Ban raya HCM ngak iek cơ chế đặc thù dui katut veik tukvak bayar jien

Ong Nguyễn Toàn Thắng, Yam ndok Sở Tài nguyên saong Môi trường TPHCM brei thau: Ban raya jeng thau bruk bayar jien taneh lac bruk camereip piah padang ngak dom danak dak. Meyah jhul samar bruk nan, ye bruk buh jien tame padang ngak meda hu samar, danakdak hu ba tame pandar aval. Tui adat hukum, asar kadha ka yaom taneh hu makna biak praong kayua yaom taneh hu ba tame kuhria jien bayar. Dalam cơ chế đặc thù, Ban raya HCM likau Rajaei brei padang hệ số ramik veik yaom taneh yaok akaok thun saong ba tabiak khan brei thau cambaic laic: “ Bhap bini samar hu thau dom hệ số nan. Tal tuk kuhria jien bayar meda lac tok ramik veik saong ba hệ số nan tame bruk bayar jien min. Yau nan lac biak samar duk saong dahlau diah, abih takik tukvak ngak bruk saong lagaih ka bhap bini hu thau.”

Ngan saong doanh nghiep, ong Nguyễn Văn Bé, Akok Hiệp hội dom doanh nghiệp khu công nghiệp TPHCM tacei tabiak bruk di anak meta lac, bruk taneh riya saong yaom taneh di dom khu chế xuất, khu công nghiệp daok hu dom tavak tavaiy dui atah rilo thun yau yaom taneh, kak jien pandar taneh. Dahlau daih, Ban raya HCM tabiak yaom taneh tui 4 jalan yau kuhria yaom tui labik sang daok tapen gauk, kuhria yaom tui jalan praong di mblang taneh nan, kuhria yaom hadei di tuk kaoh abih jien laba di po đầu tư atau kuhria tui hệ số K.

Min dom jalan ngak nan jeng ba yaom taneh tagok biak glaong, ngak ka doanh nghiep gaok rilo kan kandah. Tui ong Bé, bruk Rajaei brei adat ka UB bhap bini Ban raya HCM hu quyền ba tabiak yaom taneh piah kuhria bayar jien taneh ka urang, lac sa dalam dom jalan lang talaih dom tavak tavaiy daong ka ban raya ba tabaik yaom taneh lagaih saong labik ini, peih tabiak jalan piah hu quỹ taneh ralo, palagaih ka doanh nghiệp đầu tư:  “Bruk bayar jien taneh giải tỏa nan biak kan kandah, yaom taneh yau halei piah lagaih saong yaom darak pasar, njauk hatai bhap bini. Min brei tui iek, duah thau dalam tuk peih ngak dom quy định di karja”

Luật sư Trương Thị Hòa, Phó Akok Hiệp hội sang danaok taneh riya TPHCM pachreih tui saong taong yaom glong bruk Rajaei brei ka UB bhap bini Ban raya HCM hu ngak dalam bruk dui katut panak tukvak mek veik taneh padang ngak danak dak. Dom bruk pambuak tal taneh riya di TPHCM tuk halei jeng pandiak, dalam nan bruk tavak tavaiy praong di abih lac bruk bayar jien taneh. Bruk brei adat ka UB bhap bini TPHCM ba tabiak yaom taneh ba mai rilo mbuan lagaih daong ka bruk cak rok patagok di ban raya. Ngan saong doanh nghiệp, tukvak peih ngak danak dak hu dui katut veik, daong patrun naong trak jien buh tabiak, jien laba, hu lagiah dalam bruk buh jien tame ngak. Ngan saong bhap bini, bruk nan hu daong khik kajap quyền lợi, taduan hu yaom jien bayar taneh njauk hatai:“ Bruk nan meda rik daong tame langyah dom suh sah di bhap bini, ngak brei mikva mboh quyền lợi di drei hu njauk jang tuk hu taneh njauk mek veik  piah padang ngak danak dak.”

Tui Sarak ka 27, Rajaei jao ka UB bhap bini TPHCM ba tabiak hệ số ramik veik yaom taneh di akaok yaok thun piah ba tabiak jalan bayar jien taneh, daong tái định cư, duah thau hatai sahaneng di bhap bini hu taneh njauk mek veik. UB bhap bini TPHCM ba tabiak yaom taneh tui yaok janih taneh mek veik tuk tukvak Karja brei mek veik taneh, tui quy định di Khoản 2, Paka 47, Hukum Taneh riya thun 2013. Saong ban raya brei hu trach nhiem patabiak quy chế pambuak bruk peih ngak Sarak piah hu tantu, cambaic laic./.

Urang lang: A.Nghiêm -14/3