Dom chuyên gia ndom lac, ruak thận mãn lac tổn thương thận dui atah labaih  3 bilan ngan haong dom biểu hiện bất thường dalam dut iek darah, aia me-ik atau tapa chẩn đoán thaik binguk. Dua makna ba tal bruk urang njauk ruak  thận mãn dak harei dak rilo nan lac kayua mednuac sia taha saong ruak me-ik saradang janih 2.

Bruk iek ruak thận mãn nan lac oh caik ka ruak tamuh tal vaktu puac. Bruk mbang menyum njauk ka urang ruak nan lac sa dalam dom kadha njauk hu sangka tal. Dalam nan hu bruk: daong ka urang ruak oh njauk lavang lavaih, khik kajap chức năng thận daok veik, pasang iek bruk ngak jeng chất thải meng pandap mbang; daong urang ruak patrun bruk taglaoh ta-aok, katal, lah mbang jeng yau khik teik trak saong khối lượng cơ; pabak ginup năng lượng ka bruk ngak yaok harei saong pasang iek jalan darah. Bruk mbang menyum brei ngak samar hadei di tuk urang ruak hu chẩn đoán ruak thận mãn.

Bruk mbang dalam iek ruak thận mãn njauk pabak hu 4 kadha yau ini:

- Takik đạm, pandar protein quý hu giá trị sinh học glaong, ginup acid amin, njaom tame glaong.

-Hu rilo năng lượng, ginup piah pabak dinh dưỡng dalam rup.

- Ginup vitamin, yếu tố vi lượng, pacang kurang darah. Khik ka nyu cân bằng aia – sara, takik toan, ginup canxi, takik phosphat.

Yau nan min, pandap mbang brei ka yaok urang ruak lac karei di gauk, tui umo thun, ruak dahlau nan, vaktu ruak, chức năng thận, bruk ma-in pathram thể lực saong dom kadha karei. Dinh dưỡng dalam điều trị nyu daong ngak brei suai vaktu xơ hóa cầu thận saong daok dui atah tukvak njauk halang darah./.