Rup dahlak hu ban Phan Thiet ini pacang, raong ba, pabak jalan sahaneng yam tapa dom kan kandah di biak rilo urang kan kandah tuk nan, dalam nan hu dahalak. Thun bilan daok ranaih di dahlak kak kajap haong kraong Ca Ty, tapen tasik Thương Chánh, tapen Cồn Chà, darak Rạng, hồ Vĩnh Thủy…Dom hagait nan hadar veik mai  tuk sahaneng tal thun bilan daok nao bac, caong khin rilo bruk praong dalam hatai di drei. Dalam luac tukvak drei ndam gam  saong bhum taneh raong ba drei meng baloh, dahlak mboh palei Phan caik veik mboh lagaih siam abih lac bruk ngak dulich.

Meyah  Bình Thuan lac labik pachreih tuai damuai mai rivang ye angan Phan Thiết oh var ndem tal. Meng bruk ia harei tamkleih thun 1995, Hàm Tiến, Mũi Né hu jeng angan je birau hu ba tame ban đồ dulich dunya.

Labaih 40 thun dak padang saong patagok bhum palei, tukvak nan oh lac atah piah brei thau ka sa đô thị ka 2, min anagn dulich Hàm Tiến, Mũi Né njauk brei hu meteh tuk vak nan ngak hu. Ini lac po ba brei, rilo urang  jeng sahaneng lac Phan Thiet hu po brei langik tasik, manuac urang, sajarak dakrai…piah ngak brei patagok dulich anak tal.

 Thau lac dulich patagok duah tame rilo jien ndo saong duah hu bruk ngak ka rilo urang di labik nan. Dom thun tapa, gam saong bruk buh jien tame di tỉnh, hu biak rilo danak dak, hạng mục piah duh ka dulich hu peih ngak, hu yau nan, mbaoh meta birau di đô thị ka 2 dak harei dak patagok. Labaih 23 thun dahlau, hadom urang thau tal Phan Thiết meyah oh hu ia harei tamgleih ? Urak in ye bhum palei, thaok binguk, anek manuac Phan Thiet danei angan atah tal grauk labik di dunya ngan saong rilo angan biak anit ranam “ ban ine resot” atau phố Tây Hàm Tiến, Phan Thiết tasik hijao, cuah patih, katam kanjik, ban dulich takre…Nan lac dom bruk ngak hu mai meng jalan patagok dulich di tỉnh dalam nan hu Phan Thiết.

 Piah ban Phan Thiet patagok dulich hu khang kajap, langiu bruk tacei jalan ngak di tỉnh ye Phan Thiet njauk brei khik ramik, patagok angan je labik dulich Mui Ne-Phan Thiết pambuak saong bruk patagok dịch vụ. Ban Phan Thiet njauk brei kuhria ka dulich labik ini ngak hagait piah pachreih tuai damuai mai saong drei rilo. Duk saong rilo labik yau ye Vũng Tàu, Nha Trang ye Phan Thiết patagok dulich hadei, min oh lac oh daok lagaih.  Kayua urang nao hadei paliak njiak hu “ dom kan kandah di urang ngak dahlau” yau ye alam moi truong, quy hoach, dich vu, jeng yau bruk pablei jiat ka tuai. Tui bruk patagok di dulich Binh Thuan oh lac taong abih njauk hu lagaih.  Daok rilo haduh hatai ka bruk patagok dulich bo Phan Thiet daok kham merat brei ngak yau jalan mbak, alam moi truong daok rilo tavak tavaiy, pandap panda duh ka tuai dulich daok takik, kurang manuac…Min tui bruk anak tal hu jeng pasak dulich, jia lac Phan Thiet patagok njauk jalan./.