Jalan mbak di bhum palei biak kan kandah

Tui jalan ngak lac karja song bhap bini pambuak gauk ngak, bruk pathau khan jak ba bhap bini  hu chi bộ Đảng ấp Bắc 3, xã Hòa Long thau lac bruk praong, njauk jhul khang pathau khan gam gam.

Tapa bruk pathan khan jak ba, urang jakar, urang đảng, urang  đoàn, urang hội song bhap bini pak ni thau hu bruk ngak, makna saong yaom glaong di dom bruk ngak di palei. Urang halan hatain rik dong pren yava, pandap panda, peih prong  dom jalan nao mai dalam palei, tuh bê tông dom jalan nao mai dom palei, caik gom hadah yaok ribau mét jalan palei.

Ong Ngô Quốc Dũng, sa urang daok di  ấp Bắc 3, xã Hòa Long, ban  Bà Rịa brei thau, 5 thun dahlau  jalan mbak nao mai di labik ni biak kan kandah , “pandiak thur mur, hajan gluh baok” yau nan ye biak gleih glar dalam bruk nao mai, pajeng ba kaya nong. Min, urak ni dom bruk nan hu karei ye: “Dahlau deih puk palei srau kadau, bhian hu co klaik dalam palei, meng tuk hu sarak di Đảng bộ xã brei padang ngak jalan palei, brei caik gom điện hadah di palei  ye bruk kanyah jhak nyu trun biak rilo. Mik va di pak ni biak bui sambai, jia tame bruk pan akaok ba jalan di Đảng, karja pak ni dalam bruk khik siam mekre rai duik ka bhap bini”

Daok muk  Lê Thị Diễm, sa urang dok di ấp Bắc 3, xã Hòa Long bui sambai brei thau,  tuk Đảng bộ, karja xã jak ba mik va kham merat pachreih tui, rik dong pren yava, pandap  panda piah padang ngak jalan bê tông, jalan điện… Meng nan bruk nao mai hu mbuan lagaih, abih di nyu nan lac puk palei hu siam mekre, takik hu bruk co klaik: “Meng hu urang jakar pak ni  bo abih di nyu nan lac  Đảng bộ xã caik hatai sangka, rai duik di bhap bini dalam palei khol hulin dak harei dak tagok. Bhap bini mboh bui sambai, haniem phol tuk hu dom jalan nao siam mekre piah nao mai hu salamad”.

Meng di tuk  Đảng ủy xã Hòa Long peih bruk padang ngak jalan palei, pakat  ủy jang yau Ban điều hành ấp Bắc 3 peih bruk jak ba dalam urang Đảng , urang jakar song bhap bini peih ngak sarak xã hội hóa dalam bruk padang ngak jalan bê tông, jalan gom điện hadah … 5 thun tapa, mik va dalam palei tuh bê tông yaok rituh mét jalan, caik gom hadah di 7 jalan mbak... Ong Nguyễn Thanh Hòa, Bí thư Chi bộ ấp Bắc 3, xã Hòa Long brei thau dom bruk ngak ini hu jao ka dhar kapul dam dara song dhar kapul urang kamei palei piah khik iek, ramik pasiam: “Dalam dom thun tapa, dom bruk ngak nan hu peih prong dalam xã Hòa Long, Urak ni dom bruk ngak ni jeng dok tagok siam lagaih song hu bhap bini pasiam veik, khik ramik. Bhap bini njauk hatai song dom sarak di Đảng, hukum di karja meng nan urang paglong hatai khik ramik dom danak dak nan.

  2 thun tapa,  xã Hòa Long jak ba hu labaih 137 triệu đồng piah padang ngak  22 jalan điện hạ thế atah jiak 10.000 mét ka bhap bini pandar, truac hadah dom labik công cộng. Urak ni taong abih jalan palei hu tuh bê-tông; bhap bini dom palei bhian  puh ramik hareik hareim angaok dom jalan prong song labik công cộng.

Ong Bùi Quang Phục, Phó Bí thư Đảng ủy xã Hòa Long, ban  Bà Rịa brei thau: patagok dom jak jeng nan, kham merat tal thun 2025, xã Hòa Long jeng sa phường song yam tal phường salih bahrau tui sarak nyaom roya đảng bộ batabiak: “Padang  xã tagok phường tuk camereip njauk kan kandah, min tuk khol hulin peih bruk pathau khan, jak ba mik va ye urang mboh siam lagaih di bruk peih ngak dom bruk ni. Urak ni hu jak ba dom boh sang caik  camera an ninh angaok dom jalan…, khik caga tal thun  2025 Hòa Long mek hu dom tanut piah tagok jeng phường”.

Mai  ấp Bắc 3, xã Hòa Long, bruk mbuan si mboh lac  jalan mbak nao mai meng palei ni tal palei deih hu tuh menyek, tuh bê-tông, sang danaok, jalan dhuan siam mekre, salih bahrau, rai duik di bhap bini ginup meda jang dahlau. Piah hu yau nan, Đảng ủy xã Hòa Long, ban  Bà Rịa tuk halei jeng dok jiak rahra, duah thau hatai cong khin dalam bhap bini, brei bruk cambaih laih ka yaok urang pakat ủy, mban khik ramik palei  song  kapul khik iek labik daok. Meng nan padang hu hatai jia dalam bhap bini, peih ngak hu siam bruk padang ngak palei pala bahrau,  rik dong dak padang puk palei dak harei dak cakrok, patagok./.

Urang lang: Hani Pha - 18/01/2021