Caong urang jakar tuk halei jeng hadar tal panuac kakei di Cử tri

       Pathau mikva saong grauk yut !

Urak ini, Mặt trận negar dom puk palei hu ngak blaoh bruk mek panuac di cử tri labik daok di dom urang hu ba tabiak ứng cử  Quốc hội mbang 14. Dalam dom nyaom biai, cử tri hu breik panuac taong yaom dom ứng viên ka phẩm chất, năng lực, đạo đức, ndom puac daok dang di labik dân cư... saong daok hu payua dom caong khin piah tuk trúng cử, dom urang Quốc hội saong hội đồng bhapbini njauk lac urang lambaok di bhapbini. Kadha vak di Lại Hoa – urang vak di rayo sap ndom VN.

        Hu mbaok di dom nyaom biai cử tri labik daok, urang vak di rayo sap ndom VN hu mboh bruk ngak ini rah tabiak dân chủ, dom panuac taong yaom dom urang ứng cử Quốc hội mbang ini ginup tiêu chuẩn, hu phẩm chất chính trị saong  đạo đức siam, kak kajap saong bhapbini di labik daok, ngak siam dom sarak di Đảng, hukum di karja. Min, rilo panuac di cử tri caong khin, urang ứng cử tame QH njauk paglaong talei pambuak bruk saong bhapbini, mai jaik, caik hatai tui pang dom hatai sahneng di bhapbini labik daok piah ba tagok dom caong khin di bhapbini tal QH… Cử tri caong khin urang ứng cử tame QH njauk ba akaok nao dahlau rilo jang dalam bruk ngak tui adat hukum, ngak siam quy ước, hương ước di labik bhapbini daok; lac kreih camin hadah piah bhapbini saong cử tri ngak tui. Abih di nyu nan lac brei thau pacang tham nhũng, tiêu cực khang jang. Ieu tội tham nhũng lac sa “ anek virut”, cử tri Nguyễn Văn Quyết, quận Cầu Giấy, Hà Nội caong khin tuk trúng cử, urang Quốc hội njauk ba akaok nao dahlau dalam bruk mesruh pacang, padam nyu : “Caong khin dom urang tabiak ứng cử QH salih barau, piah bhapbini jia tame. Dom urang jakar mbang tal njauk hacih, oh tham nhũng. Nan lac caong maong di bhapbini, tok caong urang tabiak ứng cử mbang tal lac dom urang abih hatai jai saong bhapbini, oh tham nhũng saong  kham merat pacang tham nhũng”.

         Dalam dom nyaom biai cử tri quận Ba Đình, Hà Nội, cử tri jeng caong lac : QH dak harei dak peih ngak quyền  lambaok di bhapbini. Dahlau thiah, dalam bhabini jeng daok hatai sahneng yau Yuan lac “Nghị gật” saong hợp pháp hóa. Tuk mereip meda lac njauk hatai abih 100%, min dom mbang nyaom jaik ini, bruk ndom biai nao mai di urang Quốc hội  saong dom urang dang akaok dom ngành dak ahrei dak dalam, praong, nao tal bản chất di bruk, abih di nyu nan lac dom bruk thời sự pandiak dalam raidiuk. Cử tri Vũ Mạnh Kha, quận Ba Đình, Hà Nội brei thau : nan lac dom jalan nao biak atah dalam dân chủ nghị trường bo dahlau thiah kol drei kan si mboh. Bruk di anak meta caik ka urang QH njauk hu trình độ saong daok jaik bhapbini. Min, ông Vũ Mạnh Kha mboh lac: “Dahlak mboh bruk  dân chủ dak harei dak hu peih ngak. Labik dang di taneh ia drei dak harei dak glaong. Taphia dom urang lambaok  ngak bruk hu chất, hu năng lực lac hu rilo urang ngak bruk oh ka njauk quyền di drei, oh ka ndom hu dom panuac caong di bhapbini, oh ka hu ilamu tangi sua, pasang iek dom bruk  praong di taneh ia. Caong khin dom urang lambaok hu bhapbini pilih ruah tabiak dalam mbang 14 ini meda hu ilamu glaong jang. Ka dua kayua dân trí glaong,  pilih ruah oh lac sangka tal cơ cấu bo daok sangka tal ilamu di urang quốc hội piah ngak  3 chức năng di Quốc hội”.

        Phó Tổng Thư ký Quốc hội, ông Lê Minh Thông brei thau : tal tukvak ini, dom puk palei dalam taneh ia hu ngak blaoh bruk mek panuac cử tri di labik daok saong caga hiệp thương mbang yaka 3. Bruk mek panuac taong yaom ka dom urang tabiak ứng cử Quốc hội,Hội đồng bhapbini di puk palei lac sa asal kadha praong saong njauk ngak piah cử tri pilih ruah hu dom urang hu ginup phẩm chất saong năng lực tame Quốc hội saong Hội đồng bhapbini dom pakat. Taphia nan, ini jeng lac cơ sở piah nyaom biai hiệp thương mbang yaka 3 hu siam mekre, klaak tabiak  dom angan dom urang oh ginup phẩm chất, năng lực. Ông Lê Minh Thông ndom lac :“Bruk hiệp thương mbang yaka 3 brei mboh kết quả nyaom biai cử tri labik daok di dom urang tabiak ứng cử. Piah mat tran negar saong dom gah hữu quan peih bruk hiệp thương, pilih tabiak urang ginup tiêu chuẩn tui quy định di hukum saong ba tapa Hội đồng pilih ruah negar jeng ye Ủy ban pilih ruah pakat  tỉnh, pakat huyện yaok pakat piah padang angan. Jia lac tapa bruk mek panuac cử tri, hu domk urang tabiak ứng cử oh pabak hu kayua bruk tín nhiệm di cử tri labik daok lac biak praong ”.

       Hu maong lac thử thách akaok mereip di dom urang tabiak ứng cử Qh, nyaom biai cử tri labik daok lac dữ liệu praong piah ba tabiak angan urang ứng cử tame vòng hiệp thương mbang yaka 3. Tapa  nan, cử tri caik hatai jia, hatai caong maong piah yaok urang  tuk trúng cử bloh, tuk halei jeng hadar tal dom panuac payua di cử tri, daok dang jiak bhapbini, ba abih hatai jai, pren yava di drei ka bhapbini, lambaok ka bhapbini quyết định dom bruk praong di taneh ia.