Daong dahlau ka bhap bini dok peih bruk “kreih pabah mbang, daok kadang dalam sang" tui pathau khan di tỉnh

Dang akaok mbang nyaom dom urang par akaok ka bruk peih ngak dom jalan ngak samar drah pacang caga jit COVID-19 di ban raya HCM saong dom tinh, bal gah maraong negar, Tổng Bí thư Nguyễn Phú Trọng ieu  kakei, njauk pataom tame iek glang prein yava di bhap bini, sangka pasang iek ruak, taong ruak, abih di nyu nan lac dom urang ruak trak, pandar siam dom pok an sinh xã hội, pabak ginup pandap mbang yaok harei ka bhap bini, ngak catang bruk paatah di gauk; peih ngak siam bruk ba nao dar dom urang metai. Gam haong nan, samar peih bruk klauk vaccine ka dom labik daok hu jit ruak tamuh khang.

Cục khik ramik karja bhum Đông Nam Bộ hu buh tabiak labaih 8.360 tấn brah khik piah mbang ka sa tui sarak di  Thủ tướng rajaei piah dong ka bhap bini di  Bình Dương gaok kan kandah kayua jit  Covid-19. Dahlau di nan, UBND tỉnh Bình Dương tabiak sarak ka bruk parabha brah meng gilang khik piah negar meng harei 24/8 tal harei 10/9. Dalam mbang ka sa, Sở Lao động Thương binh song  xã hội tỉnh hu dong dahlau ka bhap bini di 11 phường di ban Thuận An song ban sit  Tân Uyên dok peih bruk “kreih pabah mbang, daok kadang dalam sang" tui pathau khan di tỉnh.

UBND ban Cần Thơ hu ba tabiak harak ka bruk paatah di gauk di dalam tinh meng maong 12 melam (25/8) tal harei 8/9 tui Harak tacei ka 10 di UBND ban piah pacang caga jit ruak COVID-19. Dom doanh nghiệp, labik ngak pandap, pablei salih hu adat brei ngak, yau ye: xăng, manyek, điện, ia, gilang pariak, bưu chính, viễn thông, công chứng, siêu thị.v.v... njauk peih bruk dut iek SARS-CoV-2 ka urang ngak takik di nyu lac 3 harei 1 mbang; pachreih bruk “3 di labik” piah plaih njom mbak jit ruak.

Meng harei 26/8 tal 30/8, Tây Ninh brei peih bruk mek mẫu dut iek mbang  ka 2 pasang iek sàng lọc SARS-CoV-piah mboh, samar neh  F0 song samar brei dok karei, cakak klaoh jalan njom, abih di nyu nan lac di dom bhum mbuan si njom glong. Urang dut iek lac rahra dok dalam tỉnh, urang dok tạm trú, urang ngak dalam dom doanh nghiệp…  Hu thau , dalam mbang camereip peih bruk dut iek sàng lọc meng harei 15 tal harei 20/8, Tây Ninh mboh hu 117 mẫu gộp dương tính. Urak ni, tỉnh hu jiak 5.000 urang njom COVID-19 song hu tong thit abih ruak ka jiak 2.000 urang.

Kuhria tal harei 24/8, tinh Ninh Thuận hu 405 urang F0 lac bhap bini bangsa takik, dalam nan huyện Ninh Phước hu 319 urang, Thuận Nam 84 urang, Ninh Sơn 1 urang, Thuận Bắc 1 urang, hu 3 urang metai. Daok di Bình Thuận, hu 9 urang F0 lac urang bangsa takik, urak ni oh mboh F0 bahrau dalam bhum bangsa takik; dom labik brei daok karei, labik pacang veik pambuak tal bhap bini bangsa takik hu yah klaak. Hu thau, meng harei 24/8, UBND ban Phan Thiết ieu kakei bhap bini oh tabiak truh sang meng maong 6 melam tal maong 6 dah page harei hadei, langiu dom bruk hu adat nao ngak. UBND tỉnh Bình Thuận ieu kakei ban Phan Thiết peih ngak catang bruk paatah di gauk meng ni tal harei 31/8.

Roh duah bahrau abih di pasak pasang iek song pacang caga jit ruak Mỹ brei thau urang ka oh klauk jru pacang mbuan si tame sang iek ruak kayua COVID-19 glong jang  29 mbang dut song urang hu klauk ginup, song jalan njom ruak di dom urang hu klauk ginup  vaccine jeng trun 5 mbang dut song dom urang oh ka klauk. Dom yaok pataom ni njauk hong jalan sahneng di gah y tế, lac yaok  triệu urang Mỹ oh ka klauk jru pacang dok laik tame kan kandah dalam tuk  biến chủng Delta njom mbak samar. Mbiah tal urak ni hu labaih  200 triệu rahra Mỹ, samau 60% menuac urang negar ni hu klauk takik di abih sa mbang vaccine.

Gilang pariak dunya (World Bank) brei padeih dom paok jien daong, kreik veik bruk peih jien ngan haong yaok piluh danak dak di Afghanistan hadei di tuk Taliban tagok par quyền pasang iek taneh ia. Urak ni, gilang pariak dunya hu labaih 20 danak dak padang veik saong cak rok patagok di Afghanistan haong sanya pabak  5 tỉ 300 triệu đô la. Dalam 1 bruk karei, dom lin Mỹ camriep daok tabiak truh Afghanistan. Tổng thống Joe Biden brei thau lac bruk kan kandah tal bol bala Mỹ di Ca-bun lac sa dalam dom makna ngak ka ong khang hatai ba lin tabiak harei puac abih lac 31/8.

Takik di abih  13 urang metai kayua ia sua rah tabiak di gah pai negar Venezuela di harei kabroi. Dom mbang hajan khang di bhum ceik gah pai negar ni ba tal dom mbang glut jaleih taneh song ia ndik ia sua trak. Thaot binguk angaok mạng xã hội brei mboh rilo radaih ô tô, sang danaok njauk ia ba theik; dom jalan khut jaleih. Ia sua ngak ka dom bilai biến áp điện padeih kayua ia dauk dalam, ngak klaoh jalan điện di dom labik prong./.

Urang lang: Thu Thao – Hani Pha – 25/08 10:25:50