Di pabah tasik Sông Đốc, ban sit Sông Đốc, huyện Trần Văn Thời, tỉnh Cà Mau, tuk ini rilo gaiy gilai pajeng ikan hadang taong cap hu ba mai pablei hu kein laba glaong. Oh lac taeng dom gilai di tỉnh Cà Mau bo daok hu rilo gilai mai meng tỉnh karei yau Bình Định atau Bến Tre, cambuai khim klao tuk halei jeng mboh angaok mbaok dom urang nao tasik. Urang bui sambai kayua mbang nao tasik akaok thun 2019, cap mek hu biak rilo.

 Sa-ai Huỳnh Hai Vinh, po gilai daok di puk 11, ban sit Sông Đốc brei thau: Sang sa-ai hu 3 rai tasik. Meng umo 13 thun sa-ai tui ame nao tasik taong chap ikan. Tukvak jaik di ini, bruk nao tasik dak harei dak kan kandah jang. Lingiu di nan, akok thun, akok bilan nao tasik gaok ribuk yau nan ye sang sa-ai huac lac khat di mbang tabiak tasik akaok thun. Yau nan min, hadei di ribuk, kaya ikan taong cap hu rilo. Kaoh abih jien buh tame piah nao tasik, daok laba hu labaih 20 trieu đồng: “Nao tasik, giey gilai druac gom menyek. Sa mbang nao tasik dahlak mek 1.800 lí menyek, 100 mbaik ia khan ia patau. Abih tih phun jien ka sa mbang nao lac labaih 45 triệu đồng, jien mek tame hu 70 triệu đồng.”

  Sang ong Bùi Tấn Thành jeng hu bui sambai kayua njauk rilo jantak mực aakok thun. Hadei di 10 harei nao tasik mek baok bao, anek likei di ong birau pataok gaiy pablei mực hu 64 triệu đồng. Kaoh abih phun jien saong jien apah urang ngak, sang ong daok laba hu labih 15 triệu đồng. Tui ong Thành, gaiy gilai dak harei dak harei praong saong rilo pandap birau min ikan hadang dak harei dak takik nan ye jien laba jeng takik tui. Luac thun 2018, bruk nao tasik di sang ong tok ginup mbang, oh labaih. Mbang nao tasik akok thun ini, sang ong hu laba yau nan ye ong caong khin sa thun birau ngak mbang hu lagaih:“Thun bloh taong cap hu takik oh yau dom thun dahlau. Urang nao tasik kol dahlak jeng caong khin thun ini ngak mbang hu  jang thun dahlau. Piah sang drei jeng yau dom urang nao tasik saong drei jeng dauh hu laba, diuk hu saong bruk ngak.”

 Di xã Khánh Hội urak ini hu 400 gaiy gilai di urang nao tasik tut angan taong chap ikan. Hadei di mbang nao tasik akok thun, tui kuhria yaok sa sruh gilai dauh hu meng 30 tal 100 trieu đồng, tui bruk taong cap saong tui gilai praong atau sit. Ong Châu Minh Đảm, phaok akok UB bhap bini xã Khánh Hội lac: Ia tasik thun ini urang nao tasik chap mek baoh bao saong taong halam njol mek hu rilo. Abih di nyu lac, yaok thun tal tuk puac thun tui saka ia bulan ye bruk nao vah mực jantak  hu rilo jang yau nan ye mikva daok caong mong dauh hu rilo jien piah uan raok Tết.Tui ong Đảm, bruk taong chap hu rilo kaya ikan di akok thun meda daong ka urang nao tasik sahanang hatai kak kajap haong tasik di tukvak anak tal. Tapa nan, jeng rik daong ka karja palei ngak hu siam bruk hu jao brei: “ Kaya ikan yaok janih chap mek thun ini tui kuhria dahlau hu labaih 2.500 tấn. Tapa tanut ba tabiak di đơn vị. Akok thun mek hu yau nan, maong rah tapa mboh ikan hadang hu tani tanat.”

Salah mbang nao tasik akok thun 2019 hu rilo bui mbai mek hu rilo ikan hadang, mikva urang nao tasik di Cà Mau daok kuhria caga ka mbang nao tasik anak tal. Rilo  po gaiy gilai brei thau, ia tasik harei Tết Nguyên đán bhian ba mai  rilo kaya ikan nan ye urang daok tabiak tasik, mbang Tết di lingiu tasik./.