Văn Thụ lac palei bhum 3 di xã Nam Tuấn, hu taong abih menuac lac urang bangsa Mông, hu 41 sang, 244 menuac, jaik abih lac sang kan kathaot. Di dhar sang bac Văn Thụ urak ini hu 2 tal ghép (1 + 3, 2 + 4 + 5) saong 13 học sinh. Dom adei sit, oh ka ndom cambaih sap Yuan, min meng hatai anit bruk, ranam anek saih, gru Công duah jalan pato mbuan thau di abih piah pato dom adei. Rilo adei sang daok atah di sang bac  2 - 3 mbaik jalan njauk nao takai jaik sa tuk piah tal sang bac. Dom harei bac 2 buổi, anek saih njauk ba tui mèn mén, njam hijao piah mbang di tal bac. Dom adei jeng lac anek di sang kan kathaot, hu raidiuk kan kandah, rilo adei khin padeih bac nan ye gru Công bhian nao tal sang anek saih piah jak ba amaik ame brei ka anek nao bac. 

“Hu ngak gru pato labaih 20 thun lac bruk hadah mbaok meta ka dahlak. Dahlak mboh drei brei hu trách nhiệm jang dalam bruk tacei pato ka dom adei piah harei hadei dom adei hu ilamu, jeng menuac hu kein laba ka  xã hội”, gru Hoàng Văn Công brei thau yau nan.

Oh lac ngak siam bruk pato bac, gru Công daok lac kreih camin hadah dalam bruk ngak mbang patagok kinh tế sang. Lingiu tuk pato bac, gru daok raong limo, pabui, pala labaih 4.000 m2 tangei piah patruh eik patrun kathaot. Meng dom kham merat abih drei, meng hatai anit ka bruk pato bac, yam tapa rilo kan kandah piah tui bruk pato bac, ba akhar haroh tal yaok anek saih, gru Công lac kreih camin hadah ka dom cei gru, anai gru daok ranaih maong tame, ngak tui./.