Sang padang tagok oh hu thei tame daok

  Labik tái định cư Bình Khánh di Quận 2, TP.HCM daok di kreh pasak kaoh pulao Thủ Thiêm. Nyu praong 38,4 hecta saong hu yaok pluh sang praong rilo tal glaong; lac labik tái định cư praong abih  di ban raya angan Wa hu tal 12.500 baoh sang daok saong hu padang ngak salah blaoh meng thun 2015. Yau nan min, meng nan tal urak ini,  rilo baoh sang nan praong nan jeng daok kareik pabah mbang saong daok khut tayak trak.

Lac sa dalam biak takik baoh sang mai daok hadei di tuk Ban raya HCM mek veik taneh piah padang khu đô thị birau Thủ Thiêm, ong Đặng Hữu Cường daok di labik tái định cư  Bình Khánh brei thau, yaom lac daok di jalan raya Mai Chí Thọ labik taneh hu yaom glaong, min kayua yaom pablei sang tái định cư di labik ini biak glaong, rilo urang oh ginup jien blei, nan ye  urang njauk pablei veik suat sang di drei ka urang karei. Ong Cường khan lac, dalam labaih 2.200 baoh sang, oh ka tal meteh baoh sang hu urang tame daok, daok veik lac klak saoh. Khu tái định cư Bình Khánh tuk padang tagok hu Ban raya HCM ba tabiak bruk brei ngak jeng dự án kiểu mẫu, pabak abih dom tanut chuẩn ka labik daok praong, birau ka bhap bini, piah meng nan pambak praong ka dom danak dak tái định cư ptaui di nan. Min, 5 thun tapa, rilo block  chung cư glaong rilo tal labik ini oh hu sa urang halei. Muk Nguyễn Mai Linh, sa dalam takik urang mai ini daok hu 2 thun brei thau, ieu lac tái định cư kla bhap bini, min yaom csang daok oh lap, yau nan ye mikva tame daok kan duah hu bruk ngak mbang yau nan ye rilo baoh sang tame daok blaoh klak nao labik karei:

“Dut saong ala diah dahlak mboh labik ini daok bingi jang lac drei nao mai hu salamat. Min urang daok labik tái định cư ini oh thau ngak hagiat piah duah jien. Urang oh daok hu yau dahlau diah, kayua urang bhian randap ngak bruk ini bruk diah duah jien.”

Oh ta-eng hagait khu tái định cư Bình Khánh di Quận 2, bo di huyện Bình Chánh jeng daok hu khu tái định cư Vĩnh Lộc B daok pambu pandiak. Phun jien buh tame tal 1.000 tỉ đồng labaih 10 thun dahlau, thun 2011 khu sang nan meng hu ba tame daok. Ngan saong 529 nền taneh saong 45 block chung cư, hu 1.939 baoh sang, khu tái định cư  Vĩnh Lộc B hu padang ngak sumu meng rilo danak dak duk ka urang yau sieu thi, labik pasram the thao, sang bac…Min jaik abih dom baoh sang hu mai ini tái định cư di jalan Bùi Viện, kênh Tham Lương saong dom danak dak pasiam veik đô thị…thei jeng oh khin mai kayua atah pasak ban raya. Muk Dương Thu Trang, daok labik ini labaih 1 thun sahaneng lac, jalan mbak oh siam; sang daok saong dom cong trinh ba tame pandar dak harei dak khut trak. Kayua yau nan, yaom lac ngak hu jaik pluh thun, min abih labik ini tok dua klau rituh urang tame daok, sang daok veik klak saoh:

“Yau block gah angaok, sang ngak ginik sit, dalam tuk urang daok di Quận 1 saong dom quận karei tra; urang daok ngak mbang  yau nan ye oh mai daok, kayua bruk ngak mbang di urang daok pak labik nan. Nan ye urak ini block sang nan hu caik nan piah pablei ka po đầu tư.”

Ong Lê Hoàng Châu, Akok kapol taneh riyaTP Hồ Chí Minh lac, di ban raya urak ini hu yaok pluh rabau bhap bini kurang sang daok; dalam nan hu yaok rituh, yaok ribau sang bhap bini njuak panduan nao tui diện tái định cư min oh ka hu parabha brei. Kayua yau nan ye, yaok rituh baoh sang padang tagok blaoh bo oh hu thei tame daok biak palai pajoa. Ngan saong labik tái định cư Bình Khánh ở Quận 2, urak ini bhap bini oh mai daok ye brei hu jalan langyah Anak meta brei ngak harak gar salih tapa sang daok piah pablei:

“Mentri jien padai lac, tuk salih bruk pandar di danka dak meng sang tái định cư kayua Novaland ngak po đầu tư  tapa danakdak sang daok pablei ye Mentri Jien padai mboh lac njauk mek veik taneh saong pablei to yaom. Min caong khin Ban raya HCM  ngak njauk tui hukum.”    

Tui pathau khan di UB bhap bini Ban raya HCM, urak ini adalam ban raya HCM hu tal 7.000 sang daok tái định cư hu padang tagok min oh ka pandar, dalam tuk nan bruk caong khin hu tame daok tái định cư biak ralo. Dalam tuk karja Ban raya HCM daok having havang duah jalan langyah ye khat lahik palai pajua biak ralo pambak tal tái định cư./.

Urang lang: Aí Nghiêm - 11/3