Ban Cần Thơ dok pasang iek di rilo labik plaik phieu 

Pahadar harei Phật đản Phật lịch 2565 saong pahadar 40 thun harei Padang Giáo hội Phật giáo Việt Nam, harei 19/5, di Hà Nội, Uỷ viên Mentri Chính trị, Phaok Akok Thường trực Quốc hội Trần Thanh Mẫn hu mai rivang, tadhau ayuh Hòa thượng Thích Thanh Nhiễu, Phaok Akok Thường trực Hội đồng Trị sự Giáo hội Phật giáo Việt Nam saong Văn phòng 1 di Trung ương Giáo hội Phật giáo Việt Nam. Lambaok ka urang ngak praong di Đảng, Karja, ong Trần Thanh Mẫn payua tal taong abih chư vị giáo phẩm, tăng, ni, phật tử Việt Nam panuac tadhau ayuh siam mekre di abih, tadhau ayuh Giáo hội Phật giáo Việt Nam uan raok sa bilan Phật đản rilo siam mekre, ndung bak anit ranam saong tuk halei jeng jum pataom gauk dalam bruk praong jum pataom taong abih bangsa.

Dah page ni (20/5), Ủy ban pilih ruah ban sit Cần Thơ peih bruk pilih ruah urang tame Quốc hội mbang XV saong urang dalam Hội đồng bhap bini dom pakat tukvak 2021 – 2026 ka urang jakar, urang lin di Bộ Chỉ huy Quân sự ban sit Cần Thơ; Công an dalam ban saong Trung đoàn Cảnh sát cơ động Tây Nam Bộ (di Mintri Công an). Ni lac dom bruk hu kapul pilih ruah pakat negar brei buh phieu aval. Tui Uy mban pilih ruah Cần Thơ, ban hu 943 Tổ pilih ruah, hu 951.000 cu tri.

Di xã Phú Tân, huyện Châu Thành, tỉnh Sóc Trăng, labik hu labaih 80% bhap bini bangsa Khmer diuk rai, dom harei tapa, grauk dom jalan tuan hala dok bhong patuh kanjik katam gam saong băng-rôn, khẩu hiệu, thaok binguk pathau khan ka bruk palih ruah. Ngan saong 12 tổ palih ruah saong labiah 11.700 cử tri, bhum palei hu parilo jalan pathau khan. Meng bruk peih ngak sumu gauk dom jalan ngak, khik kajap quy trình, quy định, njauk hukum, bruk duah thau hatai sahaneng di cử tri labik daok ngan saong dom urang tabiak mbaok palih ruak ka HĐ bhap bini pakat tỉnh, huyen saong 46 urang hu ba angan tame palih ruah pakat xã ginup taong abih.

Hu veik sa urang njom Covid-19 metai di dalam negar. Ni lac urang metai ka 4 dalam mbang jit ni saong lac urang ruak ka 39 metai hu pambuak tal Covid-19 di Việt Nam. Nan lac urang likei ka 3554, umo 81 thun, hu ruak pandik talang dahlau rilo thun, xơ gan, ruak ma-ik saradang, tagok darah, gút. Urang ruak hu dom giáo sư naih joi abih dalam negar iek ruak di harei 18/5. Min ruak oh cadu, harei 19/5 urang ruak mboh trak saong metai di melam nan.

Pasak pasang iek ruak kik Ban raya HCM birau brei thau, dalam 15 urang hu taom gaok jaik labik daok di urang ruak ndih tapui thun 1963, sang daok di Quận 3 hu 2 urang anek dalam sang dương tính saong SARS-CoV-2. Urang kumei ini pablei quan mbang di jalan hẽm 287, Nguyễn Đình Chiểu, phường 5, quận 3, TP.HCM, hu palei daok di Thừa Thiên - Huế. Yau nan min, labaih sa thun ini, urang ruak oh nao palei. Jabat chức năng daok kham duah thau ruak kayua meng hlei njom mbak tame urang birau njom ruak SARS-CoV-2.

Gah Y tế dunya (WHO) brei thau, labaih 4 triệu 800 ribau urang njom Covid-19 bahrau saong labaih 85 ribau urang metai di dunya dalam adit tapa, nan lac trun 12% urang njom saong trun 5% urang metai dut saong adit blaoh. Min, jabat y tế Liên hợp quốc jeng hu panuac lac, dom urang njom jeng daok di tanut glaong abih meng di tuk tamuh jit praong. Ấn Độ jeng lac negar hu rilo urang njom abih dalam adit tapa, patui di nan lac Braxin saong Mỹ.

Hadei di tuk jit Covid-19 tamuh gilac dalam bhap bini di dua tỉnh An Huy saong Liêu Ninh, urang nao klauk vaccine Covid-19 di Trung Quốc hu biak rilo tal having akaok. Mbang jit birau dalam bhap bini njom mbak grauk labik dalam taneh ia. Harei 16/5, jru vaccine hu klauk di Trung Quốc tagok tal 14 trieu mbang, harei 17/5 manuac klauk jru nan tagok labaih 15 trieu mbang, glaong abih meng dahlau mai. Urang ilamu taneh ia ini kuhria mboh dahlau, bruk tagok drah samar yau nan, Trung Quốc meda pacang hu jit ruak dalam bhap bini dalam thun 2021.

Thủ tướng Ethiopia Abiy Ahmet bahrau ba tabiak veik danak dak pala 6 tỷ phun hijao dalam negar di dalam thun ni, piah jhul patagok bruk du lịch sinh thái saong pacang caga haong dom kan kandah di bruk biến đổi khí hậu. Danak dak ni daok pamaong tal bruk lac pala 20 tỷ phun hijao tal puac thun 2022. Rajaei Ethiopia jeng daok kuhria pabak 1 tỷ phun pajaih ka dom negar jaik taphia dalam bruk kham marat pamaong tal sa châu Phi hijao./.

Urang lang: Thu Thảo -Ái Nghiêm -20/5