Darah njaom limek daok hu ieu lac rối loạn chuyển hóa lipid darah atau limek darah glaong. Bhian di nyu, dalam darah hu dom limek, hu taong yaom meng chỉ số dut iek cholesterol, triglycerid… Meyah dom chỉ số ini glaong jang tanut brei adat ieu lac limek darah glaong. Dalam nan, Cholesterol glaong lac chỉ số đặc trưng di ruak.

-Cholesterol dalam darah nyu mai meng sa nyaom dom  chất béo njauk hu ka rup pabhap. Dom chất béo ini ini nyu tabiak dalam gan piah tani tanat màng tế bào saong ngak ka nyu njaom tame dom chất dinh dưỡng. Tuk  cholesterol dalam darah rilo jang tanut bình thường, urang ruak mbuan njauk patagok xơ vữa động mạch ruak, ngak tagok darah, gar rak darah, abih di nyu nan lac rak darah di não saong mạch vành, mbuan ngak brei suy tim, đột quỵ di harei hadei

-Hu rilo makna ba tal ruak, nan lac: di truyền, bruk mbang menyum, ndih daok oh lagaih yau ye mbang biak rilo ralaow asau, tung pruac athur, darah metah, kaya ikan dalam ia…menyum rilo alak mbia, ba tal rối loạn chuyển hóa limek. Biểu hiện ruak di urang ranaih umo bhian kandauk, maong ye oh hu triệu chứng. Rilo urang tok patoah duah mboh ruak tuk nao iek ruak định kỳ atau mboh huyết áp glaong, pandik akaok ye nao dut iek darah meng thau limek darah glaong. Daok urang taha ye mboh cambaih jang, hu tal 90% lac tagok huyết áp, meik saradang nao gam saong tagok limek darah.

-Dalam tuk nan, meyah duah mboh aval, hu menuac tok pasiam bruk mbang menyum saong bhian pasram thể dục ye limek dalam darah hu siam veik yau bình thường. Meyah oh pabak hu ye pandar jru ka pasiam. Ini lac sa tukvak suai livik, kayua daok pambak tame jru, tui bruk kiêng khem di yaok urang saong oh hu sa liều nhất định.

 -Urang ruak njauk mbang menyum saong pasram thể dục siam lagaih, takik mbang limek, tai jai athur raong, pandap chiên xào, takik alak mbia, menyum rilo ia. Limek dalam darah glaong meda ngak jhak tal pren yava, min meyah kurang limek jeng oh siam kayua limek lac sa dalam 3 dưỡng chất ka rup pabhap, meyah kurang lac oh pataom hu kháng thể, dưỡng chất. Kurang limek ngak brei ruak azeimer, ba tal ruak var anak, var likuk. Kayua yau nan ye njauk mbang menyum ginup chất.

 -Hu urang ndom lac lavang oh gaok darah njaom limek. Ini lac sa jalan sahaneng suan. Lavang saong limek dalam darah lac dua janih karei di gauk. Urang ruak njauk mbang menyum saong pasram thể dục siam lagaih, takik mbang limek, hatai jai athur raong, pandap chiên xào, takik alak mbia, menyum rilo ia piah pacang dom biến chứng meng ruak ini./.