Sang muk Hoàng Thị Nhạn dok di  xã Krông Nô, huyện Lăk, tỉnh Đăk Lăk bahrau padang bloh boh sang bahrau piah uan raok thun bahrau 2019. Muk Nhạn brei thau, thun 1994 tabiak truh bhum palei Hưng Yên tame  Đăk Lăk  padang mbang ngui . Kayua oh hu taneh  pala drak nan ye  bruk diukrai tok pagam pambak tame jien duah hu meng bruk duik nao ngak mbang pah, pasang nao tong cap ikan. Luac dalam 20 thun, nduac jien mbang huak yaok harei. Thun 2014, tapa kapul mesraiy phun jien patak pataom di kapaul urang kamei xã Krông Nô, huyện Lăk, muk Nhạn hu gilang pariak sarak karja brei mesraiy  20 triệu đồng meng danak dak dong ka sang kathaot. Hu phun jien, sang muk padang ngak var ro, blei 2 drei limo mai rong. Limo prong pablei nao bloh blei  limo anek mai rong veik, raong ka nyu praong bloh pablei nao, ngak yau nan tal urak ni, sang muk Nhạn hu  8 drei limo, blei hu  6 sào taneh piah pala  dâu rong tằm.

 “Dahlau deih, nao ngak mbang pah saoh oh thau ngak hagait, mesraiy hu  20 triệu meng gilang pariak sarak karja  blei hu  2 drei limo, urak ni hu 8 drei, atah di ni 2 thun tabiak truh hu kathaot. Urak ni , rai duik hu tani tanat oh daok rambah rambeip yau dahlau deih”

Oh lac ta-eng muk  Nhạn bo rilo urang nong di dom bhum kan kandah  di tỉnh Đăk Lăk jeng hu tabiak truh kathaot meng dom danak dak brei mesraiy jien di gilang pariak sarak karja. Kayua jalan ngak di Gilang pariak oh lac brei mesraiy jien saoh bo dok dong ka bhap bini patruh kathaot, kayua yau nan ye, langiu di jien brei mesraiy, gilang pariak daok kham merat nao tal dom xã, dom puk, palei  kathaot piah ngak brei salih bahrau rai duik di bhap bini. Tapa dom kapul nyaom pato pasram, tacei ba mik va palih janih phun pala anek athur rong lagaih song puk palei piah patagok kein laba phun jien. Tui ong Nguyễn Đình Sâm, Chủ tịch Ủy ban bhap bini  xã Hòa Sơn, huyện Krông Bông, tỉnh Đắk Lắk, phun jien meng dom danak dak brei mesraiy di gilang pariak sarak karja hu rik dong biak rilo ka bruk patrun patakik boh sang kathaot kathaot dalam palei“Tui  sarak di  Đảng ủy jang yau  hội đồng, yaok thun patrun boh sang kathaot  meng 3-5%. Tapa peih ngak dom danak dak ye danak dak ni biak njauk, biak lagaih song mik va bhum kan kandah, sang kan, sang jiak si kathaot song sang bahrau tabiak truh kan kathaot. Abih di nyu nan lac dom danak dak brei mesraiy di bhum kan kandah piah patagok bruk ngak mbang pablei salih, ba raiduik di mik va dak harei dak tagok glaong. Abih di nyu nan lac dalam bruk padang ngak palei pala bahrau, meng ni tal thun  2020 ba Hòa Sơn mek hu taong abih 19 tiêu chí”

Urak ni, Gilang pariak sarak karja  tỉnh Đăk Lăk dok peih bruk brei mesraiy 15 danak dak. Thun  2018 meng bloh, gilang pariak hu ba tabiak labaih  1.200 tỷ đồng brei ka labaih  49.000 boh sang kathaot, jiak kan kathaot song patruh kathaot hu mesraiy phun jien piah pala drak, rong glang paglong rai duik, tui nan, abih tih jien brei mesraiy lac labaih  4.200 tỷ đồng. Ong Trần Mốt, Phó giám đốc gilang pariak brei thau, anak tal, piah patagok kein laba phun jien, gilang pariak pambuak bruk song Ubbhap bini dom  xã, ban sit, kapul nyaom taduan  ủy thác piah ngak harak gar, peih jien brei mesraiy, drah samar tal tangin bhap bini, nao gam song urang nong patrun kathaot samar, khang kajap .  “Tapa labik  giao dịch cố định di dom xã phường khol hulin brei thau ka sarak bahrau piah bhap bini thau cambaih dom sarak  dong brei di gilang pariak sarak karja. Langiu di nan, khol dahlak dok pambuak bruk song 4 kapul  chính trị xã hội piah ba phun jien ni tal tangin bhap bini. Tapa nan, gam song dom kapul nyaom taduan  ủy thác pasang iek duah thau piah urang pandar jien njauk bruk, njauk menuac urang,  ngak yau habar piah ka urang tagok hu kein laba phun jien bo  đảng karja dong ka bhap bini.”

Gilang pariak karja tỉnh Đăk Lăk njauk haong angan bo bhap bini bhian ieu lac “Gilang pariak di urang kan kathaot”. Dom danak dak brei mesraiy di gilang pariak hu jeng pren khang, lac jalan ngak siam lagaih dong ka  tỉnh patagok  kinh tế - xã hội. Kadha ni, hu brei mboh tapa bruk dom boh sang kathaot song urang dalam sarak karja hu tani tanat rai duik, patrun kathaot siam lagaih./.