Thun bahrau ni, palei Chăm Vĩnh Hòa hu rilo bui sambai tuk tong abih dom bruk KT, XH, An ninh, Quốc phòng jeng ngak hu song ngak rilo jang bruk ba tabiak. Siam di abih  lac dom bruk pala drak, rong glang di dom boh sang urang Chăm ba mai kein liba glong, dong patruh eik patrun kathaot di puk palei. Pagap yau bruk rong le le di saai Sa Lếch, bruk pala padai di ong Abubacơ, song bruk rong limo rilaow di saai Mây Sâm…Ni lac dom boh sang dahlau deih gaok rilo kan kandah dalam rai duik, min urak ni yam tagok tabiak truh kathaot, ngak kaya meda pak di bhum palei di drei.

            Dalam dom thun tapa, hu bruk sangka di dom pakat karja palei, yau bruk brei taneh pala drak, brei mesraiy phum jien liba takik…, rilo sang khang hatai peih prong bruk ngak mbang. Meng nan, jien mek tame di mik va hu rilo jang, anek bhik hu nao mbang bac tal labik tal dhua, rilo boh sang hu padang ngak bahrau, rilo jalan hu tuh bê tông, mbaok meta palei Chăm hu siam mekre jang. Ong Assary, Phó Ban Quản trị bhap bini Chăm xã Vĩnh Hanh brei thau

Băng tiếng Chăm

Dalam langik liar di dom harei akaok thun bahrau, khol hulin nao duah thau bruk rong le le di saai Sa Lếch, daok di palei Vĩnh Hòa, xã Vĩnh Hanh. Saai Sa Lếch rong le le meng thun 2007, siam lagaih di le le lac takik ruak, takik pren iek glang, brei mbang ginup ye praong siam. Le Le caik anek yaok thun 2 mbang, yaok mbang meng 10-12 drei . Meng labik raong 50 drei, urak ni, trang trại di saai hu labaih 1000 drei le le, pablei rilaow song anek pajaih ka dom urang di gah Barak song ban raya HCM. Yaok thun,  sang saai mek jien tame meng tapon le le hu jiak 300 triệu đồng. Meng nan, rai duik sang saai hu salih bahrau, anek bhik hu bac daa ginup. Saai Sa Lếch  khan lac 

Băng tiếng Chăm

Dalam pandiak bingi di mesup harei akaok thun bahrau, nao angaok jalan palei Chăm  hu tuh menyek tapak, tual bak hala dok khan bai, khol hulin mai rivang sang ong Abubacơ piah duah thau ka bruk ngak padai. Taduan khol hulin ong bui sambai brei thau: khin năng suất padai glong, dahlau di tuk tam drak brei li-ua taneh ka nyu siam, ngak hacih hareik,  drak njauk tuk vak. Hadei di tuk drak brei buh sa tal haluk lipih meng meteh cam tal 1 cm, piah ka padai tamuh siam, meng jalan ngak yau ini, padai di ong tamuh siam, yaok thun ba mai kein liba ka sang ong meng 70 tal 100 triệu đồng. Langiu di nan, ong hu ba bruk ngak di angaok mblang taneh sang drei ka urang ngak puk palei duah hu jien tani tanat. Hu thau, ong Abubacơ bahrau hu palih ruah lac urang nong bangsa takik ngak mbang naih joi pakat tỉnh. Ong Abubacơ brei thau

Băng tiếng Chăm:

          Oh lac tok hu saai Sa Lếch, ong Abubaco, palei Chăm Vĩnh Hòa dok hu rilo urang ngak mbang naih joi karei karei yau sang saai Y Nah, saai Mây Sâm… Sang saai Mây Sâm hu tabiak truh kathaot labaih 3 thun tapa meng bruk rong limo rilaow. Urak ni tapon limo di saai hu labaih 12 drei. Saai Mây Sâm khan ka ilamu rong limo rilaow di drei yau ini: limo praong meng 13-18 bilan brei limo mbang pandap mbang hajao yau hareik, tangei, brei pabak dinh dưỡng song vitamin… piah limo tagok kilo, brei rilaow siam. Meng jalan ngak ni bo urak ni, tapon limo di saai Mây Sâm praong siam, yaok thun meng bruk pablei limo rilaow ba mai ka saai meng 30  tal 50 triệu đồng jien liba. Hu jien tani tanat, nan ye thun ni sang saai raok tết ginup meda jang. Saai Mây Sâm khan ka bruk rong limo rilaow di drei. 

Băng tiếng Chăm

Urak ni, palei Chăm Vĩnh Hoà xã Vĩnh Hanh dok 6 boh sang kathaot min, nan lac oh ka tal 0,4% , beir jang biak rilo dut song dom boh sang kan di xã song di tỉnh. Hu yau ni, mai meng  bruk jum pataom gauk, dong ba gauk, kham merat ngak mbang di mik va Chăm. Ong Nguyễn Thanh Tú, Phó Chủ tịch xã Vĩnh Hanh, Huyện Châu Thành, tỉnh An Giang brei thau:

Băng tiếng phổ thông: Đảng song karja dalam dom thun tapa hu peih ngak siam dom sarak ka bhap bini bangsa takik, meng nan dom sarak ni mik va hu mbang tui ginup abih, palagaih jang ka mik va bangsa ngak mbang duik rai siam jang.

Sa thun bahrau mai tal, palei Chăm Vĩnh Hòa yau hadah tagok pren diukrai bahrau. Uan raok thun bahrau ini, mik va Chăm labik ni yau bui sambai jang tuk bruk ngak mbang KT dak harei dak hadah hadai. Likau la palei Chăm Vĩnh Hòa dalam pandiak bingi di dom harei akaok thun bahrau, hulin pok likau ka palei Chăm ni dak harei dak hu rilo jalan ngak mbang bahrau song kein laba, dong ngak ka rai duik di mik va Chăm labik ni dak harei dak tagok jang./