Pathau mikva saong taong abih gauk! Meng hatai caong thau ka rai diuk di urang Ê Đê, thau ka pandap mbang saong ilamu Ê Đê, klup kapul Khát Vọng Xanh Krông Ana di Đắc Lắc hu pambuak saong puk palei, peih dom mbang DL mini tal baoh sang urang Ê Đê di dom puk palei. Di labik ini, ralo tuai damuai hu  duah thau ka ilamu saong hu ngak dom pandap mbangdi bhap bini dalam palei. H Xíu, urang vak di rayo sap ndom VN daok di Tây Nguyên hu kadha vak brei thau ka bruk ini:

9 tuk mesup, baoh sang tah di amí Nen, bangsa  Ê Đê daok di palei Ê Chăm, ban sit Buôn Trấp, huyện Krông Ana, tỉnh Đắc Lắc chreih chrai tagok, tuk taduan kapul tuai DL jaik 30 urang, ralo meng lac dom ayut ranaih. Meng tacei pato di amí Nen - urang kamei po sang, tuai chreih chrai duah thau dom ilamu meng kan di urang Ê-đê, yau bruk padang ngak sang, rami ramik dalam sang meng labik taduan tuai gah anak tal sang ging gah likuk. Likei ye ba gauk kak alak cần, megru taong chiêng, kamei ye ngak randap saong bruk caga dom pandap mbang. Bui oh alah hagait dom tuai ranaih, Amí Nen gam ngak pandap mbang gam khan brei tuai thau dom janih pandap mbang yaok harei di sang yau: ia bai njam riboa glai, vách limo, ikan kadoc kahon, menuk am, tron phik, gỏi patei meda... Amí Nen lac: njam riboa ye brei nao paik dahlau kayua dalam palei ini oh hu, brei tame glai paik meng hu janih njam raboa ini, hala bei ye paik di puh atau dalam bein jeng hu hasit, daok vách nao blei jeng hu, ikan kadoc blei mai pametai ralo bloh kahon tagok”.

Hu eng drei ngak dom pandap mbang tui tacei pato di pô sang, saai Nguyễn Thị Thu Hiền, sinh viên sang bac Đại học Tây Nguyên biak chreih chrai. Tapa nan, saai Hiến mboh lac, dom pandap mbang di urang ê đê hu ngak meng rilo janih karei di gauk, riak lavik nan ye tuk mbang nyu limin, pahe, bingi. Saong bruk mbuan mboh dalam pandap mbang di urang ê đê nan lac phik, hăng. Saai Nguyễn Thị Thu Hiền, sa urang tuai khan lac:

 “Dom pandap mbang oh kan ngak min cầu kỳ kayua dom pandap mbang di bhap bini Ê đaê lac bruk srau gauk di dom janih njam glai, phun glai piah ngak jeng sa pandap mbang brei mboh bruk phóng khoáng di bhap bini, brei mboh bruk jum pataom tuk dom janih njam hu lai tame gauk. Mbang bloh caik veik dalam adei lac hăng saong phik di trong”.

Pandap mbang barau tasak hu ba tabiak caik di kreih sang piah payak tuai. Dalam bilik tuai di baoh sang tah, tuai hong po sang gam ndom biai ka ilamu adat cambat tanarakun di bhap bini drei gam huak lisei thân mật. Gam saong nan, tuai daok hu cuk iek dom blah khan ao meng kan kayua dom urang kamei dalam sang menyim. Cuk tagok rup blah khan ao hu ngak meng khan bai, ao tah tangin saong mbơ khan, saai Hoàng Thị Hạnh, gru pato sang bac mầm non Hoa Sen, ban sit Buôn Trấp, huyện Krông Ana khan lac, camereip di abih mboh lac tanyaik hu menyim meng tangin nan ye nyu kapan, dom bingu la angaok khan hu ngak biak mekre

Saai Đào Đức Hiệp, chủ nhiệm klup kapul Khát Vọng Xanh Krông Ana, urang dang tabiak peih bruk nao brei thau, dom mbang DL mini yau ini hu klup kapul sahneng tal meng thun 2015. Mai meng bruk lac di dom palei di urang Ê đê urak ini tuk bo ilamu cộng đồng daok mbuan lahik nao, caong khin tapa pambuak bruk ini hu daong pamedeih veik adat cambat di palei, gam daong dom ayut ranaih hu thau dom yaom glaong ilamu meng kan dalam raidiuk bahrau, meng nan hu thau jang ka ilamu di bhum taneh drei daok diuk. 

Meng akaok thun tal ini, klup kapul Khát Vọng Xanh Krông Ana hu 6 mbang DL mini mai dom palei ê đê di ban sit Buôn Trấp, xã Dur Kmăn saong xã EA Bông di huyện Krông Ana. Oh lac pachreih hu dom ayut ranaih dalam klup kapul, danak dak “duah thau ilamu pandap mbang di urang ê đê” hu tuai damuai thau tal, dom cơ sở đoàn di dom huyện, ban sit karei dalam tỉnh Đắc lắc jeng hu mbaok tame, bac megru ilamu piah peih ngak di puk aplei. Oh lac jaan peih tabiak ka tuai damuai thau hu ilamu, pandap mbang di urang ê đê, ini daok lac tuk ngak brei diuk veik dom ilamu siam dalam rai diuk di bhap bini puk palei, yau amí Nen ndom lac, lavik ye baoh sang tah di amuk meng hu ralo tuai damuai bui sambai saong hu sap chiêng yava tagok yau nan./.