Urak ini, ruak me-ik saradang oh njauk lac oh pasiam hu. Lingiu di bruk ndi truyền (hu ame atau amaik njauk ruak), ye dom urang limek, mbang rilo limek, daok la ngak bruk biak rilo, menyum rilo mbia alak, urang taha praong thun, urang hu ruak rối loạn ndung nạp glucose…lac dom menuac mbuan njauk ruak me-ik saradang rilo di abih. Kadha “Urang iek ruak” harei ini, da-a mikva saong taong abih gauk duah thau ka bruk mbang huak brei ka urang ruak me-ik saradang. 

Tui Gah Y tế dunya: tui iek piah pacang ruak me-ik saradang tuýp 2 brei hu bruk pambuak gauk di dom kadha dalam jalan diuk rai yau ye: pasram thể dục gam gam, trun kí lô saong menyum jru njauk, lagaih. Kadha praong di abih dalam bruk tui iek piah pacang ruak me-ik saradang lac bruk mbang menyum. Urang ruak brei mbang njauk janih pandap mbang piah khik yaom saradang dalam darah saong khik rup pabhap teik trak di tanut khang kadang.

Ruak limek labaih kí lô lac makna praong ba tal ruak me-ik saradang tuýp 2. Bruk mbang menyum jeng pambak tal yaom saradang dalam darah. Ala ini, lac bruk mbang menyum dalam harei bo urang ruak me-ik saradang brei ngak njauk tui:

Mbang 5 var sa harei, urang ruak me-ik saradang njauk kanal hadar.

Urang ruak njauk parabha var mbang jeng 5  mbang dalam harei, nan lac mbang mesup, mbang hanjul, mbang jalan pandiak, mbang hanjul saong mbang melam. Bruk parabha sit var mbang yau nan nyu daong pasang iek hu yaom saradang dalam drah saong trun hu kí lô.

Mbang mesup ka nyu ginup

Var mbang mesup biak siam ka urang ruak me-ik saradang. Mbang mesup ginup lac jalan siam di abih piah peih tabiak sa harei bahrau. Var mbang brei hu ginup saong njauk chất béo, ngũ cốc saong chất xơ.

Var jala rilo njam hijao

Njauk eng drei caga ka var mbang jala, plaih mbang pandap mbang gah lingiu. Njauk mbang baoh tuk tasak, rilo njam saong protein nạc, plaih bei prang chiên.

Var mbang melam rilo protein nạc

Pambuak protein nạc, njam saong hasit tinh bột lac var mbang siam saong bingi cambuai ka urang ruak me-ik saradang.

Var mbang hasit, lac baoh kayau

Var mbang hasit siam di abih ka urang ruak me-ik saradang brei hu njam patam, baoh kraoh.

Tanut pabak calo yaok harei

Yaom calo pabak tame rup pabhap lac meng 1.500-2.000 calo yaok harei./.