Akaok mintri mai hu mbaok song dom tỉnh ban 

Patui danak dak mbang  nyaom 48, biar harei 14.9, *UBTVQH brei panuac ka dom pathau khan di Rajaei, Tòa án bhap bini pakat glaong di abih, Viện kiểm sát bhap bini pakat glaong di abih ka bruk langyah khiếu nại, tố cáo thun 2020. UBTVQH hu panuac lac, brei ngak ka nyu cambaih makna di dom bruk khiếu kiện; dom tavak tavaiy dalam bruk taduan raok rahra, langyah khiếu nại tố cáo. Ngan saong dom bruk langyah, taom gaok ndom biai nao mai blaoh bo daok khin tố cáo ye brei hu jalan ngak khang jang, catang jang. Akaok Hội đồng bangsa di Quốc hội Hà Ngọc Chiến ndom lac, makna lac kayua sarak, adat hukum daok tavak tavaiy, oh ka lagaih saong bruk peih ngak oh ka catang, meng nan mblo tabiak bruk khiếu nại tố cáo.

Dah page ni (15/9) di Hà Nội, Mintri ngak nong saong patagok palei pala peih bruk ginum biai ka bruk cak rok patagok raong glang vaktu 2020-2030 pamaong tal thun 2040.  Jalan ni pamaong tal bruk cak rok patagok bruk raong glang abih gah, siam lagaih, khang kajap saong lagaih haong bruk biến đổi khí hậu tui jalan công nghiệp hóa, hiện đại hóa pagam haong chuỗi giá trị, kinh tế tuần hoàn, paglaong giá trị gia tăng, khik salamat sinh học, jit ruak saong salamat pandap mbang, ngak pahla yau haong anek raong glang. Paglaong bruk roh duah ilamo saong pandar samar haong dom kein laba di khoa học saong công nghệ di dunya. Jhul khang bruk xã hội hóa haong dom bruk dalam raong glang. Tui nan, tal thun 2030, sản xuất raong glang negar drei di dom nengar tiên tiến dalam labik. Pandap raong pabak opanuac kakei ka chất lượng, salamat pandap mbang ka urang pandar dalam negar saong paglaong bruk pablei tabiak negar langiu.

Di mbang giao ban online mBan tacei pato pacang caga jit Covid-19 TPHCM biar harei kabroi (14/9), Phó Chủ tịch Thường trực UBND TPHCM Lê Thanh Liêm khhan lac, dalam tukvak tapa, abih gah hu ngak siam bruk pacang caga jit ruak, TP daok jaik hu siam mekre yau dahlau veik. Tal urak ini, lac 47 harei TP oh ka hu urang ruak bahrau dalam bhap bini. Min TP hu mboh bruk iek lap, takik caik hatai sangka dalam bhap bini, hu menuac oh cuk pataih pacang pabah di labik rilo menuac, abih di nyu lac tuk vũ trường, quán bar hu adat brei peih pabah mbang veik. Ong Lê Thanh Liêm hu panuac caong lac, dom sở, ngành quận huyện patagok bruk pathau khan, langyah catang dom urang ngak suan. Abih di nyu lac tukvak meng ini tal abih bilan 10/2020 brei khik hu salamat, rik daong ka TP peih ngak hu siam nyaom roya Đảng bộ mbang ka 11.

Mintri Kế hoạch saong Đầu tư pambuak saong dom kapul tỉnh Sơn La bahrau peih harei jao brei “sang anit ranam labik tapen negar” ka dom sang kathaot, sang kan kandah di huyện Sốp Cộp- tỉnh Sơn La.  Thun 2020, Công đoàn Mintri Kế hoạch saong Đầu tư daong yaom jien 6 tỷ đồng ka huyện Sốp Cộp piah yah klak 100 sang kathaop, sang khut,; 7 baoh sang karei kayua dom jabat di tỉnh Sơn La saong kapul Nhóm Nghị sĩ hữu nghị Việt Nam – Séc daong ba. Sang hu ngak praong meng 24 m² - 100 m², lagaih haong ilamo, adat cambat di bhap bini. Urak ni dalam huyện Sốp Cộp daok 496 sang taik tahak njauk ngak pasiam veik.

Biar harei kabroi, Tòa án nhân dân thành phố Hà Nội hu tabiak panuac tuyên án 29 urang dalam mbang tòa pasang iek bruk pametai menuac saong cagar veik urang ngak bruk karja rah tabiak di xã Đồng Tâm, Hà Nội.  Hội đồng langyah taong yaom, ini lac bruk hình sự biak trak damak, bruk ngak di dom urang nan biak jhak kapalei negar, oh sahneng hagat tal adat hukum negar. Dom urang nan iek lap suan yava di urang karei, urang daok ngak bruk karja, hu ginum biai dahlau, parabha bruk brei ka gauk, caga dom pandap piah ngak. Yaom lac hu dom gah chức năng ieu padeih veik min dom urang nan khang hatai ngak ka pahu. Lingiu d nan, Hội đồng xét xử daok mboh lac dom urang nan glum baoh patuh, piah pametai rilo menuac min patuah baoh patuh nan nyu oh patuh,  
         Tapa nan, Hội đồng xét xử tabiak panuac tuyen án ngan saong 6 urang dalam kapul  pametai menuac yau ini:  Lê Đình Công tử hình. Lê Đình Chức tử hình. Lê Đình Doanh chung thân. Bùi Viết Hiểu 16 thun guk. Nguyễn Văn Tuyển 12 thun guk. Nguyễn Quốc Tiến 13 thun guk.   23 urang daok veik njauk meng 15 bilan guk tal 6 thun guk ka duas mesruh cagar veik urang ngak bruk karja.

Hadei tuk duah mboh 2 urang njom Covid-19 tame negar suan hukum saong raidiuk dalam rahra, ban Thụy Lệ, ban sit jaik tapen haong Myanmar di tỉnh Vân Nam, Trung Quốc hu brei pacang cakak dalam labik dalam ban meng maong 10 melam harei 14/9 (tui maong pak nan); bhap bini dalam ban  sit Thụy Lệ meda oh tame, tabiak hu dalam sa adit. Rajaei ban jeng ieu kakei abih rahra di labik dalam ban peih bruk dut iek oh mek jien. Dalam tuk nan, jabat công an pak ni jeng ramik catang dom urang tame negar suan hukum, dalam nan hu dom urang njom ruak bahrau njauk kaoh tui hukum hình sự.

Di Hàn Quốc, bahrau hu 1 dalam 1.440 nurang meda pacang hu Cô-vít-19. Bruk ini mai meng pasang iek mbang ka 2 piah duah kháng thể di rup pabhap pacang veik virút Sars-CoV-2 hu khan brei thau di harei kabroi (14-9). Bruk pasang iek huyết thanh học mbang ka 2 ini hu peih tabiak ngak di 1.440 menuac daok di 13 tỉnh, ban praong di Hàn Quốc dalam vaktu meng harei 10/6 tal harei 13-8.  Tapa nan brei mboh lac,  miễn dịch cộng đồng là bruk oh meda hu di Hàn Quốc. Tui pasak pasang iek saong pacang caga jit ruak Hàn Quốc, dom kham merat pasang iek jit lac jalan piah ngak brei suai veik bruk njom mbak di virút mbiah tal tuk hu vắcxin siam hu pablei di darak pasar.

Labaih 87 mbang khuah njauk mbang khuah sa labik labaih 1,8 triệu héc-ta di mangaok 10 bang di gah miền Tây negar Mỹ. dom mbang khuah ngak takik di nyu 35 urang metai. Tổng thống Donald Trump dalam harei 14/09 hu tal California  gaok Thống đốc bang Gavin Newsom saong dom urang jaka ngak praong pak nan piah duah thau ka dom bala khuah apui nan./.

Urang lang: Thu Thảo -Mousaphuong