Rilo janih main sambai piah pachreih tuia mai main
Meng akaok thun tal ni, tuai ndih veik di Cần Thơ hu labaih 1,1 triệu urang, trun jiak 53% dut song tuk vak ni thun 2019. Tong abih jien mek tame meng du lịch tui kuhria hu labaih 2 ribau tỷ đồng, trun labaih 43% dut song tuk vak ni thun 2019.
Tui ong Phan Đình Huê, Akaok Công ty Du lịch Vòng Tròn Việt, Việt Nam song bhum taneran krong CL dok pasang iek hu siam jit ruak Covid-19, ni lac kein lagaih prong tuk du lịch hu pasiam veik. Kayua yau nan ye, brei pamong tal bruk padang tanut du lịch siam mekre ka dom bruk yau: labik nao tal siam mekre; jalan mbak nao mai siam mekre; Dịch vụ siam mekre ; pandap mbang hacih saat… Abih di nyu nan lac, Cần Thơ njauk padang sa liên minh du lịch siam mekre song tong abih gah dalam bruk ngak du lịch. Liên minh ni langui di bruk padang tanut du lịch siam mekre dok pandar công nghệ 4.0 piah brei thau song pambuak pagam hong tuai damuai:
Hu sa ứng dụng piah tuai thau dalam bhum ni labik du lịch halei hu brei angan siam mekre song thau hu tuai halei oh njauk ruak. Meyah khan brei thau gam gam ye khol drei thau hu labik halei ngak siam atau oh . Tuk hu tanut hu pambuak gauk blaoh, ye brei hu urang khik ramik angan. Labik halei peih ngak oh siam tanut du lịch siam mekre njauk ba tabiak truh liên minh'.
Min, piah ngak hu bruk nan brei hu bruk njauk gauk meng dom đơn vị song dom doanh nghiệp du lịch; brei paglong hatai sahneng dalam bruk ngak catang jalan pacang caga jit ruak. Muk Võ Xuân Thư, Tổng Giám đốc Khách sạn Victoria Cần Thơ lac:
"Urak ni, bruk nao me-in negar langiu biak kan, nan ye tuia dalam negar duah tal dom bhum palei, nao rivang main gilac veik, ni lac bruk njauk uan tabuan . Kayau yau nan ye, hulin biak iek prong bruk khik ramik dom labik dok siam mekre, mbiah tal tuk khol drei hu vaccine piah ka menuac urang nao mai hu siam mekre".
Tui Hiệp hội du lịch bhum taneran krong CL, bruk nao du lịch hu siam mekre dok batabiak 3 kadha piah ka dom tỉnh ban peih ngak. Ka sa lac salih bahrau bruk ngak du lịch ka nyu lagaih song tuk vak bahrau. Ka dua lac, siam mekre du lịch brei
hu tanut cambaih laih, mbuan ngak. Ka klau, tanut siam mekre du lịch brei pandar công nghệ piah peih ngak siam. Urak ni, yaok tỉnh, ban jeng hu tanut siam mekre karei, min oh ka hu sa tanut yau gauk tui bhum, tui negar, kayua yau nan ye brei pambuak gauk piah padang ngak, patabiak ka tong abih negar tui bhum, tui gah, yau: pajeng ba, ndik dok, mbang menyum… Amuk Lê Đình Minh Thy, akaok dhar Vietravel Cần Thơ ndom lac:
"Sa dalam klau tanut piah padang du lịch siam mekre, langui di labik nao rivang siam , kapul urang ngak hu pasram megru ye dịch vụ jeng brei hu siam mekre song bruk ni brei hu mbaok di gah pambuak bruk pabak radaih pajeng ba, nhà hàng, khách sạn, dom labik rivang main… Tong abih jeng brei pambuak gauk piah khik ramik dom bruk ngak hu siam mekre ka tuai damuai " .
Hu thau, anak tal Sở Ilamu – Thể thao song du lịch ban Cần Thơ meda peih danak dak dui pachreih du lịch thun 2020 hu angan “Cần Thơ – siam mekre song bui sambai”.Tui nan, brei patagok bruk pambuak gauk catang di dom jabat khik ramik karja, dom hiệp hội, dom doanh nghiệp song xã hội. Anak meta, Sở jak ba pambuak pagam 9 gah pabak bruk du lịch, padang dom pandap du lịch siam gheih piah dui pachreih tuai damuai. Tal urak ni, hu 60 doanh nghiệp tut angan hu mbaok tame danak dak dui pachreih trun yaom meng 10% tal 50% song rilo danak dak khuyến mại karei karei. Ong Nguyễn Minh Tuấn, Phó Giám đốc Sở Ilamu Thể thao song Du lịch ban Cần Thơ daok brei thau lac:
"Khol hulin brei pambuak bruk song gah viễn thông padang blah web Du lịch thông minh piah ka tuai thau tal Bộ tiêu chí jang yau Bản đồ du lịch ban Cần Thơ. Urak ni, Bản đồ du lịch pabak tal bilan 10/2020 hu ba tagok Cổng thông tin du lịch di ban, angaok blah mạng xã hội kayua Sở khik ramik; saong hu payua tal dom doanh nghiệp dalam tỉnh. Tapa nan, tuai damuai jeng hu thau dom tal angan dom doanh nghiệp hu mbaok tame tanut siam mekre du lịch".
Jalan ngak hu blaoh, min urak ni doanh nghiệp halan hatain hu mbaok tame dom tanut chuẩn siam mekre du lịch dok takik, bahrau hu 72 đơn vị tut angan tame; dom sang bein, nhà hàng oh ka tut angan tame rilo. Patui di nan lac padang mạng lưới dom doanh nghiệp tut angan peih ngak tui tanut siam ni, piah padang hu bộ quy chuẩn ka bruk siam mekre du lịch. Meng nan ieu pataom hu tong abih gah tame bruk du lịch, halan hatain peih ngak piah khik ramik du lịch siam mekre dalam tuk vak bahrau./.
Urang lang: Hanipha- 16/11
Viết bình luận