Tui kuhria mboh urak ini angaok dunya, ma túy bahrau hu labaih 600 janih, bruk ngak tabiak ma túy bahrau biak samar, thủ đoạn dak harei dak tinh vi. Dalam tuk nan, di Việt Nam dom janih ma túy bahrau hu mboh yau bóng cười, nấm ma thuật, lá khát, tem lưỡi, shisha… jeng daok hu meyaih daa saong pablei salih biak mbuan tapa dom  mạng xã hội.

Tapa duah thau, hu ralo dam dara daok pandar hareik Mỹ, bóng cười, kẹo… lac piah me-in sambai atau brei mboh đẳng cấp. Gaok tuk mai, dom urang ini daok ndom lac “pandar ye pandar, biak heroin halei bo nghiện!”. Dom dam dara bhian pataom gauk di duk karaoke, khách sạn atau pah phòng chung cư suai lavik piah ba gauk pandar. Ralo vụ án mạng kayua sốc jru jeng meng nan bo tabiak. 

Bruk 7 urang metai kayua sốc jru di sa lễ hội âm nhạc di Hà Nội meng blaoh sa mbang tra yau panuac cảnh báo ka bruk pandar ma túy dalam dam dara harei ini.

Bác sĩ Huỳnh Thanh Hiển daok ngak bruk di Sang iek ruak Tâm thần TPHCM brei thau, bhian taduan raok dom urang ruak daok biak ranaih pandar tem lưỡi (chất LSD – angan ginup di nyu lac Lysergic Acid Diethylamide), lac janih ma túy ngak jeng ảo giác biak khang hu ép dreh yau blah tem. 

Tui bác sĩ Huỳnh Thanh Hiển, taong abih dom janih ma túy bahrau jeng hu chất ngak brei kích thích atau ngak jeng ảo giác ka urang pandar, meng nan urang nghiện oh daok thau hagait, ngak dom bruk meda ba tal nguy hiểm ka xã hội. Dom urang ngộ độc ma túy bahrau tame sang iek ruak jeng mboh thei jeng njauk ngộ độc trak gam tui ảo giác. Urang ruak hu tính khí karei jang, biak jhak, ảo giác, dreih yau tâm thần phân liệt, rup babhap pandiak, ndoh, tabiak darah dalam glo akaok, kaik tagei ...

BS Trần Minh Khuyên, Phaok khoa T4, Sang iek Tâm thần TPHCM, brei thau: Piah cakak cơn nghiện ma túy bahrau hu chất hướng thần ye siam di abih njauk ba dom urang nan tabiak truh labik bo urang nan meda blei atau pandar ma túy. Meyah dom urang nan oh khang hatai cai nghiện ye bruk caik dom urang nan di gah langiu ye biak mbuan njauk urang karei jak ba pandar veik. Langiu di nan, urang cai nghiện hu gauk gar dalam sang sangka pachreih ba, pambuak bruk mong iek siam gam haong bác sĩ saong hu cộng đồng taduan raok ye dom bruk cai nghiện meda hu siam mekre jang”./.