Hu mbaok biak aval di Darak kraong Cái Răng, di labik Yên Thuận, phường Lê Bình, quận Cái Răng, ban Cần Thơ di dom harei ini, khol dahlak mboh rilo bruk salih birau. Rilo ghe gilac jang, hu tuan hala dok, bingu biak mekre, darak hu pablei angaok  trun tal tapen ghe gilai ngan saong yaok janih pandap kaya nong. Birau sa thun “ Ilamu darak angaok kraong Cai Rang” hu taduan angan inem krung Ilamu phi vật thể negar, min meng hadah mbaok meta hu inem krung nan, mikva labik ini hu sahaneng tal bruk khik ramik cambaic laic. Sa-ai Ngô Thị Mỹ Nga lac urang daok di bhum taneh ini bui sambai lac:

“Dahlak ndih tapui saong praong di bhum taneh hu darak kraong Cái Răng. Dahlak nao hu rilo labik hu darak kraong ia yau Tiền Giang, Ngã Bảy…min darak Cai Rang hu rilo tuai muai di abih,dalam nan urang daok gah Barak negar biak takre.”

Darak angaok kraong nan lac ilamu biak gheih karei di bhum kraong ribaong gah miền Tây negar oh lac eng Cần Thơ. Darak angaok kraong hu meng kan mai tuk bruk pablei salih jalan mbak nao mai kan kandah saong kayua hu rilo ribaong, kraong ia di bhum taneran ba mbuam lagaih cak rok bruk pablei salih di angaok kraong ngan saong rilo ghe, gilai praong sit yaok sruh. Tabiak rai yau nan, darak kraong hu manuac blei, pablei tame tabiak rilo jeng lac labik pablei salih kaya nong biak lagaih dalam bhum. Patui di nan, darak dak harei dak hu jeng ilamu pablei salih siam gheih karei.

Urang blei jeng tame tabiak meng ghe gilai blei salih tui ghe gilai. Darak bhian harei pablei chat yaom, darak kraong ia oh yau nan, pablei njauk yaom. Sap urang pablei salih di ghe gilai praong jang sap mac patuh, sap hangin…

Darak bhian pablei salih tuk page yau nan ye tuk vak daok veik kadang jua, urang nao ghe gilai bhian jak gauk menyum alak, daoh đờn ca tài tử angaok gilai…Nan lac dom thaot binguk, bruk pablei salih jeng yau raidiuk di urang angaok darak kraong hu karei dom bhum labik karei saong pachreih tuai damuai mai rivang main darak kraong ia piah hu mboh, hu thau labik ini.

Darak Cái Răng daok khik tamo dom ilamu siam gheih nan,yau nan ye bo “Ilamu darak Cai Rang” hu taduan ngan ilamu phi vật thể pakat negar thun 2016. Ban Can Thơ tui nan bhian peih harei roya darak Cái Răng  tuk hadar harei Du lich Viet Nam 9/7 yaok thun. Danak dak hu peih ngak  dom bruk: dieu hanh, ghe gilai angok ia; Giải đua vỏ Composit bhum taneran kraong Cuu Long; darak parang iek dulich, pandap mbang, bruk ngak nong, tuh ahar bánh xèo praong Guines Việt Nam; peih nyaom pakacah darak Cai Rang; pakacah  ngak thaot binguk meng baoh kayau; yaih khan dom janih ngak meng tangin di bhum taneh ini…Ong Vương Công Khanh, Pho akok UB bhap bini Cai Rang lac:

“Piah darak hu angan je labik main du lich Ban Can Tho, tuk vak anak tal, khol dahlak brei pathau khan rilo kadha, jak ba mikva tame daong ngak du lich: ramik ngak gheih hacih moi truong, ndem meyai nao mai saong tuai. Khol dahlak ba mbuan lagaih ka rilo baoh sang tame pablei salih angaok darak Cai Rang piah darak ini dak harei dak hu rilo ok urang mai pablei salih, piah dak harei darak dak cak rok patagok.”

Cak rok pataok patui ilamu phi vat the pakat negar “ Ilamu darak Cai Rang” saong pamaong tal bruk dak padang drap ar jeng labik rivang main dulich ban Can Tho, darak Cai Rang yaok thun raok tuai damuai atah jiak mai rivang bhum Tay Đô di bilan hè. Kraong ia saong ilamu siam gheih di darak angaok kraong yau paguol meda brei ka tuai damuai dom bui sambai saong hadar miat ka bhum taneh taneran kraong Cuu Long./.