Labaih 20 thun tapa, ngan saong xã Tri Lễ, huyện tapen negar Quế Phong, Nghệ An lac sa tuk vak biak atah bayah kayua kan kathaot saong lạc hậu. Karja song bhap bini labik ni jeng duah dom jalan ngak, min kathaot jeng dok kathaot. Min meng di tuk phun chanh leo hu palih ruah piah salih ka dom bhum taneh klak saoh, ye bruk salih bahrau hu mai tal angaok bhum taneh ni. Jeng meng nan, ong Lương Văn Thiết daok di palei  Yên Sơn, xã Tri Lễ meng thau ngak po mesraiy yaok rituh triệu đồng piah peih bruk pala 4 ha phun chanh leo, ba bruk ngak ka mik va dalam palei. Ong Lương Văn Thiết – palei Yên Sơn, xã Tri Lễ, Quế Phong, Nghệ An brei thau:

Phun chanh leo nyu biak lagaih saong bhum taneh ni, lingik yau habar nyu jeng tamuh siam nan ye hulin buh jien tame ini piah patagok KT, dong ka bhap bini hu bruk ngak mbang

Bruk ba phun chanh leo mai bhum taneh ni oh lac dua, klau harei bo ngak hu. Tuk camereip, huyện Quế Phong ngak iek di 20 boh sang daok dalam dom palei Yên Sơn, palei Đ1song palei Xan. Huyện tacei pato khang, jak ba dom DN song dom urang jakar kỹ thuật dong mik va pala song iek glang phun chanh leo. Kayua yau nan ye, meng vụ camereip hu brei năng suất meng 17 tal 18 tấn/ sa ha, rilo sang mek jien tame hu yaok pluh triệu đồng.

Bloh meng nan bhap bini jia tame, sang halei jeng ngak tui, urak ni dalam xã Tri Lễ Lễ pala hu labaih 500 héc ta phun chanh leo, saong hu 70 ha daok paik baoh tani tanat. Ong Lữ Đình Thi, Bí thư huyện ủy Quế Phong brei thau:

Langiu dom bruk dong di TƯ tapa Sarak 30A di rajaei ye tỉnh ủy, Hội đồng bhap bini, UB bhap bini tỉnh hu patabiak dom jalan ngak daong ka phun chanh leo, yau ngan song boh sang kan kathaot hu daong tong abih pajiak song 70% vật liệu piah pala phun chanh leo, langiu di nan, dom boh sang jiak kan kathaot hu dong meteh.

Tỉnh Nghệ AN hu sarak mek phun chanh leo ngak phun patruh eik patrun kathaot ka dom huyện bhum glong , nan ye hu patom tame dong biak khang meng bruk tacei pato jalan ngak, yau padang ngak sang mac sơ chế, khik ramik song blei veik abih baoh chanh leo, pambuak bruk  song Viện Khoa học kỹ thuật  Ngak nong Bắc Trung bộ song  Công ty Cổ phần đầu tư patagok ngak nong hu mbaok tame padang Pasak pabam saong pabak pajaih di labik ka bhap bini. Meng nan, yaok rituh bhap bini dalam tỉnh hu bruk ngak, duah hu jien tani tanat.

Tui dom chuyên gia ngak nong, yaok ha chanh leo pala di Quế Phong hu năng suất  meng  65 tal 70 tấn. Meyah iek glang siam, kein liba meda tagok glong jang. Yaom boh chanh leo urak ni pablei hu meng 10 ribau đồng sa kg, ye yaok ha meda duah hu meng  320 triệu đồng, kaoh bloh phun jien buh tame ngak, urang pala chanh leo hu laba meng 200 tal  250 triệu đồng yaok thun.

Bhum taneh hu labaih 20 thun klak phun jru phiel, urak ni duah hu jalan nao njauk, dong ka bhap bini tabiak truh kathaot, song rilo boh sang yam tagok kaya meda. Tri Lễ lac xã tapen negar, tuk Tri Lễ kaya meda jeng hu makna lac bhum tapen negar hu khik kajap song siam merkre, selamat./.