Bahrau ni, kapul ngak bruk di tỉnh Đồng Tháp hu nao pasang iek 7 labik mek cuah angaok krong Tiền, labik nao tapa huyện Hồng Ngự. Di dom labik ni hu Ubbhap bini tỉnh brei  5 harak adat ka Công ty TNHH MTV Xây lắp song  VLXD Đồng Tháp mek cuah krong. Ong Nguyễn Hữu Phước - Tổng Giám đốc Công ty TNHH MTV Xây lắp song  VLXD Đồng Tháp brei thau: bruk  mek cuah di labik ni ngak njauk tui harak adat:

Dalam sa harei abih tih mek 2-3 pluh ribau  khối. Dok yaom cuah hu 3 janih. Janih cuah jhuk di ni yaom 19.400, cuah katam asar sit 40.400, dok cuah katam sar prong ye labaih 60.000/m3.

Di tuk vak ni hu yaok rituh radeih hu trọng tải  yaok rituh tấn dok dak tui gauk di tapen krong, piah cang mek cuah meng krong tagok. Tui dom po radeih yaom cuah tuk vak tapa tagok rilo, bruk mek cuah jeng takik jang dut song dahlau deih, nan ye cuah tagok yaom. Rilo radeih cang meng 4 tal 7 harei meng hu cuah. Kayua yau nan ye, radeih pataok  di labik  ni dak harei dak rilo. Bruk  yaok rituh radeih pataok di labik ni ngak duh hatai bhap bini, kayua labik ni glut jaleih gam gam rah tabiak, abih di nyu nan lac di xã Long Thuận. Gah UB bhap bini huyện Hồng Ngự brei thau, jeng hu pasang iek song  duah jalan pacang cakak bruk ni. Ong Nguyễn Trạng Sư, Phó Chủ tịch UB bhap bini huyện Hồng Ngự brei thau:

Urak ni  huyện hu caik biển báo oh brei ghe gilai tame labik glut jaleih  di Long Thuận, tagok bruk tui iek . Pambuak bruk song  cảnh sát jalan krong tui ie, langyah . Meyah mboh ngak suan ye langyah

Dalam mbang ngak bruk bahrau ni hong dom gah liên quan, Phó Chủ tịch UB bhap bini tỉnh Đồng Tháp Nguyễn Thanh Hùng hu tacei pato dom  sở, ngành kham merat tui iek tuk vak mek cuah, pasang iek hóa đơn chứng từ di dom po mek cuah. Taphia di nan, bhian hu panuac kakei, tui iek bruk pataok ghe gilai piah khik siam mekre ka jalan krong ribong. Kayua urak ni 2 tỉnh Đồng Tháp song An Giang dok gaok sức ép biak prong tuk cuah di tỉnh Đồng Nai brei padeih mek, nan ye cuah di krong Tiền lac labik pabak ka dom tỉnh gah merong negar  . Ong Nguyễn Thanh Hùng, Phó Chủ tịch UB bhap bini tỉnh Đồng Tháp brei thau: Urak ni hu sa bruk biak kan ye tỉnh pathau tagok Mintri padang ngak, Mintri TNMT nan lac bruk  oh ginup cuah piah ngak. Kayua yau nan ye brei hu VLXD karei salih tame, khol drei oh njauk cong tame miat cuah ia taba angaok krong Tiền, krong Hậu. Kayua urak ini tuk nao pasang iek, mboh yaok rituh sà lan dok pataok cang sa adit  meng mek hu cuah song pabak ka abih darak pasa gah merong. Dua tỉnh  ĐT, AG oh pabak hu ginup abih .

Bruk mek cuah jeng oh ka hu jalan langyah catang ye urak ni, tỉnh Đồng Tháp  dok dang anak bruk ba tabiak dom jalan ngak piah langyah bruk glut jaleih di dom labik tapen krong. Dalam nan kan kandah di abih lac di xã Bình Thành, huyện Thanh Bình – labik hu 2 mbang tabiak panuac lac thiên tai khẩn cấp./.