Anh hùng tapon nyaom bol pan phao krong bhap bani jaman salih bahrau - Đại tá Mai Hoàng 

Praong tagok meng sa urang lin trinh sát hình sự Công an huyện Mộc Châu, Đại tá Mai Hoàng, Anh hùng tapon nyaom bol pan phao krong bhap bani jaman salih bahrau, phaok akaok Cục Cảnh sát hình sự, Mentri Công an hu ngak tapa rilo bruk  karei di gauk dalam bruk mesruh  pacang tội phạm di "bhum taneh pandiak". Di Nyaom roya pakacah gauk anit ranam taneh aia pakat negar mbang ka X , dalikan ka dom thun bilan rambah rambup di sa-ai haong ayut sahabat mesruh pacang labik tapen negar ngak ka manuac sia hu mbaok pak nan gandeng pang.     

Pal angaok tangin pok pandap sit lac pok sara mbong, amariak hijao, đại tá Mai Hoàng hadar veik harei daok ngak akaok Công an huyện Mộc Châu gam haong ayut sahabat dalamkapul ngak bruk Công an tỉnh Sơn La saong tiểu đoàn đặc nhiệm ka 1, Mentri Công an  luac 3 thun mesruh pacang di bhum taneh tapen negar huyện Mộc Châu, Vân Hồ. Taduan bruk ngak, nao jalan atah, hu dom mbang daok dalam glai meng 10 – 15 harei, pandap mbang chip tok ginup mbang hu dom harei, dom sa-ai bhian huak lisei haong sara mbong, amariak hijao.

Sa-ai hadhar veik sa harei bilan 4-2016, kapul ngak bruk hu 10 urang dalam nan hu sa-ai  daok dauk di labik atah bhum taneh tapen negar 4km. 4 harei gam oh ka mboh kol pajeng ba jru phiel suan hukum tame negar drei, min tal harei ka 5 trinh sát brei thau lac hu 30 urang. Tuk nan langik hajan biak prong, 10 urang jakar urang lin rabha jeng 2 tổ, dalam nan 4 urang daok di tổ xạ thủ saong 6 urang pandar tiểu liên AK. Tok daok atah jalan nao di kol nan jaik 15m, piah khik hu kandauk, njauk taoh klak abih dom pandap yau ndon pasei, ao giáp oh cuk tame rup bo lauk veik jeng dua  pacang labik rup.

Đại tá Mai Hoàng khan veik: "Trinh sát brei thau kol nan hu 30 urang min gah drei tok 10 adei sa-ai, ngak habar ini, dahlak ndom lac 30 urang atau 300 urang rang jeng taong". Melam nan, dom adei sa-ai mesruh  haong kaol tội phạm labaih 3 tuk. Mboh kapul trinh sát pandar phao tiểu liên AK, kol nan daok pataom veik, iew gauk nyu mai daong, pandar baoh pacah mesruh veik haong kapul ngak bruk.

Hadar veik dom harei nao haong adei sa-ai mesruh pacang di tapen negar huyện Mộc Châu, huyện Vân Hồ (tỉnh Sơn La) đại tá Hoàng drut droi lac: "Côn trùng nyu kaik biak rilo, abih di nyu lac tuk takai di drei yaok adit oh rao ngak ka takuh nyu nduac mai kaik sraiy darah di akaok takai. Min meng hatai khang mesruh haong tội phạm, khaol dahlak saneng lac oh caik ka kaol nyu yam takai tame palei negar saong pablei salih jru phiel suan adat hukum.. Dalam tuk kan kandah yau nan, meng hatai khang mesruh haong tội phạm, bản lĩnh di công an bhap bani, khaol dahlak yam veik jaik gauk, mesruh dalam 2 mon tra, kol tội phạm lih tabiak saong nduac tapa gah diah negar. Melam nan, 10 urang khaol dahlak mbang lisei haong sara amariak hijao, nan lac bruk oh tuk halei var hu".

Meda lac bruk njauk kanal hadar di abih lac dom harei jaik Tết Nguyên đán, tuk menuac sia pataom mbaok tapen talam salao lisei ye dom sa-ai – dom urang lin jeng daok mesruh  dalam glai ram, tok thau pachreih gauk khik kajap hatai saneng mesruh metak. Sa-ai ndom lac: "Hu biak rilo cuang kandah ngan haong tapon nyom bol pal phao krong, tapon công an bhap bani  jeng yau dom bruk ngak karei, min hatai saneng di dahlak lac njauk khik hu bản lĩnh, mbaok meta angan je di drei"./.

Urang lang: Jasi – 21/12