Jalan metro ka 1 (Bến Thành - Suối Tiên) jaik salah blaoh

Cục Kapal haok Viet Nam brei thau bruk peih kapal haok pajeng tuai negar langiu mai Viet Nam daok brei padeih piah cang hu tacei ba ngak njauk tui bruk ba tabiak brei tuia damuai daok karei di Mentri Y tế. Mentri Jalan mbak pajeng ba, Mentri Ngoại giao saong Mentri Y tế birau ginum biai piah yaok pataom abih dom tavak tavaiy tamuh tabiak hadei di 2 mbang par di kapal haok peih iek meng Seoul ( Hàn Quốc) mai Ha Nội saong Ban raya HCM. Kapul ngak bruk di Mentri Y tế daok padang ngak quy trình brei daok karei pandar dalam negar. Tui kuhria dahlau, 3 harei tra quy trình hu ngak salah blaoh saong pok tagok Mban tacei jalan pakat negar mbaok tangin.

Hajan prong 2 harei tapa ngak ka rilo labik di dom  tỉnh gah kreik negar dauk dalam, pacang cakak bruk nao mai, dom jalan di bhum ceik njauk glut jaleih, nao mai kan kandah. Hajan ia sua ngak brei 3 urang metai, 3 urang lahik. Mesup ni, UBND dom tỉnh, ban lac:  Quảng Trị, Thừa Thiên Huế, Đà Nẵng hu harak payua ka dom  đơn vị, dom puk palei ka bruk pacang caga hajan khang, ia ndik ia sua, glut jaleih taneh. Anek saih di dom tỉnh ban ni hu padeih bac meng harei ni piah khik caga siam mekre .. 

Jalan metro ka 1 (Bến Thành - Suối Tiên) jaik salah blaoh, ba mai rilo siam lagaih ka jalan mbak đô thị di Ban raya HCM. Daok jalan metro ka 2(Bến Thành - Tham Lương), urak ini bruk bayar jien, peih taneh jaik salah, hu labaih 97%, dalam nan hu dom quận Tân Bình, Tân Phú, quận 1… ngak hu taong abih. Hu bhap bini njauk hatai ngak tui, bruk peih  ngak jalan metro  ka 2 meda ngak salah di puac thun 2020.

Harei 8/10, Sở Y tế tỉnh Đắk Lắk brei thau: meng akaok thun tal ni , dalam tỉnh hu 733 urang njauk ruak tangin takai cambuai, dalam nan ban Buôn Ma Thuột hu  193 urang, huyện Cư M’gar 128 urang. Gah y tế tỉnh hu harak ieu Sở pato megru  ba tabiak jalan iek glang, khik caga pren yava ka anek saih, pacang caga jit ruak . Yau ye:  pathau khan dom  ilamu ka gru pato, urang iek glang uranaih ka dom jalan pacang caga jit, pabak ginup pandap panda hacih saat ka menuac urang di sang bac, tagok bruk tui iek pren yava anek saih, duah thau samar dom urang njom ruak, langyah sruh jit njauk tuk vak.

Sở Tài nguyên saong Môi trường tỉnh Đồng Nai brei thau lac daok tui iek bruk ngak tui sarak taong phạt Công ty Cổ phần Tabau Saradang La Ngà ở xã La Ngà, huyện Định Quán ngan saong paok jien labaih 4 tỷ đồng saong brei padeih ngak bruk dalam 9 bilan kayua tathuak khí thải tapa tanut chuẩn ba tabiak saong ia nerak tachrauk oh hu brei tabiak moi truong. Doanh nghiep ini ngak suan tathuak dhun mun, khí thải ống sauk thải lò hơi ka 1 tapa tanut chuẩn kỹ thuật ka chất thải meng klau mbang tagok; tathuak ia nerak tame halau bo oh hu likau adat tui bruk ba tabiak di hukum ngan saong ia nerak meng 3.000 m³ dalam harei melam…  

Meng harei ni (8/10), dom bruk pablei salih lac hu atau oh jeng hu saong sang bac di ban  New York (Mỹ) njauk kreik pambah mbang  dalam tuk dom menuac njom Covid-19 daok tagok khang veik. Ni lac labik hu rilo sang bac abih di  Mỹ, ngan saong 1,1 triệu sinh viên song lac ban prong abih di negar ni peih pato tal bac dalam bilan thu ni. Rilo ban karei  di Mỹ yau Chicago, Houston atau  Los Angeles hu salih tapa jalan bac online.

Blah báo Yomiuri di Nhật Bản harei ini brei thau, taneh ia ini daok ba tabiak bruk jalan ngak brei atah hukum pakauk rivang ma-in dulich tal 12 negar dalam bilan anak tal. Tui nan, langiu Việt Nam, rilo taneh ia yau Trung Quốc, Ô-xtrây-li-a, Niu Di-lân, Singapore,  Xinh-ga-po, Hàn Quốc, Ma-lai-xi-a dalam angan njauk brei atah klak hukum  pakauk dulich. Yau nan min, tuai dulich mai meng 12 taneh ia ini brei hu sarak ba-ar dut iek darah âm tình saong Covid-19 saong brei thau cambaic laic bruk nao mai di drei.

Mintri ka bruk Khẩn cấp Nga brei thau sa kho siu di bhum Ryazan di gah đông Nam ban ine Moscow nyu patuh di harei kabroi hadei di tuk pui meng sa labik hareik thu njauk khuah jiak di nan mbang tapa. Kho siu hu labaih  75.000 tấn siu phao. Hadei di tuk khuah, labaih 400 urang padam pui di pak nan song labik jiak tapen hu ba mai piah dong.. Labaih 2.300 bhap bini dok dalam  5 km njauk panduan ba nao jip. Tui khaw tin camereip  hu  5 urang njauk rambuac. Dom jabat  chức năng di Nga daok peih bruk pasang iek, duah thau lac meda hu hagait suan dalam bruk khik ramik phao ndao halei oh./.

Urang lang: Ái Nghiêm – Hani Pha – 08/10 16:23:45