Rilo huyện dalam tỉnh dok klaak saoh taneh 

Dom harei jiak di ni, di huyện Châu Đức, gam song bruk taneh riya tagok yaom khang kayua gah đầu cơ ngak yaom, yaih khan khang ka “siêu dự án” di sa  kapul ngak  kinh tế prong dalam taneh ia, hu dom urang oh siam ngak tabiak dự án ảo piah phân lô pablei taneh riya suan hukum. Pagap yau,  labik taneh gah likuh Đồn Biên phòng Chí Linh hu quy hoạch jeng Khu du lịch Chí Linh Cửa lấp, lac taneh glai  jao khoán ka dom boh sang di hẻm 414, phường 10, ban Vũng Tàu, njauk kol jhak ngak ja harak gar pablei ka rahra. Tuk gah đô thị pasang iek ye mboh 3 urang dok  san lấp mặt bằng, ngak gheng  bê-tông piah phân lô pablei taneh. Dom urang ni brei thau hu sa urang angan Long pah ngak. Kayua pablei salih meng harak tangin, oh tapa  karja yau nan ye tuk urang san lấp, padang ngak ye karja meng thau, meng langyah. 

Atau di labik taneh  dự án tái định cư ban Vũng Tàu prong labaih  10ha dok hu po  đầu tư padang ngak, sa urang dang tabiak taduan lac taneh di drei song preo puac, khin taong paoh menuac di gah padang ngak. Tuk hu daa tagok jabat chức năng ngak bruk ye urang nan oh tabiak mbaok. Rilo bruk karei hu harak gar taneh riya, min tapa pasang iek di jabat công an jeng lac ja, gaok mai daok ngak ja chữ ký di dom urang pal akaok  phường tapa dom saman. Bruk ni dok rah tabiak di dom bhum lingiu ban  TP Vũng Tàu yau phường 10, 11, 12 – dom labik dok rilo taneh ngak nong.  

Anak bruk yau nan, UBND huyện Châu Đức, tỉnh BR-VT hu payua công văn khẩn, brei padang biển cảnh báo rahra njauk caik hatai sangka dalam bruk pablei salih taneh riya, kayua oh hu  dự án phân lô pablei taneh halei hu brei adat di xã Bình Ba. Dok di ban  Vũng Tàu, jiak di ni mboh bruk ngak ja harak gar dom labik taneh daok klaak saoh hu po bloh, min oh ka pandar, piah pachot pablei lap ka urang karei. 

Sahanang mboh hadei di dom  srau kadau bruk  Alibaba ye rahra jeng caik hatai jang dalam bruk pablei salih taneh riya, min, kayua haqua laba, haqua lap, oh takik urang laik tame darung di dom urang meblah pasoh  .

Nan lac bruk bruk blei taneh di Công ty Cổ phần Đầu tư xây dựng song  địa ốc Hưng Phú Group (ieu katut  lac Công ty Hưng Phú, di labik  237, jalan Trần Hưng Đạo, phường Phước Nguyên,  ban Bà Rịa). Dom urang blei bloh , ye urak ni yau dok di angaok pui tuk thau  Giám đốc Trần Văn Hội (umo 32 thun, palei di Nam Định) njauk chap piah pasang iek  kayua  ja pasoh meblah mek drap ar . Tui duah thau, Công ty Hưng Phú blei rilo taneh ngak nong di rahra dok di ban Bà Rịa, huyện Long Điền song huyện Đất Đỏ bloh eng drei vak “dự án ma” piah pablei ka  khách hàng. Dalam thun  2019, công ty ni  hu vak  9 “dự án ma” piah phân lô pablei taneh. 

Labik  taneh dok di mbaok jalan tỉnh lộ 52, di xã Long Tân, huyện Đất Đỏ jeng hu Công ty Hưng Phú ieu pablei  lac dự án sang daok di  Hưng Phú tỉnh lộ  52-2 ngan saong yaom labaih  300 triệu đồng/sa nền. Sa urang blei khan brei thau, urang blei rilo meng nao tal labik ngak bruk di công ty piah blei, oh nao tal labik duah thau nan ye oh thau hagait. Biak di nyu pak ni tok lac labik taneh ngak nong  hu  san lấp sơ sài, hareik tamuh bak.  Tui kuhria mboh oh ka ginup abih, dom nạn nhân di Công ty Hưng Phú tagok tal  yaok pluh urang song lihik tal yaok pluh tỷ đồng. Dalam tuk pasang iek, Giám đốc Trần Văn Hội brei kreik pambah mbang labik ngak bruk, bloh nduac klaak thit.

Tui urang pan akaok  UBND ban Vũng Tàu, ban hu tacei pato gah  công an pasang iek  bruk ngak ja harak gar piah pachot. Anak meta lac taong phạt hành chính, meyah mboh lac ngak suan bruk padang ngak. Karja jeng hu panuac kakei rahra caik hatai sangka dalam pablei salih sang danaok taneh riya, abih di nyu nan lac dom labik taneh hu yaom lap ye njauk nao tal jabat chức năng piah duah thau cambaih laih, plaih lahik jien./.

Urang lang: Hanipha -5/3