Meng thun 2015, urang kamei  huyện Phong Điền hu peih ngak eik bruk xử lý hareik thải palei pala  meng  thùng ủ phân compost pambuak song patrun jien khak drak pala njam hacih di  xã Tân Thới. Mboh hu kein laba di bruk ini meyah hu peih prong dalam tỉnh,  Kapul Liên hiệp urang kamei huyện brei tut angan jeng bruk jak ba gheih di Kapul dalam thun ni. Tui nan, kapul mek  xã Nhơn Ái ngak labik tacei pato iek, jak ba jien daong meng dom  đơn vị tư vấn kỹ thuật song dong  thùng ủ, men vi sinh ka dom boh sang hội viên.

Saai Nguyễn Thị Bé Đang – Akaok Kapul  Liên hiệp urang kumei xã Nhơn Ái brei thau:  bilan 9 thun 2016, Kapul hu ba tabiak  bruk xử lý hareik meng thùng ủ khak compost di 2 palei camereip lac Nhơn Thọ 2 song Nhơn Bình, hadei di nan, jak ba adei saai hội viên dalam xã tame ngak.

 Peih ngak mô hình je drei jak ba bhap bini salih hu hatai sahaneng ka bruk khik caga  môi trường, xử lý di boh sang, dong tagok  xã palei pala bahrau song mô hình “5 oh 3 hacih” di  đơn vị. Tuk camereip, hu 10 boh sang hu mbaok tame.  Kapul urang kamei xã Nhơn Ái pathua khan jak ba dalam urang jakar hội viên dahlau piah ka dom adei saai thau cambaih laih bruk peih ngak  mô hình ni. Jak ba mik va jiak tapen hu mbaok tame song Kapul urang kamei ye urak ni dalam xã hu 130 boh sang hu mbaok tame ngak.

Mô hình ủ phân compost pagam song pala njam hacih di  hội viên urang kamei  daok ngak brei salih karei bruk bhian randap di dom boh sang palei pala xã Nhơn Ái. Saai  Phạm Thị Hoàng Phượng - trưởng ấp gam lac akaok dhar kapul urang kamei palei  Nhơn Thọ 2 brei thau: hareik di labik ni, rilo meng lac hala bein biak rilo, adei saai bhain nao pataom mek, puh ramik bein, sang, jalan taom dar labik dok song am atau prah trun krong tui bhain randap. Meng mô hình pandar thùng nhựa ủ phân compost, hala phun hu pataom song ba tame thùng bloh pruh  dung dịch vi sinh ngak meng men ủ song đường mật mía jhul samar bruk phân hủy, luac di abih mek hu khak hajao hoai mục. Meng khak hữu cơ oh  độc hại ni, adei saai  pala dom janih njam hacih mbang yaok harei di anak bein sang atau buh ka bein pala vú sữa, kruac aik oh hu asar, panat… piah patagok mblang hijao,patrun patakik jien blei khak hóa học. Mô hình gam abih takik jien, gam hacih siam môi trường, cảnh quan song ngak kaya meda dinh dưỡng ka bein sang, nan ye rilo adei saai chreih hatai tut angan tame peih ngak.

- Cuh hareik  oh siam ka pren yava di sang drei, oh siam ka bhap bini puk palei. Dok drei ủ hareik ye hu khak piah pala njam saat, pren yava dalam sang drei siam, oh ô nhiễm môi trường tra. Drei xử lý hareik  ka puk palei drei piah ngak jeng  cảnh quang môi trường hajao, hacih, siam

- Adei patom hareik buh tame nan, hala kayau atau dom hagaih dok that, adei huac mbau, ye mek tro trấu tuh tame nyu oh daok mbau tra, Nyu jeng khak bloh drei pala njam.

 - Pandar rilo thung hareik samar bak, drei tuh klaok vi sinh tame, harei dahlau song harei hadei nyu xẹp trun, lavik livik harei drei tuh tame sa mbang.

Tapa pasang iek di khol dahlak mboh lac, langiu di 2 palei Nhơn Thọ 2 song Nhơn Bình, bruk jak ba bhap bini ngak tui mô hình, salih bruk bhian randap dok kan kandah, kayua yaom thùng ủ dok glong (labaih 350 ribau đồng/1 thùng). SaaiNguyễn Thị Ngọc Hân – Akaok kapul  Liên hiệp urang kamei huyện Phong Điền brei thau: tong abih urang jakar di kapul urang kumei cơ sở dok lac  dom kreik camin piah brei mboh kein lagaih di mô hình, gam kham merat jak ba, langyah, ieu pataom bruk dong ba song pasang iek bruk ngak tui di dom hội viên karei karei song hatai kham merat ngak ka pahu mô hình ni di  7 xã, ban sit:

Gam song  huyện Phong Điền, urang kamei di rilo  quận huyện karei di ban  Cần Thơ jeng dok kham merat peih ngak  dom mô hình jak ba gheih piah khik caga môi trường yau: mô hình neh rabha, xử lý hareik sinh hoạt di huyện Vĩnh Thạnh, mô hình pala padai  meng phân vi sinh  di huyện Cờ Đỏ song mô hình patom mek phế liệu padang kadung jien bac di quận Bình Thủy .v.v…Meng bruk pambak prong  mô hình sit ni, urang kamei Cần Thơ dok rik dong ka bruk khik caga môi trường sống ka tong abih bhap bini./.