Thun 1988, baoh sang amuk Phạm Thị Thơm saong 74 baoh sang karei daok di Thái Bình panduan mai daok palei Nà Ven, xã Ea Wel, huyện Buôn Đôn, tỉnh Đắk Lắk. Hu 30 thun ini, ciw rambah rambeip ngak mbang di bhum taneh birau, baoh sang amuk Thơm daok dalam sarak baoh sang kan kandah, pasang plang lahik tuk sang gait oh ka hu dui mek talei gom điện negar. Hu blaoh 34 baoh sang di palei Nà Ven panduan nao daok labik karei kayua oh cang hu điện tra: “ Thun halei jeng lac jaik thi hu điện ye, puac thun hu điện, min jeng oh mboh. Ia pandar  ye khol dahlak brei kuac bingun payeng meng tangin. Ia ngak mbang ngak huak ye khol dahlak pandok ia hajan, abih ia hajan ye brei pandar ia kraong nyu nerak lo. Dahlau diah tame ini biak rilo, labaih 70 baoh sang min panduan nao abih. Rambah rambeip ralo oh daok hu.”

 Bak 30 thun mai daok bhum taneh ini, meng 74 baoh sang camereip, mbiah tal ini palei Nà Ven daok 40 baoh sang ngan saong baoh 93% baoh sang kan kathaot. Raidiuk mikva biak kan kandah, kayua oh ka hu điện saong ia.

Labaih 13 ngak bruk Thanh tra bhap bini saong akaok palei Nà Ven, ong Nguyễn Đức Giang tuk halei jeng haduh hatai ka raidiuk mikva daok biak kan kandah. Rilo mbang ong lambaok ka mikva khan brei Quoc hoi , Hoi dong bhap bini dom pakat  ka bruk kurang điện, likau karja palei saong dom gah chuc nang brei daong. Dahalu di 4 thun, ong Giang saong Akok mban Cong tac Mat tran  hu taom gaok gah Điện lực huyện Buôn Đôn likau saong brei ginum saong mikva, jak ba mikva rik jien tame pambuak talei điện meng palei taphia, mikva njauk hatai ngak tui min kayua kan kathaot rilo oh hu jien piah ngak.

 Tui ong Nguyễn Đức Giang, oh hu điện, bruk ngak mbang kinh tế - xã hội di palei Nà Ven dom pluh thun ini oh tagok truh. Mikva tok pala dom phun tangei, bei… Bruk bac da-a di anek bik jeng oh hu. Dalam palei hu sang bac tiểu học, min bac tal tal 4, daok tal bac 5 saong pakat bac THCS ye amik ame brei pajeng nao bac atah labaih 7km jalan.Dom bruk karei yau thông tin, bui main biak takik. Kayua raidiuk kan kandah yau nan ye ba tal bruk tame Đảng jeng kan.

“ Dahlau diah hu 5 urang đảng, min 03 urang likau tabiak kayua nao dauh ngak mbang tapa var. Meyah hu điện ye trun kan kanthaot…”

  Ong Lê Văn Bình, Phó akaok Điện lực Buôn Đôn , Cty Điện lực Dak Lak brei thau, daok eng palei Nà Ven, xã Ea Wel oh ka hu gom điện negar. Bruk nan hu ndem rilo di dom mbang ginum biai  Hoi ndong bhap bini, min oh ka hu phun jien piah ngak, Birau ini, palei Nà Ven hu ba tame Danak dak brei dom điện huyện Buôn Đôn, min trak di nyu tal puac thun hadei hadei meng hu.

Daok hu 30 thun saong atah di labik pambuak điện 4km, min palei Nà Ven, xã Ea Wel, huyện Buôn Đôn, tỉnh Dak Lak bo oh ka hu điện nan lac biak kan kandah. Bruk nan ngak kank ndah tal dom bruk karei karei yau bruk ngak kinh te –xa hoi di 74 baoh sang, dalam nan jaik metah dom baoh sang klak nao, dom baoh sang daok veik lac sang kan kathaot. Danak dak brei điện ka huyện Buôn Đôn, caong khin dom thun anka tal, palei Nà Ven, xã Ea Wel peih tabiak jaln tapa truh kan kathaot./.