Urang halei menyum jru jhui menyum ia rau ma chip 

Dom jru takuh rai bahrau biak rilo janih, rilo sambo màu: hu janih asar dreh yau kẹo hijao, hồng, bhong, mbong; hu janih ia yau siro atau tapung… Bhap bani meda duah blei biak mbuan dom janih jru takuh ini di dom labik pablei jru khik caga phun pala atau dom sruh radaih pablei pandap panda rah jalan atau di dom quầy pablei dom janih pandap pandar dalam sang, thú y, pandap ngak bein…

Tui dom bác sĩ, dom hóa chất pametai takuh daok dalam njaom pacang vitamin K (ngak brei sraiy darah) hu biak rilo, pagap yau warfarin (tukvak pandar katut, dalam dom adit lac abih pandar hu), urak ini hu rilo jru hóa chất bahrau iew lac superwarfarin. Dom hóa chất ini bhian hu iew tui angan biak “njuan njac” nan lac jru takuh sinh học. Biak di nyu, taong abih jeng lac dom hóa chất rai bahrau hu jru mek glaong jang biak rilo. Tuk dom chất ini nao tame dalam rup ye mboh yau oh njauk hagait saong dalam 3 harei akaok mereip gah lingiu rup jeng oh mboh hu hagait min hadei di nan mboh sraiy darah di tagei, idung, kalik, jalan tung pruac... Hu dom urang tok sraiy darah rilo hadei di njauk rambuis trak, gaok paoh hagait khang, hadei di blac riah tác động tapa kalik tuk nao pasang iek ruak (tiêm, chọc, tán sỏi,…). Meng rilo makna bo hu urang ruak oh khan biak lac menyum jru takuh nan ye bác sĩ mbuan meluk tapa dom janih ruak karei. Hu dom urang pandar jru takuh oh njauk oh siam, jru takuh jeng meda njaom tapa kalik...

Urang ruak hadei di tuk hu cấp cứu, pandar jru giải độc blaoh jeng njauk nao gilac veik sang iek ruak piah pasang iek rilo mbang veik, gaok mai dui atah luac thun. Dom urang ruak bhian iek lap atau jan van haong bruk ngak mbang duah jien nan ye bhian abih jru menyum ye oh daok nao pasang iek ruak piah mek jru, dalam tuk jru mek jeng daok kandaong veik dalam rup, tui nan, njauk sraiy darah veik saong tame dalam sang iek ruak cấp cứu veik.

Pasak Pacang jru mek (Sang iek ruak Bạch Mai) kakei lac, bhap bani njauk caik hatai tal dom janih jru hóa chất pametai takuh saong bruk njauk jru mek urak ini. Tuk mboh hu urang menyum jru takuh ye njauk ba nao tal sang iek ruak samar drah jang halei siam jang nan, abih di nyu lac dalam 6 tuk camereip./.

 Urang lang: Jasi -12/11