Mai rivang sang bac di sa harei langik pandiak siam, khol hulin taom gaok anai gru Haf- Sroh, lac urang Chăm hu meta prong siam song klik patih bhong, cambuai tuk halei jeng khim klao. Anai pato bac hu 7 thun, tuk camereip rai duik gaok rilo kan kandah kayua jien bilan di gru pato di bhum atah bayah ni dok biar, brei patak pataom meng ginup mbang cai . Min meng hatai takre song bui sambai hu pato bac ka anek bhik di mik va drei di angaok bhum palei di drei nyu pabak pren khang ka anai gru Haf- Sroh yam tagok. "Yaom lac pato anek saih bangsa takik , min brei soạn danak dak tui mintri pato megru"

Bruk bui sambai di anai gru Haf- Sroh lac yaok harei gam song dom gru pato hu iek glang ka dom adei meng bruk bac daa, mbang menyum tal main sambai… Bruk pato pakai song iek glang dom adei ngak ka dom gru pato di labik ni oh tuk halei hu padeih tangin takai. Anai lac “ Hu taom gaok dom adei, mboh dom meta mong ngây thơ, dom bruk ngak sit sot di dom adei ngak ka hulin mboh ranam dom adei jang”      

Harei harei mboh dom salih bahrau meng dom adei, anai gru Haf- Sroh biak uan tabuan, mboh pren yava di drei buh tabiak oh klaak saoh. Anai cong khin dom anak saih sit di drei harei hadei hu jeng menuac jeng urang hu kein laba ka bhap bini, ka palei negar.

Tuk lahaiy, anai gru Haf- Sroh nao tal sang di anek saih piah pachreih ba amaik ame brei anek nao bac njauk umo thun. Adei halei bac oh ka gheih, dok huac ye anai gru Haf Sroh ndom biai tapak song amaik ame, piah dong ka dom adei klah njauk ruak tự kỷ. Saai Sa phi Giah daok di tổ 2, palei  4, xã Xuân Hưng dok hu anek bac song anai gru Haf –Sroh lac:

Yaom lac umo saong thun ngak bruk dok biak ranaih, min anai gru Haf Sroh tuk halei jeng paglong trách nhiệm, abih hatai ka bruk ngak, duik rai siam mekre, bui sambai song menuac urang,  nan ye hu đồng nghiệp anit, anek saih ranam, iek prong saong dom amaik ame caik hatai jia./.