Cần Thơ mo hinh dan van gheih di kapul urang kumei

huyen Phong Dien rik pren padang ngak huyen palei pala barau

Yaok bilan sa mbang, adei saai hoi vien urang kumei palei Trường Hòa, xã Trường Long pataom gauk di sang saai Nguyễn Thị Huệ - akaok dhar kapul piah ginum jalan ngak, klah rabha alamu daong gauk ngak kinh te sang, brei thau sarak, adat hukum, brei thau bruk dalam palei saong rik daong phun jien xoay vòng peih praong pala drak, raong pato anek mbang bac…Tukvak jaik di ini, dom mbang nyaom ini hu chreih chrai saong siam lagaih jang biak rilo, hu dom saai likei pataom mbaok tame kayua hu dom asal kadha ka bruk ngak, alamu pasang iek, pablei kruac aik oh hu asar bo yaok adei saai kumei lac urang di Hợp tác xã ngak nông akaok mereip kayua kapul urang kumei padang tabiak.

Hu thau, dahlau thiah dom sang di Trường Hòa tok pala bein tạp, ngak mbang sa drei, pagam pambak tame bruk pablei salih di darak saong gaok rilo kan kandah dalam bruk duah thau alamu, phun pajaih, phun jien ngak mbang…Jien mek tame meng bein tạp tok ginup mbang cai yaok harei oh kandaong labaih piah pasiam raidiuk. Dalam nan, akaok dhar kapul Nguyễn Thị Huệ lac sa dalam dom sang kan kandah di abih kayua anek rilo, taneh takik, kurang bruk ngak. Thun 2010, saai Huệ tak klaak bein tạp, ba pajaih kruac aik oh hu asar mai pala iek di 3 công taneh saong 18 bilan hadei, kruac aik brei baoh srai, jien mek tame meng bein kruac aik nyu daong ka saai patruh kathaot meng meng dom mbang paik baoh akaok mereip. Saai neh rabha alamu saong biai haong kapul pakat angaok piah adei saai takik taneh dalam dhar kapul gam hu jalan patruh kathaot yau drei. Saai lac : Drei ngak bruk urang kumei, meyah drei ngak hu lac njauk jak ba ka adei saai ngak piah hu jien mek tame ka sang, bruk ngak mbang tani tanat. Tal bruk HTX drei mboh labik dang di drei jeng trak paje, paik baoh ka mikva drei njauk nao tal bein kayua drei hợp đồng saong công ty piah hu yaom tani tanat ka mikva, ngak tui công ty urang meng paik baoh, kayua urang pablei tabiak taneh ia langiu. Meng di nan drei jak ba adei saai pablei ka công ty njauk ngak siam tui tacei pato di cong ty. Trách nhiệm glaong min jeng kham merat sahaneng ka adei saai . 

Anak bruk caong khin patagok bein kruac aik oh hu asar angaok taneh Trường Hòa, Hội  Liên hiệp urang kumei xã Trường Long saong huyện Phong Điền hu pambuak bruk saong jabat ngak nông piah duah thau bruk pablei pandap tuk hu sản lượng rilo jang. Tui nan, kruac aik oh hu asar di Trường Long hu yaih khan haong Công ty Hà Lan, công ty Phú Thịnh piah hu jalan pablei rilo jang, khik kajap bruk pablei tabiak ka Hợp tác xã. Ini lac jalan peih tabiak ka bruk padang kalup kapul pala kruac aik  oh hu asal di dhar kapul urang kumei palei Trường Hòa.

Hu mbaok tame mô hình, adei saai hu daong alamu pala drak, pataom phun jien piah blei khak drak, vat tư, daong gauk tapa kadung jien patak pataom di kalup kapul saong hu jabat ngak nong daong meneing phun pajaih, alamu. Meyah thun 2012, kalup kapul hu 10 urang saong taneh labaih 3 ha, ye thun 2013 tagok 14 urang, urak ini hu 30 urang saong 15 ha pala 13.600 phun kruac aik oh hu asar, rilo sang daok pala pablak saong njam patam katut harei piah patagok jien mek tame, trun takik jien buh tabiak. Taong abih kruac aik di kalup kapul hu doanh nghiep blei mbuan jang, mai tal bein saong bayan jien samal. Amuk Đặng Thị Thu – urang dalam Hợp tác xã hu 10 công taneh barau pala kruac hu jaik 2 thun, dalam nan 4 công daok paik dom baoh akaok mereip. Amuk Thu ndom lac : Paik hu rilo, 4 công nan nai paik sa mbang jeng hu 3, 4 ratuh kg, meng akaok thun tal urak ini 4 công nan paik jeng hu labaih 55 triệu đồng. Khak drak jeng oh rilo, 1 thun drei ngak hareik 2 mbang, buh khak 2 mbang blaoh paik baoh. Mboh drei tame hợp tác xã yau nan nyu siam jang, meyah drei pala bo pablei di langiu glaih glan lô, rilo tuk nyu teik, blaoh rilo tuk nyu oh teik ye drei ngak habal. Hợp tác xã ye drei khang hatian paje, sahanang hatai.

Tui kuhria, puac thun ini huyện Phong Điền meda mek hu chuẩn huyện palei pala barau. Kapul urang kumei huyện Phong Điền tut angan mô hình dân vận khéo lac padang Hợp tác xã kruac aik oh hu asar kayua urang kumei padang tabiak. Ngak hu dom kadha ka phun jien điều lệ saong hợp đồng pambuak bruk…, tal bilan 8 meng blaoh, Hợp tác xã kruac aik oh hu asar di xã Trường Long hu tabiak mbaok. Mô hình ini hu Hội Liên hiệp urang kumei daong saong pambak praong dalam palei. Amuk Nguyễn Thị Ngọc Hân – akaok kapul urang kumei huyện Phong Điền brei thau : Phun jien piah daong adei saai ye kapul jeng hu pambuak bruk saong gilang pariak daong hu phun jien langyah bruk ngak ka adei saai dalam hợp tác xã ini. Kayua ini lac hợp tác xã akaok mereip yau nan ye bruk ngak biak barau, njauk hu pambuak bruk khang kajap meng jabat ngak nong, Sở ngak nong piah daong gah alamu, jalan pala drak jeng ye pambuak bruk saong dom công ty piah ba mbuan lagaih ka adei saai hu labik pablei tabiak. Kapul jeng daok pambuak bruk saong dom labik, mban, nganh piah daong ka adei saai thau pandar saong peih ngak hu kein laba mô hình ini.  

 Salih bruk ngak mbang sit sot di sang tapa bruk ngak mbang kinh tế tập thể di tanut glaong jang urak ini daok lac asal bruk ngak praong di dom kapul nyaom, huyen ngak nong ban sit Cần Thơ. Amuk Võ Kim Thoa – Phó akaok thường trực Hội Liên hiệp urang kumei ban sit brei thau : Tukvak tapa kapul padang hu rilo mô hình tổ hợp tác, tổ pambuak bruk, anak tal  paglaong jeng hợp tác xã. Dalam thun 2016 meda hu meng sa tal dua hợp tác xã tra meda padang hu. Cambaih laih : kol dahlak daok pataom tame ka mô hình tổ hợp tác ngak tapaiy di xã Trung Thạnh, huyện Cờ Đỏ; saong mô hình tổ hợp tác pala vú sữa di huyện Phong Điền tagok jeng 2 hợp tác xã dalam thun 2016. 

Bruk padang dom mô hình kinh tế tập thể kayua urang kumei ngak po di dom pakat kapul urang kumei ban sit Cần Thơ gam pamaong tal bruk daong adei saai hội patruh kathaot khang kajap, gam rik daong siam saong puk palei ngak hu dom tieu chi padang ngak palei pala barau. Piah khik hu khang kajap, Kapul jeng daok kham merat pambuak bruk saong dom sở, ngành piah patagok bruk pato pakai ilamu khik ramik saong peih praong darak pasal ka dom HTX ini.