Pathau mikva saong taong abih gauk!

Chôm chôm lac janih baoh kayau lagaih haong taneh riya di taneh ia drei. Lingiu di yamen li-an, rilo ia, baoh chôm chôm daok siam ka pren yava bo takik menuac thau tal. Kadha “ Urang iek ruak”  harei ini, kol dahlak hu kadha vak angaok báo “ Pren yava saong Rai diuk” ndom ka siam lagaih di baoh chôm chôm, da-a mikva saong taong abih gauk tui pang.   

Pacang cakak ung thư

Dalam baoh chôm chôm hu rilo vitamin C nan ye nyu daong ka rup pabhap mbuan njom tame dom khoáng chất jang. Lingiu di nan, dalam baoh chôm chôm daok hu hoạt chất dreih yau chất pacang oxy hóa khang, pacang caga hu ruak ung thư.

Pasiam ruak tagok darah saong me-ik saradang

Chôm chôm hu rilo protein, chất limek siam, vitamin C, canxi, kali, tanin, pectin. Nan ye baoh chôm chôm hu menuac sia dom negar Đông Nam Á bhian pandar ngak jru meng phun, asar saong baoh chôm chôm piah pasiam dom ruak yau tagok darah, me-ik saradang... luac yaok rituh thun ini mai.

Ngak brei tagei, talang khang kajap

Dalam baoh chôm chôm hu biak rilo canxi pambuak haong phốt pho daong ngak brei khang tagei saong talang.

Pabak năng lượng

Kayua hu rilo ia, carbohydrate saong protein , nan ye chôm chôm meda pabak năng lượng ka rup pabhap ngak bruk. Lingiu di nan, chôm chôm jeng ngak ka drei trun takik glaih glar saong pacang sadah ngin tuk mbang trei.

Trun kílô saong ngak brei mekre

Meng hu chất xơ glaong saong takik calo, chôm chôm biak lagaih lac pandap mbang ka urang huac limek, caong trun kílô. Dom janih nan dalam baoh chôm chôm daok ngak brei siam klik saong mbuk.

Jalan pilih ruah baoh chôm chôm bingi

- Iek kanduh: oh blei baoh layau, thu, hu côn trùng kaik. Baoh bingi hu kanduh khang, kateik tame oh limin ia. Dom baoh hu kanduh limin, kateik tame nyu sraiy ia atau pacah jeng dua... lac dom baoh khut, atau bruk.

Khik piah chôm chôm   

 - Kaoh baoh jeng dua caik tame tu li-an, mbang hu dalam 2 harei.

- Meyah blei baoh chôm chôm daok gam dhar, tuk blei mai njauk mek baoh tabiak truh dhar. Hadei di nan rao hacih, caik ka nyu thu ia, bloh caik tame tu li-an piah mbang dalam dom harei./.