Tal palei Hòa Thành, xã Hòa Đông harei ni hu mboh bruk chreih chrai angaok mbaok meta di yaok bhap bini, tuk hu nao angaok jalan bê tông di dalam puk palei, song pambuak pagam tal pasak xã, tabiak tal jalan roya 26. Jalan ao mai mbuan lagaih hu dong ka bruk ngak mbang KT di bhap bini tagok samar jang. Tapa thun ni, Hoà Thành oh dok sang kan kathaot, jien duah hu labaih 50 triệu đồng sa urang dalam sa thun. Sa dalam dom urang bui sambai di abih meng bruk ngak hu di Hoà Thành lac akaok palei Phạm Đức Hùng, kayua dom thun nao jak ba, hu mbaok ngak bruk di dom công trường, gam song bhap bini labik ni rik pren, rik drap, palei pala bahrau labik ong iek glang padang ngak hu abih 19 tanut.. Ong Hùng khan lac:

Ndom ka bhap bni pang , dahlau di abih drei brei ngak dahlau. Dalam bruk ngak, drei brei ngak ka nyu dân chủ, tantu, abih bruk njauk caik ka bhap bini quyết định. Dalam bruk padang ngak palei pala bahrau, khol dahlak tui jalan pathau khan jak ba brei ka bhap bini mboh lac ngak yau nan hu kein laba ka drei eng, nan ye mikva ngak. Camereip mik va oh ka thau cambaih, min tuk ndom lac bruk kan kandah ye xã dong 10%,dok hadom mik va rik tame, bloh mikva eng drei padang kapul padang ngak ba dom urang hu angan je ngka kỹ thuật jang yau tui iek, meng nan urang ba gauk ngak.

Tui pasang iek di mban tacei jalan padang ngak palei pala bahrau  xã Hoà Đông, dahlau di tuk peih ngak danak dak palei pala bahrau, jien duah hu di sa urang di palei Hoà Thành kuhria rah tapa lac 11 triệu đồng sa urang sa thun. Lingiu di nan, ni dok lac labik pandiak ka an ninh trật tự.  Meng hatai sahaneng yau Yuan lac: “Có thực mới vực được đạo”, khin padang ngak palei pala bahrau langiu bruk dong di karja ye yaok boh sang brei hu rai duik saong bruk ngak mbang tani tanat,  tuk nan jeng jak ba urang rik dong hu, Ong Phạm Đức Hùng, akaok palei  Hòa Thành song  ban khik ramik palei  hu nao tal yaok boh sang piah jak ba, tacei pato urang salih janih phun pala, anek athur rong, tagok jien duah hu. Tui nan, duah thau hatai sahneng di bhap bini ka bruk rik dong padang ngak palei pala. Abih bruk hu peih ngak siam song tantu nan ye hu bruk njauk hatai di tong abih bhap bini dalam palei. Tapa nan, Hòa Thành ngak hu sa sang bac mẫu giáo hu10 balik bac, pasiam veik 1000m daning, paga, dui 2 km talei điện truac hadah jalan, 2 km jalan điện pabak ka bruk ngak mbang pala drak, ngak hu 2,3km jalan mbak palei pala  gam song rilo danak dak karei karei. Tal Puac thun 2014, palei Hòa Thành ngak salah bloh taong abih 19 tanut palei pala bahrau. Mong mboh bruk salih bahrau di palei, amuk Nguyễn Thị Thu Lan, sa urang di palei  Hòa Thành brei thau

Dut song dom thun dahlau, rai duik di khol hulin siam jang biak rilo, bruk meng hu Wa Hùng pachreih ba salih phun pala pablak bơ song durieng dalam bein cà phê  piah tagok jien mek tame. Wa dok ieu yaok urang patom jien buh pren ngak veik jalan nao, dui jalan điện, puh ramik vệ sinh palei pala hacih saat, yaok janih hadah hadai tagok, nao mai ngak hagait jeng mbuan lagaih.  

Urak ni, an ninh trật tự di Hoà Thành hu khik kajap, KT patagok tani tanat song janih phun pala lagaih, jalan mbak nao mai siam mekre. Gam song nan, talei rohim puk palei hu patagok, bruk jum pataom dalam khu dân cư hu kak kajap , hatai di bhap bini jia tame Đảng song karja dak harei dak glong . Ong Nguyễn Đình Vượng - Bí thư Đảng ủy, akaok  Ủy ban bhpa bini xã Hòa Đông brei thau:

Bruk ngak di ong Hùn, langiu bruk di palei ong dok hu hatai ranam, hu angan je haong mikva nan ye ong ndom ye urang pang. Tuk hu sarak padang ngak palei pala bahrau, ong lac urang chreih chrai di abih. Ong nao ieu bhap bini patagok KT song jak ba yaok boh sang rik jien, dong pren piah padang ngak palei pala bahrau. Mbiah tal urak ni, taong abih jalan hu tuh bê tông, hu sang bac,taong abih baoh sang hu ngak khang kajap, jien mek tame di bhap bini biak glong, meda glong jang 2 mbang dut saong dom palei karei

Bruk salih bahrau mbaok meta di bhum palei Hòa Đông di  huyện Krông Pắc hu bruk rik dong abih drei di dom urang yau ông Phạm Đức Hùng. Meng dom bruk ngak hu makna song kein laba dalam bruk jum pataom pren yava padang ngak palei pala bahrau, Ong Phạm Đức Hùng, palei  Hòa Thành, xã Hòa Đông, huyện Krông Păk, tỉnh Đắc Lắc hu mban tacei jalan Tây Nguyên brei harak pok meyaom ka dom rik dong dalam bruk “Rik pren yava padang ngak palei pala bahrau tuk vak  2011-2015./.