Tạp chí Y học Anh British Medical Journal ba panuac dom chuyên gia brei thau, bruk pandar pandap hacih lac piah daong pasiam thể chất, meng nan bruk mbang kiêng hu mbuan laghaih jang. Yau nan min, clean eating jeng daok hu dom kadha oh ka lagaih daok ngak ka ralo urang sahneng oh njauk. 

Tui nan, bruk sahneng oh njauk akaok meti nan lac mbang kiêng meng pandap mbang hacih tuk halei jeng siam ka manuac sia. Biak di nyu nan lac, meyah tok pandar pandap hacih saoh, ini oh ka lac jalan ngak siam abih ka pren yava di drei. Hu dom menuac biak duh hatai haong bruk njauk mbang hacih tal ngak pap rup drei eng kayua mbang njauk pandap halei nan bo tui dom urang nan lac oh hacih. Dom chuyên gia y tế iew nan lac bruk rối loạn mbang menyum oh siam. Ngan haong dom urang yau nan, bruk nao taom gaok bác sĩ nan lac bruk njauk ngak. Jaik abih jalan điều trị jeng pataom tame bruk nhận thức hành vi, daong ka urang njauk bruk rối loạn ini thau hu dom  jalan saneng daok ám ảnh dalam akaok drei.

Bruk sahneng oh njauk ka dua nan lac dom kaya mbang daok langiu pandap mbang haih jeng lac pandap mbang nerak. Biak di nyu lac, bruk pandap mbang hu  chất phụ gia oh njauk lac pandap mbang nan jhak ka pren yava. Dom urang tui bruk mbang hacih klaak tapa pandap mbang hu pagam chất phụ gia, kayua saneng lac pandap mbang nan oh daok tamo, oh daok that. Biak di nyu chất phụ gia jeng hu kein laba karei di nyu. Pagap yau,  urang buh pabak vitamin D tame sữa piah daong ngak ka talang nyu khang jang. 

Bruk sahneng oh njauk ka klau lac – mbang kiêng meng pandap mbang hacih lac mbang menyum siam ka pren yava. Biak di nyu pandap mbang hacih hu kein ka pren yava, min pandap mbang hu kein ka pren yava oh ka njauk lac pandap mbang hacih (“hacih” pak ini tui jalan khaol drei hu biai blaoh di angaok). Clean eating urak ini yau sa jalan ngak brei mboh bruk jak gheih dalam palih ruah pandap mbang. Yau nan min, sa chế độ mbang kiêng meng pandap mbang hacih oh njauk lac bruk mbang menyum siam ka pren yava. Ralo panuac kakei ka bruk mbang kiêng siam oh hạn chế pandap mbang hu ngak tabiak blaoh atau đóng gói./.