Mbuan taom gaok, sami smar, ba akaok, nao dahlau, “abih hatai ka bhap bani” nan lac dom panuac taong yaom di bhap bani xã Mản Thẩn, huyện Si Ma Cai, tỉnh Lào Cai tuk ndom tal akaok UB bhap bani xã Mản Thẩn Giàng Seo Châu.

      Hadei di tuk bac tamat pakat 3, anek saih bangsa Mông taduan mek hu dua harak brei thau lac hu tame Đại học Nông nghiệp 1 (urak ini lac Học viện ngak nong Việt Nam) saong Đại học Sư phạm Hà Nội 2. Yau nan min, hadei di tuk duah thau ý kiến di adei sa-ai dalam sang, sa-ai quyết định bac di sang bac Đại học Nông nghiệp 1. Baoh sang kan kandah, thun camerei bac đại học, sa-ai caik rilo tukvak nao ngak apah dom trại phun pajaih saong quán lisei sinh viên piah duah jien cai pandar saong bac megru. Yaom lac gaok ralo kan kandah min Giàng Seo Châu tuk halei jeng kham merat bac megru siam ngan haong hatai caong khin patak pataom ilamu mai veik ngak bruk ka palei drei.

      Thun 2012, hadei di tuk bac tamat đại học, tuk nan danak dak ngak iek palih ruah 600 trí thức ranaih naih jioy, bac tamat đại học mai ngak Phó Chủ tịch UB bhap bani xã di 64 huyện kathaot abih dalam negar hu peih tabiak, Châu likau tame danak dak saong hu chấp nhận.

     Hadei di tuk hu brei bruk ngak Phaok akaok UB bhap bani xã Mản Thẩn, Giàng Seo Châu patui veik bac cao học piah paglaong  ilamu saong jeng Thạc sỹ akaok meti di huyện Si Ma Cai. Dom ilamo patak pataom hu pak Học viện Nông nghiệp Việt Nam hu sa-ai ba pandar pak di bhum taneh bo drei menek tabiak.

    Thun 2014, sa-ai Châu ba phun tam thất mai pala iek pak xã Mản Thẩn. Bruk pala phun tam thất pak xã Mản Thẩn hu ba mai yaok tỷ đồng ka bhap bani puk palei meng bingu saong củ di janih phun quý ini.

Taphia di nan, sa-ai Châu jeng lac urang ba tabiak bruk pala bắp cải, raong pabui juk di Si Ma Cai. Tal urak ini, dom bruk ngak ini jeng hu cakrok patagok siam saong hu peih prong tabiak ralo palei.

     Dự án 600 trí thức ranaih salah blaoh, sa-ai Châu hu khik ngak Phaok Bí thư Đảng ủy, akaok  Ủy ban bhap bani xã Mản Thẩn.

    Meng hatai khin saneng khin ngak gam haong bruk pachreih tui di bhap bani, dom thun tapa xã Mản Thẩn mek hu ralo siam mekre dalam bruk ngak mbang kinh tế. Thun 2016, xã Mản Thẩn ngak hu rilo jang bruk ba tabiak ka mblang taneh ngak padai, tangeiy… Taong abih sản lượng lương thực hu asar mek hu 1.181,85 tấn, tagok 91,4 tấn dut haong thun 2015. Sản lượng lương thực kuhria tui akaok manuac sa thun nan lac 614kg, tagok 47 kg dut haong thun 2015.

     Xã Mản Thẩn peih bruk pala njam tăng vụ hu 20 ha njam dom janih, padang ngak hu dua mô hình pala phun  Tam thất ngan haong mblang taneh 4,2 ha. Meng nan paglaong yaom sản xuất  1 ha pala drak tagok  34,5 triệu đồng, jien mek tame kuhria tui akaok manuac labaih  22 triệu đồng...

    Taphia di nan, tapa 4 thun xã Mản Thẩn ieu pataom hu jaik 22, 344 triệu đồng brei ka bruk padang ngak palei pala bahrau. Dahlau di thun 2012 xã Mản Thẩn tok hu 2/7 palei hu jalan patau randaih, dom palei karei oh hu jalan, radaih patuh tame oh tame palei hu. Urak ini puk palei hu ngak bahrau saong pasiam 7km jalan liên xã, tuh bê tông hu jaik 25 km jalan liên thôn, 3km jalan nội đồng... daong ka taong abih dom palei hu jalan  bê tông mbuan laghaih ka bruk nao mai tal yaok baoh sang.

    Thun 2016, xã Mản Thẩn mek hu 19/19 tiêu chí padang ngak palei pala bahrau, hu jeng xã tiêu biểu di huyện ka bruk padang ngak palei pala bahrau saong patrun kathaot khang kajap.

    Piah daong ba mikva cakrok patagok bruk ngak mbang pala drak, jhul pakhang kinh tế - xã hội puk palei, sa-ai hu nao tapak tal yaok bah sang tacei pato ilamo kỹ thuật ka mikva. Langiu di nan, sa-ai Châu daok nao tal yaok baoh sang piah jak ba anek kamuan nao bac piah bac akhar huroh hadei ini daong ka puk palei.

      Meng dom rik daong tapak ka puk palei, sa-ai  Giàng Seo Châu lac sa dalam 10 urang hu Kapul dam dara cộng sản Hồ Chí Minh pakat negar pok angan dalam Giải thưởng mbaok meta urang ranaih Việt Nam hadah krah thun 2016./.