Mbang nyaom ka 10 Quốc hội mbang 14  ginum biai di Hoi truong

Dah page ni (4/11), mbang nyaom ka 10 Quốc hội mbang 14 daok ginum biai ka kinh tế-xã hội, kadung jien kanja. Di mbang nyaom harei kabroi, dom urang QH ba tabiak bruk gar jalan di dua ban praong lac Hà Nội saong TPHCM, ba tal khat lahik trak gah kinh tế. Akaok mintri jalan mbak pajeng ba Nguyễn Văn Thể brei thau dom jalan pasei di Hà Nội saong TPHCM tukvak tapa jeng daok brei mboh dom bruk oh lagaih yau ye ngak suai jang tukvak ba tabiak, tagok phun jien rilo jang. Gam tui di nan brei thau Mintri jalan mbak bac megru hu rilo ilamo pambuak tal bruk rami ramik ngak habar pabak hu bruk cak rok patagok.

  Tui khaw tin meng Mban tacei jalan pakat negar pacang caga  jit  Covid-19, harei  4/11, Việt Nam hu 1 sa urang njom bahrau lac urang tame VN, hu brei dok karei chip. Tong abih urang ruak  Covid-19 di negar drei urak ni lac  1.203 urang. Urang ruak ka  1.203 lac urang likei  umo 60 thun, urang ilamu Israel. Tal tuk vak ni  Việt Nam hu yam tapa harei ka  63 oh hu urang ruak Covid-19 dalam bhap bini.

Tui bahrau abih meng gilang parak kanja dhar TPHCM, 10 bilan tapa taong abih jien payua meng negar langiu tuh mai ban raya tui kuhria labaih 4,7 tỉ USD. Yaom jien ini lac glaong jang biak rilo duk saong yaom 4,2 tỉ USD di 9 bilan akaok thun, yaom lac gaok kan kandah di jit praong Covid-19. Tui urang dang akaok gilang paraik kanja dhar ban raya, tui kuhria mboh dahlau dalam thun ini, jien payua meng negar langiu tal TPHCM meda mek hu labaih 5,5 tỉ USD tagok 8% duk saong tukvak ini thun blaoh. Tapa nan brei mboh jien meng negar lingiu payua mai taneh ia hu tani tanat. Jien payua meng negar langiu tagok khang daong ka bruk tagok kadung jien negar langiu, rik tame bruk tani tanat yaom jien salih dalam tukvak tapa.

Pagam tal bruk jaleih danieng ngak brei 7 urang metai di Vĩnh Long, VKSND tỉnh bahrau mbaoh tangin tame harak brei khởi tố 3 urang lac urang jakar khik ramik dom  khu công nghiệp tỉnh Vĩnh Long. Dahlau di nan, CSĐT Công an tỉnh hu khởi tố 4 urang ka bruk "Ngak suan hukum ka bruk padang ngak ba tal bala trak". Tapa duah thau mboh lac, meng 10 tuk harei  15/3/2019, tuk dom urang ngak dok  tô danieng atah labaih  30 m, glong labaih  12m ye danieng nyu jaleih trun, ngak brei  7 urang metai. Cục pasang iek karja ka chất lượng danak dak padang ngak – Mintri  padang ngak hu panuac lac  makna rah tabiak bruk jaleih danieng kayua danieng ngak oh njauk, oh kajap.

Urang likei pandar bật lửa cuh bi-ar di mangaok haoh dah page harei 2/11, ngak ka mbang par meng Nội Bài nao Tân Sơn Nhất njauk par mai viek mblang patauk njauk gah papar gah barak phat jien 2 triệu đồng. jabat jaka brei thau lac bruk pandar bật lửa cuh bi-ar di mangaok ahaoh lac bruk ngak suan adat, oh tui tacei pato di kapul peih ahaoh ka bruk khik siam mekre, salamat di mangaok ahaoh, pacang caga jit ruak. Bruk ngak nan njauk phat jien meng 1-3 triệu đồng tui sarak 162 di rajaei ka bruk taong phat gah kapal haoh.

Tuk dom urang njom Covid-19 daok tagok khang mboh havil akaok di châu Âu, Slovakia peih bruk dut iek SARS-CoV-2 ka tong abih bhap bini. Labaih 3,6 triệu urang Slovakia, meblah 2/3 menuac urang, hu dut iek tui danak dak. Dahlau di nan karja  Slovakia pachreih ba dom bhap bini nao dut iek brei saoh . Min, dom urang oh ngak tui, oh nao dut iek, meda gaok dom kan kandah, dalam nan hu gam bruk oh brei nao ngak bruk. Urak ni, negar ni hu labaih  63.000 urang dương tính song Covid-19, dalam nan hu 235  urang metai. Dom Urang njom bahrau tagok khang  di  Slovakia kayua hu mboh tapa dut iek tong abih bhap bini.

Gah Y tế dunya WHO  di Nga brei thau, gah WHO caong lac meda parabha rilo abih 2 tỷ mbang vắc xin Covid-19 di dalam dunya dahlau di puac thun 2021 dalam cơ chế COVAX. Min, WHO jeng kakei lac daok biak aval piah thau cambaih hu tuk halei dunya meng hu mai veik raidiuk yau tuk oh ka hu jit ruak. Kayua yau nan ye, bruk thau cambaih dom urang hu klauk jru dahlau meda daong ka bruk khik ginup dom mbang klauk jru vắc xin camriep meng hu tal tangin dom urang biak caong abih di dom negar, dalam nan hu gam urang ngak gah y tế saong kapul urang mbuan njauk bala. COVAX lac sa cơ chế dunya kayua WHO gam saong dom gah pambuak gauk gah y tế ba tabiak, hu mbaok di 184 negar.

Rajaei Áo brei caik quốc tang 3 harei, hadei di bruk cuh phao ngak 4 urang metai song labahi 20 urang karei njauk rambuac. Meng harei 3-5/11, dom hala doh hu plaik trun  meteh geing angaok dom boh sang  công cộng dalam negar. Dom sang bac jeng caik sa minit pahadar dahlau di tuk tame bac dalam harei ni. Bruk caik bingu di pasak ban Viên di negar Áo jeng hu kuhria ngak. Harei kabroi, kol khủng bố (IS) taduan lac kol nyu ngak bruk nan di harei  2/11 di ban ine Viên (Vienna), Áo./.

Urang lang: Aí Nghiêm - 4/11/2020