaih 732 triệu đồng piah ngak jalan, padang ngak dom janih ka bhap bini rahra palei. Langiu di nan, palei daok padang haong jao 114 baoh sang yakyumjumpataom lin padiah ka urang kathaot, piah daong brei ka gait truh kathaot.

Dom bruk ngak hu di MTTQ jeng ye di dom gah chính trị - xã hội dalam danak dak padang palei ngak nong barau NTM lac sa bruk ngak praong. Mai meng ngak siam di dalam bruk dakwah, jak ba gauk, jumpataom prein yawa abih urang bhap bini, xã meh hu bih cih 19/19 tiêu chí, tamat bruk padang palei ngak nong barau thun 2023. Luac jung jalan di bruk padang palei ngak nong barau ieu lac ba mai ka rai diuk trei sil, salamat haniem phul ka bhap bini.

Oh lac di xã Đắk Ơ, bruk pacah gauk padang palei ngak nong barau daok hu bhap bini di huyện Bù Gia Mập pachreih ngak tui. Ông Mai Xuân Trường, Phó Chủ tịch Ủy ban MTTQ huyện Bù Gia Mập brei thau lac: Gam haong bruk pataom, jak ba pacah gauk anit ia ranam nagar, bruk ngak di MTTQ huyện njauk tui abih đã 19 tiêu chí padang palei ngak nong barau piah dang dakwah,jak ba bhap bini ngak siam lagaih di abih.

Brei ngak gah tiêu chí brei ka jien tame, MTTQ jak ba bhap bini pandar ilamu khoa học - kỹ thuật, haong jamraik tame ngak mbang, caik hatai ekonomi hợp tác xã, kapuk pambuak gauk, ngak dom ndap nda tui tanut OCOP… Mbiah tal ini, jien ndo mek tame yaok akaok urang di dalam bhum palei hu jaik 68 triệu đồng/năm.

Tui ong Nguyễn Xuân Hùng, Akaok Ủy ban MTTQ dalau di huyện Bù Gia Mập, piah jak mik wa ngak tui tanut ngak nong barau, MTTQ nagar di abih pakat pachreih chul bruk “Taong abih bhap bini rahra padang palei ngak nong bahrau, medin banraya ilamu”… Tal ini, huyện Bù Gia Mập hu 5/8 xã hu blaoh angan palei ngak nong barau, 2 xã palei ngak nong barau pakat glaong. Masa meng anak, MT nagar dom pakat pagam haong dom pakat jabat chính trị - xã hội jak ba, dakwah bhap bini ngak siam bruk pacah gauk “Bù Gia Mập padang palei ngak nong barau”. Kham marat mbiah tal thun 2025, 100% xã di dalam huyện padang blaoh palei ngak nong barau./.