Biar harei, hadei di tuk pajeng blaoh tuai dulich dalam harei, lamen tano Y Khăm Sen di khu du lich sinh thái Hồ Lăk meng hu padeih padei ala halui phun, mbang pandap mbang bhian randap lac phun patei hu kaoh katut.

Sa-ai Y Winh Êung, urang pato pahat lamen Y Khăm Sen brei thau, dahlau diah, hadei di sa adit pajeng tuai ye lamen hu plao tame glai meng 1 tal 2 adit piah duah mbang eng. Lamen lac athur glai nan ye nyu mbang ralo pandap mbang dalam glai yau hala, hareik, rabung… Dom thun jaik di ini, pandap mbang dalam glai dak harei dak takik, dom po lamen brei pabah tame dom pandap mbang yau phun tangei, tabau, phun patei…Dom janih pandap mbang ini mbang trei tian min oh ginup dinh duong. Langiu di nan, langik tasik oh hu lagaih, pandiak rilo jang dahlau diah, gam saong bruk lamen bhian pajeng rilo tuai dulich ba tal lamen lavang lavaih, drah taha.

 “ Glai nan lac sang lamen min glai urak ini oh daok hareik, oh hu rabung, hla kayau. Dalam tuk lamen mbang biak rilo, sa harei melam mbang menyum meyah lamen khang mbang abih 5 tạ. Urak ini drei raong ye ngak habar pabak ginup hu, meyeh ginup ye brei pabak tangei, patei. Tapa nan lamen nyu mbang trei tian, min prein yava di lamen oh khang kadang samu nyu  duah mbang di glai.”

Kurang pandap mbang saong labik daok oh lagaih lac makna ngak ka lamen lavang lavaih, drah taha. Daok lamen raong di sang, yaom lac hu manuac drei pato pahat min nyu brei hu labik daok dalam glai piah duah mbang, duah taphon di nyu saong caik menek. Urak ini, dom drei lamen raong di sang dak harei dak taha, dalam tuk  luac 30 thun tapa, di Dak Lak meda lac oh huh lamen raong di sang caih menek.

          Tui kuhria, meng thun 2012 mbiah tal ini, tỉnh Dak Lak hu 10 drei lamen raong di sang metai, kayua taha, oh daok prein yawa atau njauk lamen glai ginuh metai. Bruk nan ngak ka dom urang ngak bruk khik iek lamen mboh haduh hatai ka lamen raong di sang. Ong Phạm Văn Thịnh, akok jabat khik iek lamen sang, Pasak khik iek lamen  Dak Lak brei thau:  “Urak ini, bruk urang jah tak glai ngak lahik labik daok di lamen, oh lac lamen glai bo lamen sang dak harei dak kurang pandap mbang yau nan ye prein yawa lamen dak harei dak trun rilo. Bruk iek glang lamen ye brei pambak tame pandap panda jeng yau ilamu di anek manuac biak ralo. Min, urak ini di pasak khik iek lamen daok kurang rilo janih. Menuac khik iek lamen takik thau ka lamen, nan ye tuk lamen ruak gaok rilo kan kandah.”

          Glai dak harei dak sit, pandap mbang dak harei dak takik  ngak kan kandah ka lamen sang jeng yau dom taphon lamen glai. Di Dak Lak hu mboh rilo lamen glai tabiak palai pajua dom puh cakak di bhap bini saong di doanh nghiệp, palai pajoa bein njam patam, drap ar saong daok mbuan ngak metai manuac.

Tui kuhria mboh di Pasak khik iek lamen Dak Lak, urak ini tinh ini hu 5 taphon lamen glai  meng 80 tal 100 drei, daok rilo dalam glai 4 huyen Buôn Đôn, Ea Sup, Ea H’leo saong Cư Mgar. Ong Huỳnh Trung Luân, akaok Pasak khik iek lamen  lac, bruk lamen juak manuac dak harei dak rilo kayua glai dak harei dak sit.

Meng thun 2014 tỉnh Dak Lak hu peih ngak Danak dak khik iek lamen kayua Pasak Khik iek lamen di Dak Lak dang tabiak ngak. Hadei di 5 thun ngak, dom urang ilamu hu pagam “chíp” ka abih lamen sang dalam tỉnh piah tui iek preih yawa, khik iek ho so ly lich, iek ruak kik, mek mau duk iek pren yava, ngak hacih ký sinh trùng. Roh duah bruk menek di lamen sang, tapa nan mboh lac hu 8 drei lamen sang daok menek hu. Pasiam dom ruak kik ka lamen; daong saong iek ruak ka lamen glai. Urak ini, Pasak daok khik iek, raong pato 2 drei lamen glai hadei di tuk njauk rambuac.

 Padang jalan pambuak bruk di dom jabat, kapol nyaom, baoh sang saong menuac urang dalam bruk khik glai saong bruk diuk nao mai dalam glai di lamen. Ngan saong lamen sang, tỉnh hu quy hoach labik glang palao lamen, iek glang prein yawa, caih menek ka lamen di huyen Lak, Buon Don praong labaih 350 ha. Tui ong Cao Chi Cong, Phó Tổng cục trưởng Tổng cục Lâm nghiệp, dom jalan ngak nan biak siam biak lagaih ka lamen, abih di nyu nan lac dalam tuk glai dak harei dak takik yau urak ini.

Tui Danak dak brei ngak chip piah khik iek lamen tinh Dak Lak tal thun 2020, tỉnh hu quy hoach taneh khik lamen glai praong jaik 175 ribau ha, ngan saong lamen sang lac 350 ha. Anak bruk glai dak harei dak takik saong oh siam, bruk khik ramik, padang labik daok saong saong pandap mbang ka lamen lac bruk njauk ngak chip, piah bruk khik lamen hu khang kajap, suai lavik.