Siuk pabang mbaok 

TS.BS Lê Thái Vân Thanh - Akaok khoa da liễu, thẩm mỹ kalik Sang iek ruak Đại học Y dược TP.HCM  - brei thau, siuk y tế pabang mbaok nan lac janih siuk pabang mbaok oh njaom njuk, bhian hu meng 2-3 tal tagok: 1-2 tal ba-ar yau halăm di gah langiu, 1 tal ba-ar kapal jang di gah dalam. 

Siuk pabang mbaok bhian hu pandar piah pacang ia pabah, anek ruak meng pabah, meng jalan suak yava di urang hu anek ruak parah tabiak gah langiu tuk ndom biai, dhung phal, ngak brei patrun bruk njaom mbak ruak ka dom urang jaik taphia. 

Bruk taom gaok mbaok gah dalam di siuk y tế pabang mbaok takik mboh ngak brei katal kalik bo meda ngak brei saluah kalik kayua kateik khang.

Min kayua siuk pabang mbak oh njaom njuk, janih kalik janar meda pataom  veik chất bã nhờn angaok kalik hadei di tuk cuk siuk pabang mbaok sa tukvak atah (labaih 30 minit). Tui nan nyu ngak brei kalik bhong, tapok kalik, katal harao kayua kateik khang; atau ngak brei hu rilo chất nhờn jang, mul trứng cá, dom ruak katal kalik kayua chất bã nhờn...

Piah patrun bruk ini, urang cuk meda pagam tame sa tal njaom njuk racin di dua gah mieng, piah daong ka kalik plaih gaok siuk pabang mbaok tuk drei suak yava, tuk drei ndom puac... saong plaih bruk pataom chất bã nhờn, aia hauk angaok mbaok kalik.

Langiu di nan, tui kalik yau habar bo hu jalan mong iek kalik hadei di tuk pandar siuk pabang mbaok. Jalan ngak hacih kalik nan lac biak praong biak siam, palih ruah sữa rao mbaok oh hu chất tẩy piah ngak hacih kalik, sa-at takai bilau, pacang nhờn pataom veik; hadei di nan kalik brei hu pacang veik, plaih pandiak saong pabak dưỡng ẩm ginup ka kalik. 

Tuk drei rapai mbaok njauk ngak ka nyu dhan, samar drah, juai pandar aia pandiak atau ia pandao b njauk pandar aia la-ar… piah ka kalik nyu lagaih haong langik tasik gah lingiu.

Bruk pandar siuk y tế pabang mbaok dalam bilan jit nan lac bruk njauk nga piah pacang caga ruak, min jeng meda pandar hu siuk pabang mbaok meng khan bai, min njauk khik ka nyu hacih,  giặt ủi gam gam piah  khik siam ka rup drei anak jit ruak gam pacang khik kalik ka nyu siam.

Taphia di nan, bruk pabak pandap mbang menyum siam meng gah dalam oh lac tok daong ka kalik cak rok patagok siam bo daok paglaong pren pacang ruak ka rup pabhap, pacang veik jit ruak. Menyum ia ginup, mbang dom janih njam hijao, dom vitamin meng dom janih baoh kayau... biak siam dalam bilan jit jeng yau tuk langik pandiak yau urak ini./.

Urang lang: Jasi - 23/4