Dalam dom thun tapa, rai diuk di bhap bani ala halui glai hu salih bahrau biak ralo. Yaom kaya ikan hu patagok, gam haong phun glai hadei di tukvak pala tal thun kaoh pablei ye mikva hu sa yaom jien mek tame biak ralo.

Ong Nguyễn Văn Thám, palei Kinh 3, xã Tam Giang Đông, huyện Năm Căn ndom ka jien mek tame angaok mblang taneh hadang glai: Jien mek tame di mikva dahlau mai tani tanat, urak ini sa héc ta meng 30 triệu tal 50 triệu. Mikva pak ini hu Karja brei khik iek glai, mikva buh jien padai, pren yava tame phun glai, urak ini phun tamuh biak siam.     

Dahlau diah urang nong rilo meng chap mek kaya ikan dalam kraong ribaong saong raong sa janih hadang, nan ye rai diuk gaok ralo kan ndah. Hadei di tuk sarak 01, 02 tabiak rai brei jhul patagok bruk ngak mbang pala drak, raong ralo janih phun ralo janih anek pambuak haong bruk pandar  ilamu kỹ thuật tame bruk ngak mbang pala drak, raong glang hu daong ka bhap bani daok khang kajap jang angaok mblang taneh glai đước di drei. Urang raong hadang ala phun glai di huyện Năm Căn, hu pachreih ba ngak tui ralo jalan ngak karei di gauk piah paglaong rai diuk yau bruk raong hadang glai, neh hadang tabiak truh glai, raong hadang quảng canh cải tiến, raong hadang công nghiệp…

Urak ini dalam huyện Năm Căn daok pataom tame jhul pakhang patagok bruk ngak mbang tui pren khang di yaok labik, taong abih 8 xã, bal sit di huyện hu khai thác tui pren khang di drei yau: xã Tam Giang, Tam Giang Đông, xã Lâm Hải lac dom xã tapen tasik, labik chuyên glai – hadang meda pataom tame pachreih ba mikva ngak mbang tui ralo jalan piah ba mai kein laba kinh tế, gam khik iek hu mblang taneh glai. Pala glai brei hu tukvak atah meng 7 tal 10 thun meng tal thun kaoh pablei, nan ye urang nong pambuak bruk raong hadang, ariang, sò, ikan saong dom janih kaya ikan karei piah paglaong rai diuk. Ngan haong dom xã chuyên hadang yau xã Hàm Rồng, Hàng Vịnh, Đất Mới, Hiệp Tùng saong bal sit Năm Căn meda paralo janih phun anek angaok sa mblang taneh patagok kein laba kinh tế.

Taphia di nan, gah chuyên môn patagok bruk daong ilamu kỹ thuật ka urang nong ngak mbang, peih bruk pachreih ba, palih ruah saong patui dom jalan ngak mbang siam piah ka urang nong ngak tui. Kỹ sư, Trương Quốc Duẫn phaok akaok duk Ngak nong saong patagok palei pala huyện Năm Căn tỉnh Cà Mau ndom ka jalan peih ngak dom dự án ngak mbang ka urang nong: Khaol dahlak daok tacei pato patagok dom jalan ngak mbang lagaih haong bruk di Năm Căn. Gam haong patagok bruk raong hadang công nghiệp ye khaol dahlak cakrok patagok khang bruk raong hadang  quảng canh cải tiến saong hadang glai. Urak ini, khaol dahlak daok pataom iek veik saong daok pambuak haong tỉnh taong yaom veik đề án ini. Hu panuac tagok tỉnh, huyện piah hu sa đề án patui veik ngak habar paglaong patagok chất lượng raong pala kaya ikan dalam aia di puk palei dalam tukvak anak tal.    

Lac labik hu pren khang gah raong pala kaya ikan dalam aia, thun 2014 dalam huyện taong abih sản lượng kaya ikan labaih 28 ribau tấn, năng suất kuhria rah tapa jaik 600kg sa ha yaok thun. Kế hoạch thun 2015 meda mek hu meng 33 ribau tấn tagok, dalam nan glai pataom praong hu jaik 17 ribau 500 héc ta.

 Năm Căn hu pren khang gah raong pala kaya ikan dalam aia,  khai thác tiềm năng nan, yam tapa vaktu bahrau 2015 -2020 huyện patui veik jhul pakhang patagok bruk ngak, sangka tal rai diuk di bhap bani ala phun glai. Ngak habar gam patagok hu sản lượng kaya ikan, gam grap tanat hu bruk pala saong khik caga glai tui njauk adat hukum saong patagok dalam tukvak anak tal. Ong Trịnh Văn Lên, Akaok UB bhap bani huyện Năm Căn, tỉnh Cà Mau ndom ka jalan patagok raong pala kaya ikan dalam bruk rami ramik veik sản xuất urak ini. Jeng khik ramik sa mblang taneh di ala phun glai piah raong hadang tui jalan raong sinh thái. Taphia di nan raong hadang quảng canh cải tiến hu mong yau sa jalan raong khang kajap suai lavik dut haong dom jalan ngak karei. Langiu di nan huyện jeng daok tacei pato patagok kein laba bruk raong angaok sa  mblang taneh hu ralo janih raong haong gauk. Raong gam sò huyết, raong vọp dalam mblang taneh raong hadang yau dom xã Đất Mới, Lâm Hải ba mai kein laba glaong.

Paglaong rai diuk di bhap bani ala phun glai tui jalan khang kajap, nan lac jalan patagok pren khang raong pala kaya ikan dalam aia di huyện Năm Căn. Ini jeng lac jalan jhul pakhang bruk công nghiệp hóa, hiện đại hóa palei pala, dalam bruk patagok kinh tế di huyện Năm Căn vaktu 2015-2020./