Bruk ba ilamu bahrau tame pandar ka bruk ngak nong 

Tui dom chuyên gia, buh jien tame ka ilamu doanh nghiệp dak brei mboh makna song pambak tal bruk daok veik khang kajap di dom   doanh nghiệp song padang hatai jia tame bruk jak jeng. Taphia di nan lac jalan ba tal hatai sahneng, bruk ngak, jalan ngak di dom thành viên song bruk pandar kapul urang ngak, dong ka doanh nghiệp jeng sa cộng đồng ngak bruk  tui jalan pambuak gauk, jia gauk, kak kajap song gauk. Ong Thân Đức Việt, Tổng giám đốc Công ty Cổ phần May 10 brei thau: ngan song May 10, piah patagok hu meng  10-15%/sa thun  ye bruk praong lac gha ilamu doanh nghiệp, brei mboh meng bruk hu  4 rai urang ngak ka  Công ty jhik 10. Urak ni, công ty dok taduan raok rai ka 5 dalam labik pablei salih  ginup meng bruk pato pakai, y tế ka urang ngak  song rik dong di doanh nghiệp ngan song xã hội:

"jhik 10  dok iek glang ka urang ngak, yau urak ni hu sang bac Mầm non, hu bilai  Y tế samu song sang iek ruak pakat  huyện song hu sang bac  Cao đẳng bruk ngak di drei. Meng jalan ngak ni doanh nghiệp brei hu jien  piah rik tame phúc lợi xã hội ka urang ngak. Khol hulin khik ramik jalan ngak ni song peih bruk ngak mbang pablei salih dok tagok"

Gaok kan kandah di jit  Covid-19, min rilo doanh nghiệp samar ba drei tame rami ramik veik, padang tabiak dom yaom glaong bharau, padang ilamu doanh nghiệp. Yau ye Vietnam Airlines, meng akaok  thun tal ni, rilo mbang par bei klaak, min oh ndih cang abih jit, Vietnam Airlines hu ngak tabiak dom yaom glaong bharau meng bruk halan hatain pajeng pandap dong pacang caga jit, phi công, tiếp viên halan hatain hu mbaok tame dom pluh mbang par dong ka bhap bini Việt Nam…

Dok Viettel hu peih dom mbang ginum biai online daong ka rajaei tacei pato pacang jit; dong công nghệ ka  11 negar pacang jit; patrun jien  tame  internet ka bruk pato pakai online ; peih bruk iek ruak online... Tui ông Nguyễn Đình Thành, Yam ndok điều hành Công ty tư vấn chiến lược CSCI Indochina, ilamu lac  gheng di angan je, saong pambak khang tal pren meriak gauk di doanh nghiệp.

"Ilamu  doanh nghiệp siam ye dong pambak prong thaot binguk ka angan je, kayua khol drei thau lac angan je lac jalan bo menuac sia, urang pandar hu thau ka  doanh nghiệp. Tuk hu dom anek menuac biak siam,hu jalan ndom puac siam, dreih yau  dom yaom glaong praong hu vak tabiak, ye angan je nan jeng hu thau njauk , tagok glaong prein pacang caga  di  doanh nghiệp, dong padang sa  doanh nghiệp siam jang".

Gah ilamu di doanh nghiệp hu makna ba tal hatai sahneng, jalan ngak, bruk ngak di dom thành viên song bruk pandar urang ngak , dong ka doanh nghiệp jeng sa cộng đồng ngak bruk  tui jalan pambuak gauk, jia gauk, kak kajap song gauk, anit ranam gauk saong ba gauk yam tagok. Tui nan nyu padang hatai jia tame bruk jak jeng di doanh nghiệp. Tui PGS.TS Dương Thị Liễu, Phó Tổng thư ký Hiệp hội patagok ilamu doanh nghiệp Việt Nam, Viện trưởng ilamu pablei salih, bruk padang dom  yaom glaong ilamu karei di drei, ngak jeng dom yaom glaong krei piah oh hu  doanh nghiệp halei yau doanh nghiệp halei. Abih di nyu nan lac, dalam bruk Cách mạng 4.0, dom doanh nghiệp meda pandar công nghệ dreih yau gauk, min, angan je di dom doanh nghiệp brei ngak hu bruk karei gauk:

  "Tantu lac pandap cách mạng công nghiệp 4.0 lac dom pandap hu samu gauk,  biak yau gauk. Meyah yau nan, khin meriak gauk hu  angaok drak pasa ye njauk meriak gauk meng bruk karei di gauk, meng ilamu karei di drei . Robot oh meda ngak hu bruk nan, tok hu ilamu  doanh nghiệp song bruk pambuak gauk, bruk klah rabha di urang pal akaok  song urang ngak, di urang ngak song gauk, di công ty song khách hàng… meng ngak jeng ilamu karei".

Anak meta mboh lac, angan je khang jak jeng angaok drak pasa jeng hu  ilamu doanh nghiệp khang kajap. Dak padang ilamu doanh nghiệp lac bruk oh mbuan kayua brei hu phun jien  piah padang ilamu karei ka drei. Anak meta, kayua gaok kan kandah meng jit prong Covid-19, dom urang ilamu ndom lac, doanh nghiệp brei thau pandar dom hagait bahrau di abih, siam di abih piah padang ilamu ka nyu lagaih hong jalan ngak mbang praong, suai lavik. Dom doanh nghiệp meda padang angan je, ilamu doanh nghiệp meng dom bruk ngak yaok harei,kham merat ngak tabiak bruk karei di gauk ka pandap panda. Meng nan padang hu angan je di drei angaok drak pasa./.

Urang lang: Hanipha- 13/10