Yaom lac gah điện bhian pathau khan, brei thau bruk nguy hiểm, gaok mai ngak harak biên bản pandar raja-ei puk palei xử lý min di Đắk Lắk jeng daok yaok rituh urang vi phạm hành lang an toàn lưới điện. Thun ini, dalam tỉnh langyah hu 26 bruk ngak suan, ralo meng lac kayua gah điện peih ngak, dalam tuk nan hatai saneng ngak tui di mikva daok biar. Urang vak di rayo sap ndom VN daok pak Tây Nguyên hu kadha vak brei thau:

Bruk vi phạm hành lang an toàn lưới điện hu mboh biak ralo pak xã Ea Ktur, huyện Cư Kuin, tỉnh Đắk Lắk. Mbuan mboh di abih nan lac labik darak Trung Hòa, rah tui jalan roya 27, labik hu jalan talei cao thế 110kV nao tapa. Pak ini, hu ralo bhap bani ngak sang daok, peih tiệm pablei salih lih mek hàng lang lưới điện, gaok mai daok tak tol vin taom dhar gheng điện cao áp, meyah rah tabiak bruk khuah – patuh atau phóng điện dalam bilan hajan lac biak nguy hiểm. Amuk Nguyễn Thị Lan pah baoh sang, hu tabung tol vin taom dhar gheng điện piah pablei salih khan ao, lac: “Điện urang dui yau nan bloh thau ngak habar ini. Mboh biak nguy hiểm min oh thau ngak habar. Urak ini thau panduan nao pak halei ini. Njauk di nyu drei hu ý kiến oh njauk lact gah Điện lực hu ý kiến!?”

Kuhria ta-eng huyện Cư Kuin, 16 sang hu sang daok dalam labik an toàn lưới điện, dalam nan mboh ralo lac tabung sang tak tol vin taom dhar gheng điện cao áp. Langiu di nan, Cư Kuin jeng lac bhum pala phun amariak kalu prong di tỉnh Đắk Lắk, nan ye bruk vi phạm hành lang an toàn lưới điện di bein phun lac biak ralo.

Abih di nyu nan lac bilan cakak dhar atau bilan paik amariak kalu, bhap bani pandar gai kanjar pasei glaong jaik pluh  mét, ndik tagok tal jaik jalan talei điện, nan ye biak mbuan njauk phóng điện; tukvak jaik di ini rah tabiak ralo mbang njauk bala. Pagap yau sa-ai Nguyễn Thị Khang daok di palei 18, xã Ea Ktur, huyện Cư Kuin njauk phóng điện dalam tuk ndik gai kanjar paik amariak kalu. Ong Đặng Xuân Vũ – Akaok Điện lực Cư Kuin brei thau, taphia dom sang danaok vi phạm dalam tukvak suai livik oh ka langyah hu, ye bruk bhap bani pala amariak kalu ala jalan talei điện biak nguy hiểm. “Thun bloh hu ralo menuac njauk bala. Mikva pandar gai kanjar piah paik amariak kalu jaik jalan talei nan ye njauk phóng điện. Mikva oh saneng lac điện jaik 50cm  nyu phóng paje, nan ye meng blaoh hu urang di Ea Ktur njauk phóng điện. Dom urang nan jeng hu khiếu nại bồi thường, min biak di nyu lac kayua dom urang nan oh njauk lac kayua drei. Gaok tuk mai mikva kaoh tak phun bo oh khan brei thau, phun jalaih tame jalan talei, ngak phóng điện, mboh huac bloh klaak nao”.

Tui kuhria mboh di Công ty Điện lực Đắk Lắk meng akaok thun  2017, di tỉnh ini hu 114 sang padang ngak dalam labik an toàn lưới điện. Dom bruk ngak suan mboh ralo lac tak tabung meng tol vin taom dhar gheng điện trung áp. Langiu di nan, bruk vi phạm hành lang an toàn lưới điện di dom labik glai đặc dụng, bein phun cao su di huyện Cư M’gar, phun muồng pacang ngin dalam bein cà phê di Công ty cà phê Thắng Lợi pak huyện Krông Pách atau dom bein amariak kalu di huyện Cư Kuin,… hu mboh biak ralo. 

Ong Bùi Khắc Dũng – Akaok phòng Kỹ thuật An toàn, Công ty Điện lực Đắk Lắk brei thau: thun ini, dalam tỉnh hu xử lý 26 bruk ngak suan, ralo meng lac kayua ngành điện peih ngak. Daok veik nan hu ngak biên bản payua nao tal yaok baoh sang vi phạm, saong ieu karja palei pambuak bruk piah pasiam veik, min urak ini jeng daok 88 baoh sang oh ka ngak tui. Gam haong bruk pathau khan, jak ba, ngành điện jeng hu jalan ngak pasiam veik dalam tukvak anak tal.

Khik caga hành lang lưới điện lingiu di bruk lac ngak ka jalan điện hu siam mekre, pabak ka bruk ngak mbang, ngak huak, pablei salih, bo praong di abih nan lac khik caga siam mekre salamat ka anek manuac dalam labik hu jalan talei nao tapa. Min, di  Đắk Lắk, ralo labik, jaik 100 baoh sang daok dalam labik an toàn lưới điện; ralo labik pala drak, bhap bani oh saneng tal bruk nguy hiểm, pala phun ala jalan điện oh khik hu khoảng cách an toàn. Bruk mbuan ba tal metai lihik hu ngành điện khan brei thau min ralo sang jeng oh ka biak biai pambuak bruk piah pasiam veik bruk ini./.